കളമശ്ശേരി സ്ഫോടനം: ഒരാള് കൂടി മരിച്ചു, മരണസംഖ്യ നാലായി, പരിക്കേറ്റവരുടെ നില ഗുരുതരം
എറണാകുളം: കളമശ്ശേരിയില് യഹോവ സാക്ഷികളുടെ കണ്വെന്ഷനിടെ ഉണ്ടായ സ്ഫോടനത്തില് ഒരാള് കൂടി മരിച്ചു. ഗുരുതരമായി പൊള്ളലേറ്റ് ചികിത്സയില് കഴിഞ്ഞിരുന്ന ആലുവ തൈക്കാട്ടുകാര സ്വദേശി മോളി ജോയ് ആണ് മരിച്ചത്. എറണാകുളം മെഡിക്കല് സെന്റര് ആശുപത്രിയില് ചികിത്സയിലായിരുന്നു ഇവര്. തിങ്കളാഴ്ച്ച പുലര്ച്ചെ അഞ്ചരയോടെ ആയിരുന്നു മോളി ജോയിയുടെ മരണം.
ഇതോടെ കളമശ്ശേരി സ്ഫോടനത്തില് മരിച്ചവരുടെ എണ്ണം നാലായി. നേരത്തെ പെരുമ്പാവൂര് ഇരിങ്ങോള് വട്ടോളിപ്പടി പുളിയന് വീട്ടില് ലിയോണ പൗലോസ് ( 55 ), ഇടുക്കി കാളിയാര് മുപ്പത്താറ് കവലയില് കുമാരി ( 53 ), മലയാറ്റൂര് കടവന്കുഴി വീട്ടില് പ്രദീപന്റെ മകള് ലിബിന ( 12 ) എന്നിവര് സ്ഫോടനത്തില് മരിച്ചിരുന്നു. ലിയോണ പൗലോസ് സംഭവ സ്ഥലത്ത് വെച്ചും കുമാരിയും ലിബിനയും ചികിത്സയില് കഴിയവേയുമാണ് മരണപ്പെട്ടത്.
ഒക്ടോബര് 29 നാ് ആയിരുന്നു കളമശ്ശേരി സംറ കണ്വെന്ഷന് സെന്ററില് സ്ഫോടനം നടന്നത്. യഹോവ സാക്ഷികളുടെ കണ്വെന്ഷനിടെ ആയിരുന്നു സംഭവം. ഒന്നിലധികം സ്ഫോടനങ്ങളാണ് ഉണ്ടായത്. 2500 ഓളം പേര് ഹാളിലുണ്ടായിരിക്കെ ആയിരുന്നു സ്ഫോടനം. അമ്പതോളം പേര്ക്ക് സ്ഫോടനത്തില് പരിക്കേറ്റിരുന്നു. ഇതില് 18 പേരാണ് പരിക്കേറ്റ് നിലവില് ചികിത്സയില് കഴിയുന്നത്.
ഐ സി യുവില് കഴിയുന്ന പതിമൂന്ന് പേര് സാരമായി പൊള്ളലേറ്റവരാണ്. ഇവരുടെ നില ഗുരുതരമായി തുടരുകയാണ്. തമ്മനം സ്വദേശിയായ ഡൊമനിക് മാര്ട്ടിന് ആണ് സ്ഫോടനം നടത്തിയത്. യഹോവ സാക്ഷികളില്പ്പെട്ടയാള് തന്നെയാണ് ഇയാള്. ഭിന്നാഭിപ്രായത്തെ തുടര്ന്നാണ് സ്ഫോടനം നടത്തിയത് എന്ന് മാര്ട്ടിന് സമ്മതിച്ചിരുന്നു. സ്ഫോടനം നടന്ന് മണിക്കൂറുകള്ക്കുള്ളില് ഡൊമനിക് മാര്ട്ടിന് ഉത്തരവാദിത്തം ഏറ്റെടുത്തിരുന്നു.
കഴിഞ്ഞ ദിവസം ഇയാളെ സംഭവ സ്ഥലത്തെത്തിച്ച് തെളിവെടുപ്പ് നടത്തിയിരുന്നു. അതിനിടെ ഡൊമനിക് മാര്ട്ടിന്റെ കസ്റ്റഡി അപേക്ഷ എറണാകുളം പ്രിന്സിപ്പല് സെഷന്സ് കോടതി ഇന്ന് പരിഗണിക്കും. വിശദമായ ചോദ്യം ചെയ്യലിനും തെളിവെടുപ്പിനുമായി ഡൊമനിക്ക് മാര്ട്ടിനെ പത്ത് ദിവസത്തെ കസ്റ്റഡിയില് വേണം എന്നാണ് അന്വേഷണ സംഘത്തിന്റെ അപേക്ഷ.
അതേസമയം ബോംബ് നിര്മാണത്തിന് ഡൊമനിക്ക് മാര്ട്ടിന് കൂടുതല് പേരുടെ സഹായം ലഭിച്ചിട്ടുണ്ടോ എന്നാണ് പൊലീസ പരിശോധിക്കുന്നത്. എറണാകുളം ജില്ലാ ജയിലില് റിമാന്ഡ് ചെയ്ത പ്രതിയുടെ തിരിച്ചറിയല് പരേഡ് കഴിഞ്ഞ ദിവസമാണ് പൂര്ത്തിയാക്കിയത്.
-
സ്വർണം വാങ്ങുന്നത് സേഫ് അല്ല, വിൽക്കാൻ നിൽക്കുന്നവരും പെട്ട് പോകും';സാമ്പത്തിക വിദഗ്ധ മേരി ജോർജ് -
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
മമ്മൂട്ടി ആ സിനിമയില് അനുകരിച്ചത് ഇദ്ദേഹത്തിന്റെ ഹെയര് സ്റ്റൈല്; തിയേറ്ററുകള് കിടുങ്ങിയ സീനുകള് -
ലുലു ഗ്രൂപ്പിൽ ജോലി ഒഴിവ്; നിയമനം കോഴിക്കോടും മലപ്പുറത്തും..അഭിമുഖം 28 ന് -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
മീനാക്ഷിക്ക് ഇത്തവണ മഞ്ജു വാര്യരുടെ ലൈക്ക് ഇല്ല?;വൈറലായി പുതിയ ഫോട്ടോ..മകളെ ചേർത്ത് പിടിച്ച് ദിലീപ് -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
രേണു സുധിയെ ദുബായ് പൊലീസ് നാട്ടിലേക്കു കയറ്റിവിട്ടു? പ്രതികരണവുമായി രേണു: താനിപ്പോഴും ദുബായില് -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
കേരളത്തിൽ വേനൽ കടുത്തു, ചൂടിന് ശമനമില്ല; പ്രതീക്ഷയായി വേനൽ മഴ, മറ്റന്നാൾ മുതൽ പെയ്യാൻ സാധ്യത -
യുഎഇയും ബഹ്റൈനും പിടിച്ചടക്കും; ഇറാന് റെഡി എന്ന് വിദഗ്ധന്, യുഎസ് ആ നീക്കം നടത്തിയാല്
Click it and Unblock the Notifications
Sign in with Google