എതിർപ്പുകള് മറികടന്നു: സംസ്ഥാന വഖഫ് ബോർഡ് ചെയർമാനായി എംകെ സക്കീറിനെ തിരഞ്ഞെടുത്തു
കോഴിക്കോട്: സംസ്ഥാന വഖഫ് ബോർഡിന്റെ 15 മത് ചെയർമാനായി അഡ്വ. എംകെ സക്കീറിനെ ഐക്യകണ്ഠേന തെരഞ്ഞെടുത്തു. ചില മത നേതാക്കളുടെ എതിർപ്പ് വകവെക്കാതെയാണ് സക്കീറിനെ അധ്യക്ഷനായി നിയമിച്ചത്. വെള്ളിയാഴ്ച തിരുവനന്തപുരത്ത് നടന്ന വഖഫ് ബോർഡ് അംഗങ്ങളുടെ യോഗത്തിൽ 10 അംഗങ്ങളും ഐക്യകണ്ഠേനയാണ് സക്കീറിനെ തെരഞ്ഞെടുത്തതെന്ന് സംസ്ഥാന വഖഫ് മന്ത്രി വി അബ്ദുൽ റഹ്മാൻ അറിയിച്ചു.
കേരള പബ്ലിക് സർവീസ് കമ്മീഷൻ ചെയർമാൻ എന്ന നിലയിൽ മികച്ച പ്രവർത്തനം കാഴ്ചവച്ച സക്കീറിന്റെ നേതൃത്വത്തിൽ ബോർഡ് നല്ല പ്രവർത്തനം നടത്തുമെന്ന് മന്ത്രി കൂട്ടിച്ചേർത്തു. വഖഫ് ബോർഡിന്റെ സ്വത്തുക്കളുമായി ബന്ധപ്പെട്ട കേസുകളും തർക്കങ്ങളും പരാതി പരിഹാരവും മറ്റും വേഗത്തിലാക്കാൻ പുതിയ ചെയർമാന് കഴിയും. അന്യാധീനപ്പെട്ട വഖഫ് സ്വത്തുക്കൾ തിരിച്ചുപിടിക്കൽ സമയം ആവശ്യമുള്ള പ്രക്രിയയാണെന്നും അത് പുതിയ ചെയർമാനു കീഴിൽ തുടരുമെന്നും മന്ത്രി വ്യക്തമാക്കി.
വഖഫ് ബോർഡിന് കീഴിൽ പ്രവർത്തിക്കുന്ന രജിസ്റ്റർ ചെയ്യാത്ത സ്ഥാപനങ്ങളെ ഏതുവിധേനയും രജിസ്റ്റർ ചെയ്യിപ്പിക്കേണ്ടതുണ്ടെന്ന് നിയുക്ത ചെയർമാൻ ചൂണ്ടിക്കാട്ടി. വഖഫ് ചെയ്ത സ്വത്തുകൾ കുടുംബ ട്രസ്റ്റ് കൈകാര്യം ചെയ്യുന്ന സ്ഥിതിയുണ്ട്. രജിസ്ട്രേഷൻ വകുപ്പുമായി ബന്ധപ്പെട്ട് ഡിജിറ്റൽ സാങ്കേതികവിദ്യകൾ പ്രയോജനപ്പെടുത്തി സ്ഥാപനങ്ങളെ രജിസ്റ്റർ ചെയ്യാൻ ശ്രമിക്കും.
പരാതികൾ വേഗത്തിൽ തീർപ്പാക്കുമെന്നും അപേക്ഷകളും തർക്കങ്ങളും പരിഹരിക്കാൻ മുൻകൈ എടുക്കുമെന്നും അഡ്വ എം.കെ സക്കീർ പറഞ്ഞു. അഴിമതി പുരളാത്ത, തികച്ചും നിയമപരമായും കൃത്യനിർവഹണ ബോധത്തോടെയുമായിരിക്കും ബോർഡ് പ്രവർത്തിക്കുക. വഖഫ് സ്വത്തുക്കൾ സംരക്ഷിക്കാനും നഷ്ടപ്പെട്ടവ തിരിച്ചുപിടിക്കാനുമുള്ള നടപടികളുമായി മുന്നോട്ടു പോകും. പാവപ്പെട്ടവർക്കുള്ള വിവിധ ഗ്രാന്റുകൾ സമയത്തു തന്നെ അനുവദിക്കുന്നതിൽ ശുഷ്കാന്തി കാണിക്കും.
