മൂന്നാം അങ്കത്തില് ചെങ്കോട്ട പിടിച്ചെടുത്ത് ഷാനിമോള്; അരൂരില് യുഡിഎഫിന് അട്ടിമറി വിജയം
Recommended Video
ആലപ്പുഴ: ഇഞ്ചോടിച്ച് പോരാട്ടത്തിനൊവില് അരൂര് സീറ്റ് എല്ഡിഎഫില് നിന്ന് പിടിച്ചെടുത്ത് ഷാനിമോള് ഉസ്മാന്. 2029 വോട്ടുകള്ക്കാണ് എല്ഡിഎഫിലെ മനു സി പുളിക്കലിനെ ഷാനിമോള് ഉസ്മാന് പരാജയപ്പെടുത്തിയത്. പോസ്റ്റല് വോട്ടുകള് എണ്ണിയപ്പോള് മാത്രമായിരുന്നു എല്ഡിഎഫ് സ്ഥാനാര്ത്ഥിക്ക് ലീഡ് നേടാന് സാധിച്ചത്. വോട്ടിങ് യന്ത്രത്തിലെ വോട്ടുകള് എണ്ണിത്തുടങ്ങിയപ്പോള് ഷാനി മോള് ഉസ്മാന് ലീഡ് പിടിച്ചു. ഈ മേല്ക്കൈ അവസാനം വരെ നിലനിര്ത്താന് ഷാനിമോള് ഉസ്മാന് സാധിച്ചു. 67,832 വോട്ടുകള് ഷാനിമോള് ഉസ്മാന് നേടിയപ്പോള് മനു സി പുളിക്കലിന് ലഭിച്ചത് 65,956 വോട്ടുകളാണ്. അതേ സമയം 15,920 വോട്ടുകള് മാത്രമാണ് ബിജെപിക്ക് നേടാന് സാധിച്ചത്.
ഉപതിരഞ്ഞെടുപ്പ് നടന്ന അഞ്ച് നിയമസഭാ മണ്ഡലങ്ങളില് എല്ഡിഎഫിന്റെ ഏക സിറ്റിങ് സീറ്റായിരുന്നു അരൂര്. എംഎല്എയായിരുന്ന എഎം ആരിഫ് ആലപ്പുഴ മണ്ഡലത്തില് നിന്ന് ലോക്സഭയിലേക്ക് തിരഞ്ഞെടുക്കപ്പെട്ടതോടെയാണ് അരൂരില് ഉപതിരഞ്ഞെടുപ്പിന് കളം ഒരുങ്ങിയത്. അഞ്ച് നിയമസഭാ മണ്ഡലങ്ങളില് ഏറ്റവും കൂടുതല് പോളിങ് നടന്നത് അരൂരിലാണ്. 80.47 ശതമാനമായിരുന്നു അരൂരിലെ പോളിങ്. കഴിഞ്ഞ തിരഞ്ഞെടുപ്പുകളെ അപേക്ഷിച്ച് മണ്ഡലത്തില് പോളിങ് ശതമാനത്തില് നേരിയ കുറവ് ഉണ്ടായെങ്കിലും വലിയ പ്രതീക്ഷയായിരുന്നു ഇരു മുന്നണികളും വെച്ചു പുലര്ത്തിയത്.
ഏക സീറ്റിങ്ങ് സീറ്റായതിനാല് മറ്റ് മണ്ഡലങ്ങള് തിരിച്ചു പിടിക്കുക എന്നതിനേക്കാള് അരൂര് നിലനിര്ത്തുക എന്നത് ഇടതുമുന്നണിക്ക് ഏറെ പ്രധാനപ്പെട്ടതായിരുന്നു. ഇടതുമുന്നണിക്ക് ശക്തമായ മേധാവിത്വമുള്ള മണ്ഡലത്തില് 2016 ലെ നിയമസഭാ തിരഞ്ഞെടുപ്പില് 38519 വോട്ടുകള്ക്കായിരുന്നു എഎം ആരിഫ് വിജയിച്ചത്.
