വൃക്ക മാറ്റിവച്ചു; റോബോട്ടിന്റെ സഹായത്തോടെ കോഴിക്കോട് ആശുപത്രിയില്
കോഴിക്കോട്: ശസ്ത്രക്രിയയ്ക്ക് പതിവുപോലെ കൈകള് കൂടുതല് പ്രവര്ത്തിപ്പിക്കേണ്ടി വന്നില്ല. റോബോട്ടിന്റെ കരങ്ങളായിരുന്നു അവയവമാറ്റ ശസ്ത്രക്രിയയില് കാര്യമായ പങ്കുവഹിച്ചത്. റോബോട്ടിനെ നിയന്ത്രിക്കാനുള്ള അധ്വാനം മാത്രമേ ഡോക്റ്റര്മാര്ക്കും ഉണ്ടായുള്ളൂ. അതും വൃക്കമാറ്റിവെക്കല് പോലൊരു സങ്കീര്ണ ശസ്ത്രക്രിയയില്. കണ്ണൂര് സ്വദേശിയായ 50 കാരനാണ് ഏറ്റവും ആധുനികമായ ഡാവിഞ്ചി റോബോട്ടിക് സര്ജിക്കല് സംവിധാനം ഉപയോഗിച്ച് ഉത്തര കേരളത്തില് ആദ്യമായി വൃക്ക മാറ്റിവച്ചത്. ആസ്റ്റര് മിംസ് ആശുപത്രിയിലായിരുന്നു ശസ്ത്രക്രിയ.
കിഡ്നി മാറ്റിവയ്ക്കുന്നതിനായി സാധാരണഗതിയില് വാരിയെല്ലിന് താഴെനിന്നും വയറിന് കുറുകെ നീളുന്ന ഏകദേശം 25 സെന്റിമീറ്റര് നീളത്തിലുള്ള വലിയ മുറിവാണ് ശരീരത്തില് ഉണ്ടാക്കുക. മണിക്കൂറുകള് നീളുന്ന വലിയ ശസ്ത്രക്രിയയാണത്. എന്നാല് റോബോട്ടിക് സര്ജിക്കല് സംവിധാനം ഉപയോഗപ്പെടുത്തിയാല് വയറിലുണ്ടാക്കുന്ന വളരെ ചെറിയ സുഷിരങ്ങളിലൂടെ ശസ്ത്രക്രിയ സാദ്ധ്യമാകുമെന്ന് ഡോക്റ്റര്മാര് പറഞ്ഞു. രോഗിക്ക് വളരെ ചെറിയ വേദനയേ ഉണ്ടാകൂ, രക്തനഷ്ടവും കുറവായിരിക്കും. കൂടാതെ ചെറുതും അധികം ശ്രദ്ധിക്കപ്പെടാത്തതുമായ പാടുകളേ അവശേഷിക്കൂ. അധികദിവസം ആശുപത്രിയില് കഴിയാതെതന്നെ പെട്ടെന്ന് സുഖമാകും എന്നതും റോബോട്ടിക് ശസ്ത്രക്രിയയുടെ മേന്മയാണ്.
റോബോട്ടിക് കിഡ്നി ട്രാന്സ്പ്ലാന്റ് ടീമംഗങ്ങളായ ഡോ പ്രീത ചന്ദ്രന്, ഡോ കെ കിഷോര്, ഡോ. രവികുമാര് കരുണാകരന്, ഡോ. അഭയ് ആനന്ദ്, ഡോ സൂര്ദാസ് എന്നിവര് ഡാവിഞ്ചി റോബോട്ടിക് സര്ജിക്കല് സിസ്റ്റത്തിനൊപ്പം
യൂറോളജി വിഭാഗം മേധാവിയും സീനിയര് കണ്സള്ട്ടന്റുമായ ഡോ. രവികുമാര് കരുണാകരന്, സീനിയര് കണ്സള്ട്ടന്റായ ഡോ. കിഷോര് ടിഎ എന്നിവരുടെ നേതൃത്വത്തില് കണ്സള്ട്ടന്റുമാരായ ഡോ. അഭയ് ആനന്ദ്, ഡോ സൂര്ദാസ് അനസ്തേഷ്യ വിഭാഗത്തിലെ ഡോ പ്രീത ചന്ദ്രന്, ഡോ കെ കിഷോര് നെഫ്രോളജി വിഭാഗം സീനിയര് കണ്സള്ട്ടന്റുമാരായ ഡോ സജിത്ത് നാരായണന്, ഡോ ഫിറോസ് അസീസ്, ഡോ ഇസ്മയില് എന് എ, ഡോ ബെനില് ഹഫീഖ് എന്നിവര് ചേര്ന്നാണ് റോബോട്ടിക് കിഡ്നി ട്രാന്സ്പ്ലാന്റ് പൂര്ത്തിയാക്കിയത്.