മലപ്പുറം, പൊന്നാനി, പെരുമ്പടപ്പ് സ്വദേശിയായ സക്കീർ കേരള പബ്ലിക് സർവീസ് കമ്മീഷൻ ചെയർമാൻ (2016-2022), പി.എസ്. സി അംഗം (2011-2016), തൃശൂരിൽ ഗവണ്മെന്റ് പ്ലീഡർ & പബ്ലിക് പ്രോസിക്യൂട്ടർ (2006-2010) എന്നീ നിലകളിൽ പ്രവർത്തിച്ചിട്ടുണ്ട്. നിലവിൽ കേരള ഹൈക്കോടതി അഭിഭാഷകനാണ്. വാർത്താസമ്മേളനത്തിൽ ബോർഡ് മെമ്പർമാരായ പി.വി അബ്ദുൽ വഹാബ് എം. പി, എം നൗഷാദ് എം.എൽ.എ, പി ഉബൈദുല്ല എം.എൽ.എ, പി.വി സൈനുദ്ദീൻ, എം.സി മായിൻഹാജി, റസിയ ഇബ്രാഹിം തുടങ്ങിയവർ പങ്കെടുത്തു.
-
ആത്മവിശ്വാസവും പ്രതീക്ഷയും സ്വപ്നവും ഒഴുകി നടക്കുന്ന എറണാകുളം -
രാജീവ് ഗാന്ധിയുടെ സോറി- ‘ഡീൽ’ ആരോപണം ചൂടുപിടിക്കുമ്പോൾ മൂന്നര പതിറ്റാണ്ടിനിപ്പുറവും ലൈവായി ‘കോലീബി സഖ്യം’ -
യുവ മനസ്സുകളിലെന്താണ്? 2021ലെ വോട്ട് വിഹിതം വർധിപ്പിക്കാൻ ‘ജെൻ സി’യെ കയ്യിലെടുക്കാൻ മുന്നണികൾ -
സൗദി അറേബ്യയും ഖത്തറും വീണു; ലാഭം കൊയ്യാന് മറ്റൊരു രാജ്യം, ബ്രിട്ടനില് സുപ്രധാന ചര്ച്ച -
സ്വർണ വില പ്രവചനം തിരുത്തി വിദഗ്ജർ; പക്ഷെ പവന് 2.2 ലക്ഷം രൂപയാകും, ഗ്രാം വില 29000 -
സ്വര്ണം ഗിയര് മാറ്റി; ഇന്ന് വന് കുതിപ്പ്, ആഭരണം പൊള്ളും, ട്രംപിന്റെ വാക്കുകള് ഏറ്റു, ഇന്നത്തെ പവന് വില -
സ്വർണം വാങ്ങുന്നത് സേഫ് അല്ല, വിൽക്കാൻ നിൽക്കുന്നവരും പെട്ട് പോകും';സാമ്പത്തിക വിദഗ്ധ മേരി ജോർജ് -
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
മമ്മൂട്ടി ആ സിനിമയില് അനുകരിച്ചത് ഇദ്ദേഹത്തിന്റെ ഹെയര് സ്റ്റൈല്; തിയേറ്ററുകള് കിടുങ്ങിയ സീനുകള് -
ലുലു ഗ്രൂപ്പിൽ ജോലി ഒഴിവ്; നിയമനം കോഴിക്കോടും മലപ്പുറത്തും..അഭിമുഖം 28 ന് -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
മീനാക്ഷിക്ക് ഇത്തവണ മഞ്ജു വാര്യരുടെ ലൈക്ക് ഇല്ല?;വൈറലായി പുതിയ ഫോട്ടോ..മകളെ ചേർത്ത് പിടിച്ച് ദിലീപ്
Click it and Unblock the Notifications
Sign in with Google