കോടിയേരിയോടുള്ള ആദരം; തിങ്കാളാഴ്ച മൂന്നിടങ്ങളില് ഹര്ത്താല് ആചരിക്കും
കണ്ണൂര്: കോടിയേരി ബാലകൃഷ്ണന്റെ നിര്യാണത്തെ തുടര്ന്ന് തലശേരി ധര്മ്മടം, കണ്ണൂര്, ധര്മ്മടം മണ്ഡലങ്ങളില് ആദരചൂചകമായി ഹര്ത്താല് അചരിക്കും. മൃതദേഹം ഇന്ന് പതിനൊന്ന് മണിയോടെ കണ്ണൂര് വിമാനത്താവളത്തില് എത്തിക്കും. അര്ബുദബാധയെ തുടര്ന്ന് ചികിത്സയിലായിരുന്നു കോടിയേരി ബാലകൃഷ്ണന്, ചെന്നൈ അപ്പോളോ ആശുപത്രിയില് രാത്രി 8:30 ഓടെയാണ് അന്ത്യം. 70 വയസായിരുന്നു.
പാര്ടി പതാകകള് താഴ്ത്തിക്കെട്ടണമെന്നും, ലോക്കല് അടിസ്ഥാനത്തില് അനുശോചന യോഗങ്ങള് സംഘടിപ്പിക്കണമെന്നും പാര്ടി ഘടകങ്ങളോടും സംസ്ഥാന സെക്രട്ടേറിയറ്റ് നിര്ദ്ദേശിച്ചു.നാളെ (02.10.2022) പൂര്ണ്ണമായും തലശ്ശേരി ടൗണില് പൊതുദര്ശനം. തുടര്ന്ന് കോടിയേരിയിലെ മാടപ്പീടികയിലെ വീട്ടില് പൊതുദര്ശനത്തിന് 03.10.2022 രാവിലെ 10 മണിവരെ. സി പി എം കണ്ണൂര് ജില്ലാ കമ്മിറ്റി ഓഫീസില് 03.10.2022-ന് രാവിലെ 11 മണി മുതല് പൊതുദര്ശനം. തുടര്ന്ന് വൈകീട്ട് 3 മണിക്ക് പയ്യാമ്പലത്ത് സംസ്ക്കാരംനടക്കും.
വ്യക്തിജീവിതത്തെ പൂര്ണമായും പാര്ടി ജീവിതത്തിനു കീഴ്പ്പെടുത്തിയ മാതൃകാ രാഷ്ട്രീയ വ്യക്തിത്വത്തിന്റെ ഉടമയായിരുന്നു സഖാവ് കോടിയേരി ബാലകൃഷ്ണനെന്ന് സി പി എം സംസ്ഥാന സെക്രട്ടറിയേറ്റ് പ്രസ്താവനയിലൂടെ അറിയിച്ചു. കടുത്ത ശാരീരിക വിഷമതകള് പോലും പാര്ടി ഏല്പ്പിച്ച ചുമതലകള്ക്കു തടസ്സമാവരുത് എന്ന കാര്യത്തില് അസാധാരണ നിഷ്കര്ഷയായിരുന്നു സഖാവിന്. അചഞ്ചലമായ പാര്ടി കൂറും, പ്രതിബദ്ധതയും കൊണ്ട് മാതൃകയായിത്തീര്ന്ന മഹത്തായ കമ്യണിസ്റ്റ് ജീവിതമായിരുന്നു അദ്ദേഹത്തിന്റേത്.
വിദ്യാര്ത്ഥി യുവജന രംഗങ്ങളിലൂടെ പാര്ടിയുടെ നേതൃനിരയിലേക്കു വളര്ന്നു വന്നു. ത്യാഗപൂര്ണവും, യാതനാ നിര്ഭരവുമായ ജീവിതം നയിച്ചു. പാര്ടിയെ ജീവശ്വാസമായി കരുതി. വാക്കും, പ്രവൃത്തിയും, ജീവിതവും പാര്ടിക്കായി സമര്പ്പിച്ചു. സമാനതയില്ലാത്ത ജീവിതമാണു സഖാവ് കോടിയേരിയുടേത്.
സിപിഐ എമ്മിനെയും, ഇടതുപക്ഷ ജനാധിപത്യ മുന്നണിയേയും പുതിയ രാഷട്രീയ സ്വീകാര്യതയുടെ തലങ്ങളിലേക്കെത്തിച്ചു. ചരിത്രത്തില് ആദ്യമായി തുടര്ഭരണം എല്ഡിഎഫിന് ഉറപ്പാക്കുന്ന വിധം നേതൃത്വപരമായി ഇടപെട്ടു. വിഭാഗീയതകളെ ചെറുത്തു. പാര്ടിയെ സുസംഘടിതമായി ശക്തിപ്പെടുത്തി. എതിര് പ്രചാരണങ്ങളുടെ മുനയൊടിക്കും വിധം പാര്ടിയെ സംരക്ഷിച്ചു.
സമര തീക്ഷ്ണതയുടെ ജ്വലിക്കുന്ന നേതൃരൂപമായിരുന്നു കോടിയേരി. ആശയപരമായും, സംഘടനാപരമായും പാര്ടിയെ ശക്തിപ്പെടുത്തി നയിക്കുന്നതില് അനതിസാധാരണമായ സംഘടനാ പ്രത്യയശാസ്ത്ര മികവുകാട്ടി. ഏറ്റെടുത്ത ഉത്തരവാദിത്വം അതിന്റെ പൂര്ണതയില് നിറവേറ്റിയാണ് കേരളത്തിലെ വിപ്ലവ പ്രസ്ഥാനത്തിന്റെ അമരത്തേക്ക് കോടിയേരി വീണ്ടും എത്തിയത്.
നിരവധി ധീര പോരാട്ടങ്ങളാല് രൂപപ്പെട്ട വ്യക്തിത്വമാണ്. ഏതു പ്രതിസന്ധികളെയും പ്രത്യയശാസ്ത്ര ദൃഢത കൊണ്ടു നേരിട്ടു. ചിട്ടയായ സംഘടനാ പ്രവര്ത്തനം, പാര്ടിയും ജനങ്ങളും അര്പ്പിച്ച വിശ്വാസം കാത്തുസൂക്ഷിക്കുന്നതിലെ ശുഷ്കാന്തി, അചഞ്ചലമായ പാര്ടിക്കൂറ്, കൂട്ടായ പ്രവര്ത്തനത്തിനുള്ള നേതൃപാടവം ഇവയെല്ലാം കോടിയേരിയില് ഉള്ച്ചേര്ന്നിരുന്നെന്ന് സി പി എം സംസ്ഥാന സെക്രട്ടറിയേറ്റ് പ്രസ്താവനയില് കുറിച്ചു.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google