ശാശ്വതീകാനന്ദയുടെ മരണം:നുണ പരിശോധനയ്ക്ക് തയാറെന്ന് ബിജു രമേശ്
തിരുവനന്തപുരം: ശിവഗിരി മുന് മഠാധിപതി സ്വാമി ശാശ്വതീകാനന്ദയുടെ മരണവുമായി ബന്ധപ്പെട്ട് നുണപരിശോധനയ്ക്ക് തയാറെന്ന് ബിജു രമേശ്. ക്രൈബ്രാഞ്ച് സംഘത്തിന് നല്കിയ മൊഴിയിലാണ് ഇക്കാര്യം വ്യക്തമാക്കിയത്. ശാശ്വതീകാനന്ദയുടെ മരണം കൊലപാതകമാണെന്ന് ആവര്ത്തിച്ചു.
മരണവുമായി ബന്ധപ്പെട്ട് താന് മുമ്പ് നല്കിയ മൊഴി വാസ്തവമാണ്. ആരോപണങ്ങള് സാധൂകരിക്കാന് തെളിവുകള് നല്കാം. എന്നാല് അന്വേഷം സത്യസന്ധമായി മുന്നോട്ടു പോകണമെന്നും ബിജു രമേഷ് വ്യക്തമാക്കി.
എര്ണാകുളം എസ് പി വികെ മധുവിന്റെ നേതൃത്വത്തിലാണ് മൂന്നു മണിക്കൂറോളം നീണ്ടു നിന്ന മൊഴിയെടുപ്പ് നടന്നത്. വരും ദിവസങ്ങളില് കൂടുതല് പേരൂടെ മൊഴിയെടുക്കുമെന്ന് അന്വേഷണ സംഘം വ്യക്തമാക്കി.
എന്നാല് ശാശ്വതീകാനന്ദയുടെ മരണവുമായി ബന്ധപ്പെട്ട് തുടരന്വേഷണത്തിന് ആഭ്യന്തര വകുപ്പ് ഉത്തരവിട്ടു. പുതിയ തെളിവുണ്ടെന്ന് ബോധ്യപ്പെട്ടതിനാലാണ് തുടരന്വേഷണത്തിന് ഉത്തരവിട്ടിരിക്കുന്നത്. ക്രൈംബ്രാഞ്ച് എ ഡി ജി പി ആനന്ദകൃഷ്ണന് മേല്നോട്ടം വഹിക്കും.