എന്നാല് ലോക്സഭാ തിരഞ്ഞെടുപ്പില് ആലപ്പുഴയില് തോറ്റിട്ടും അതിനകത്ത് കിടന്ന അരൂരില് ഷാനിമോള് ഉസ്മാന് ലീഡ് നേടിയത് ഇടതുമുന്നണിയെ ഞെട്ടിച്ചു. 648 വോട്ടിന്റെ ലീഡായിരുന്നു മണ്ഡലത്തില് നിന്ന് ഷാനിമോള് ഉസ്മാന് ലഭിച്ചത്. ഇത് തന്നെയാണ് യുഡിഎഫിന്റെ പ്രതീക്ഷ വര്ധിപ്പിച്ചത്. ബൂത്ത് ലെവലില് നിന്ന് ശേഖരിച്ച കണക്കുകളുടെ അടിസ്ഥാനത്തില് 5000 വോട്ടിന്റെ ലീഡ് വരെയാണ് യുഡിഎഫ് പ്രതീക്ഷിച്ചിരുന്നത്. അത്ര നേടാന് കഴിഞ്ഞെില്ലെങ്കിലും ഈ വിജയം യുഡിഎഫിന് അഭിമാനകരം തന്നെയാണ്.
കഴിഞ്ഞ അറുപത് വര്ഷത്തിനിടയില് ഒരിക്കല് പോലും കോണ്ഗ്രസിന് വിജയം കാണാനാവാതെ പോയ മണ്ഡലമാണ് അരൂര്. 1957-ലും 1960-ലും പി.എസ്. കാർത്തികേയൻ ജയിച്ചതൊഴിച്ചാൽ ഇവിടെ നിന്ന് ഒരു കോൺഗ്രസ് സ്ഥാനാർഥി വിജയിച്ചിട്ടേയില്ല.
-
സ്വർണം മലയാളികൾക്ക് വേണ്ട; സ്വർണം വാങ്ങാൻ ആളില്ല; ആഭരണങ്ങൾക്ക് ഡിസ്കൗണ്ട് നൽകിയിട്ടും രക്ഷയില്ലാതെ വ്യാപാരികൾ -
ഖത്തര് പറഞ്ഞത് സംഭവിച്ചാല് ഇന്ത്യ വെട്ടിലാകും; പെട്രോളിന് 200 രൂപ, കുവൈത്ത് എണ്ണ ഉല്പ്പാദനം നിര്ത്തി -
പുതിയ ജോലി കിട്ടും, നല്ല വിവാഹാലോചനകൾ വരും, സാമ്പത്തിക പ്രയാസങ്ങള് തീരും, നാൾഫലം -
സ്വർണം പണിക്കൂലി ഇല്ലാതെ വാങ്ങാം; ഇങ്ങനെ ബുക്ക് ചെയ്യൂ; പുതിയ സ്കീമുമായി ജ്വല്ലറികൾ -
ദിലീപ് വേണമെന്ന് ലാലിൻ്റെ ഡിമാൻ്റ്..പൊയ്മുഖങ്ങളെ തിരിച്ചറിയാൻ സിദ്ധിഖിന് ആയില്ല';ആലപ്പി അഷ്റഫ് -
സ്വര്ണം, സില്ക്ക് സാരി, 2500 രൂപ സഹായം; വമ്പന് പ്രഖ്യാപനവുമായി വിജയ്, വാഗ്ദാനപ്പെരുമഴ -
ബെംഗളൂരുവില് എയര്ബസിന്റെ വമ്പന് ടെക്നോളജി സെന്റര്; 5,000 ജീവനക്കാരെ ഉള്ക്കൊള്ളുന്ന ക്യാമ്പസ് -
ഗള്ഫില് സന്തോഷം; ഇറാന് ആക്രമണം നിര്ത്തി, ഒരു നിബന്ധന, മുന് സംഭവങ്ങളില് മാപ്പ് പറഞ്ഞ് പ്രസിഡന്റ് -
വിദേശയാത്രയും തൊഴിലും ആഗ്രഹിച്ചിരിക്കുന്നവര്ക്ക് സാധിക്കും, അപ്രതീക്ഷിതമായി വലിയ സൗഭാഗ്യം, വാരഫലം -
ചെന്നൈയെ ഞെട്ടിക്കാൻ ലുലു; മെട്രോ സ്റ്റേഷനുകളിലെ ഹൈപ്പർമാർക്കറ്റും ഡെയ്ലിയും അടുത്ത മാസം തുറക്കും -
സ്വർണം തിങ്കളാഴ്ച വാങ്ങുന്നുണ്ടോ? വില 1.20 ലക്ഷത്തിന് മുകളിലേക്കോ അതോ താഴേക്കോ? വിദഗ്ധർ പറയുന്നത് ഇതാണ് -
Women's Day Malayalam Wishes: വീണ്ടുമൊരു വനിതാദിനം കൂടി, ആശംസകള് അറിയിക്കാം
Click it and Unblock the Notifications
Sign in with Google