ഒമൈക്രോണ് വ്യാപനം: ചടങ്ങുകളില് പങ്കെടുക്കുന്നവരുടെ എണ്ണം കുറയ്ക്കും, പുതിയ നിയന്ത്രണങ്ങള് ഇങ്ങനെ
തിരുവനന്തപുരം: കൊവിഡിന്റെ ഏറ്റവും പുതിയ വകഭേദമായ ഒമൈക്രോണ് വ്യാപിക്കുന്ന പശ്ചാത്തലത്തില് സംസ്ഥാനം നിയന്ത്രണം ശക്തമാക്കാന്ഡ ഒരുങ്ങുന്നതായി റിപ്പോര്ട്ട്. അടച്ചിട്ട മുറികളില് 75 പേര്, തുറസ്സായ സ്ഥലങ്ങളില് 150 പേര് എന്നിങ്ങനെ ആളുകളുടെ എണ്ണം പരിമിതപ്പെടുത്താനാണ് തീരുമാനം.
Recommended Video
കല്യാണം, മരണാനന്തര ചടങ്ങുകള്, സാമൂഹ്യ രാഷ്ട്രീയ സാംസ്കാരിക, സാമുദായിക പൊതുപരിപാടികള് എന്നിവയ്ക്ക് ഇത് ബാധകമായിരിക്കും. ഔദ്യോഗിക പ്രഖ്യാപനം ഉടനുണ്ടാകുമെന്നാണ് സൂചന. മുഖ്യമന്ത്രി പിണറായി വിജയന്റെ അധ്യക്ഷതയില് ചേര്ന്ന യോഗത്തിലാണ് ഇതുമായി ബന്ധപ്പെട്ട തീരുമാനം കൈക്കൊണ്ടത്.
എല്ലാ രാജ്യങ്ങളില് നിന്നും വരുന്ന രോഗ ലക്ഷണങ്ങളുള്ളവരുടെ പരിശോധന എയര്പോര്ട്ടുകളില് ശക്തിപ്പെടുത്താനും യോഗം നിര്ദ്ദേശിച്ചു.
ഇതുവരെ കോവിഡ് മരണ ധനസഹായത്തിന് അപേക്ഷിക്കാത്തവര് ഉടന് തന്നെ അപേക്ഷിക്കണം. കയ്യില് കിട്ടിയ അപേക്ഷകളില് നടപടി താമസിപ്പിക്കരുതെന്ന് മുഖ്യമന്ത്രി ഉദ്യോഗസ്ഥരോട് നിര്ദ്ദേശിച്ചു.
ഒമിക്രോണ് കേസുകളില് വര്ദ്ധനയുണ്ടായിട്ടുണ്ട്. നിലവില് കേരളത്തില് 181 ഒമിക്രോണ് ബാധിതരാണ് ഉള്ളത്. സംസ്ഥാനത്ത് 80 ശതമാനം പേര്ക്ക് രണ്ടാം ഡോസ് വാക്സിന് നല്കിയിട്ടുണ്ട്. 15.43 ലക്ഷം കുട്ടികളാണ് വാക്സിന് ലഭിക്കാന് അര്ഹരായിട്ടുള്ളവര്. ഇതില് 2 ശതമാനം കുട്ടികള്ക്ക് വാക്സിനേഷന് നല്കി.
നിലവില് വാക്സിന് സ്റ്റോക്ക് പര്യാപ്തമാണ്. കുട്ടികള്ക്ക് വാക്സിന് നല്കാനാവശ്യമായ നടപടികള് പുരോഗമിക്കുകയാണ്. ഒമിക്രോണ് വ്യാപന സാഹചര്യത്തില് വീടുകളില് കോവിഡ് ചികിത്സയില് കഴിയുന്നവര്ക്കുള്ള ചികിത്സാ പ്രോട്ടോക്കോള് ആരോഗ്യവകുപ്പ് പുറത്തിറക്കും.
Click it and Unblock the Notifications
Sign in with Google