എന്ഡോസ്കോപ്, കാമറകള്, ശസ്ത്രക്രിയ നടത്തേണ്ട ഭാഗത്തിന്റെ 3ഡി ചിത്രങ്ങള് ലഭ്യമാക്കുന്നതിനുള്ള ഉപകരണം എന്നിവയടങ്ങിയ വിഷന് സിസ്റ്റം, റോബോട്ടിക് കരം അടങ്ങിയ പേഷ്യന്റ് സൈഡ് കാര്ട്ട്, സര്ജന് ശസ്ത്രക്രിയ നടത്തുന്ന ഭാഗങ്ങള് കാണുന്നതിനും റോബോട്ടിക് സര്ജിക്കല് ഉപകരണങ്ങള് ഉപയോഗിക്കുന്നതിനുമുള്ള സര്ജന് കണ്സോള് എന്നിവയാണ് ഡാവിഞ്ചി സര്ജിക്കല് സംവിധാനത്തിന്റെ പ്രധാന ഘടകങ്ങള്. കൈകളുടെ നീക്കവും പെഡലില് കാല് ഉപയോഗിച്ചുള്ള ചലനങ്ങളും വഴിയാണ് കാമറകള് നിയന്ത്രിക്കുന്നതും ഫോക്കസ് ചെയ്യുന്നതും റോബോട്ടിക് കരങ്ങളെ ചലിപ്പിക്കുന്നതും.
-
ബാങ്കിൽ പോകാൻ ഇരിക്കുന്നവർ ശ്രദ്ധിക്കുക; ഏപ്രിലിൽ പകുതിയോളം ദിവസം ബാങ്ക് അവധി; ലിസ്റ്റ് ഇതാ! -
കൊച്ചിക്കാർക്ക് ഇനി അൽപ്പം ആശ്വസിക്കാം; വൈറ്റില ജംഗ്ഷനിലെ ഗതാഗത കുരുക്ക് പരിഹരിക്കാൻ ഇടപെടൽ -
'പാലക്കാട്ടെ ജനങ്ങൾ രാഷ്ട്രീയഭേദമന്യേ രാഹുൽ മാങ്കൂട്ടത്തിലിന് ഒപ്പം'; മോദിയെ വിമർശിച്ച് രാഹുൽ ഈശ്വർ -
സ്വര്ണം ഇങ്ങനെ വില കുറയുമെന്ന് ആരും കരുതിയില്ല.. യഥാര്ത്ഥത്തില് സംഭവിച്ചത് ഇത് -
ലുലു ഗ്രൂപ്പിന്റെ അനുബന്ധ സ്ഥാപനം ഡല്ഹിയില് ബംഗ്ലാവ് സ്വന്തമാക്കി; സ്റ്റാമ്പ് ഡ്യൂട്ടി മാത്രം 6.26 കോടി -
മോഹൻലാൽ ബുദ്ധിമാനായതിനാലാണ് ചെയ്തത്, എത്രകാലമായി മലയാളികളെ പറ്റിക്കുന്നു';ശാന്തിവിള ദിനേശ് -
സ്വർണം വിറ്റ് തുർക്കി; രണ്ടാഴ്ചക്കിടെ വിറ്റത് 58 ടണ്, റഷ്യയും വിറ്റു 15 ടണ്..ഇനി സ്വർണ വില കുത്തനെ താഴേക്കോ? -
ഇറാന്റെ നട്ടെല്ല് തകർക്കാൻ അമേരിക്കയുടെ വൻ നീക്കം; ഏപ്രിൽ 6 ഡെഡ്ലൈൻ! -
ഈ രാശിക്കാരാണോ? ഏപ്രില് 11 മുതല് രാജയോഗം... പുത്തന്വീടും കാറും കൈയിലേക്ക്..!! -
ഇറാനിലെ എണ്ണ ശേഖരത്തിൽ കണ്ണുവച്ച് ഡൊണാൾഡ് ട്രംപ്; 'വേണമെങ്കിൽ ഖാർഗ് ദ്വീപ് യുഎസ് പിടിച്ചെടുക്കും' -
കിച്ചുവിനെ നോക്കേണ്ട ബാധ്യത രേണുവിനില്ല, അവൾക്കും ഒരുപാട് പറയാനുണ്ട്, ഇപ്പോൾ സംഭവിച്ചത് എന്ത്?';ദിയ സന -
'രേണുവിന്റെ കരച്ചില് നാടകം; കിച്ചുവിന് ഇനിയും പറയാനുണ്ട്..'; വീട് കൊടുക്കേണ്ടായിരുന്നെന്ന് ഫിറോസ്
Click it and Unblock the Notifications
Sign in with Google