Click it and Unblock the Notifications
Just In
Don't Miss
-
T20 World Cup: ലോകകപ്പില് രോഹിത്തും കോലിയും ഓപ്പണ് ചെയ്യണം; ഇന്ത്യയ്ക്ക് തന്ത്രമോതി ഇതിഹാസ താരം -
അതെന്റെ ഭാവിയെ ഭയപ്പെടുത്തുന്നു എന്നത് സത്യാവസ്ഥയാണ്; റിയാസ് പറഞ്ഞത് തന്റെ വ്യക്തിപരമായ അനുഭവമെന്ന് നാദിറ -
17 കി.മീ മൈലേജുള്ള ഫാമിലി എസ്യുവി വാങ്ങുന്നവര്ക്ക് സന്തോഷ വാര്ത്ത! 1 മാസം കൊണ്ട് വണ്ടി കൈയ്യില് കിട്ടും -
വോട്ട് ചെയ്യാൻ നാട്ടിൽ വരാം, ബെംഗളുരുവിൽ നിന്ന് ഏപ്രിൽ 25ന് സ്പെഷ്യൽ ബസ്, സമയവും റൂട്ടും -
ബംബർ ഐപിഒ വീക്ക്, വിപണിയിലേക്കെത്തുന്നത് 4 കമ്പനികൾ, ഇഷ്യൂ സൈസ്, പ്രൈസ് ബാൻഡ് വിവരങ്ങളറിയാം -
1000 കിലോ ഭാരം, 15 അടി നീളം; ലോകത്തിലെ ഏറ്റവും വലിയ പാമ്പ് വാസുകിയുടെ ഫോസില് കണ്ടെത്തി -
ചാർജിന്റെ കാര്യത്തിൽ ആശങ്ക വേണ്ട, ഇവിയിൽ ധൈര്യമായി ട്രിപ്പ് പോവാം; കൂട്ടിന് കിടിലൻ ഫീച്ചറുമായി ഗൂഗിൾ മാപ്പ്
ലോകകപ്പ് ആവേശം മൂത്ത് വണ്ടിയുടെ നിറം മാറ്റിയാല്‍ പണിയാകും; മുന്നറിയിപ്പുമായി എംവിഡി; പോംവഴിയും ഉണ്ട്
തിരുവനന്തപുരം: നാടെങ്ങും ലോകകപ്പിന്റെ ആവേശത്തിലാണ്. ഫിഫ പോലും അമ്പരന്ന പുള്ളാവൂരിലെ ഫ്‌ളക്‌സ് മുതല്‍ ഒന്നാം ക്ലാസുകാരന്റെ കണ്ണഞ്ചിപ്പിക്കുന്ന പ്രവചനം വരെ സാക്ഷ്യപ്പെടുത്തുന്നുണ്ട് മലയാളികളുടെ ഫുട്‌ബോള്‍ പ്രേമം. എന്നാല്‍ ഫുട്‌ബോള്‍ പ്രേമികള്‍ക്ക് തെല്ലൊരു തിരിച്ചടിയാകുന്ന മുന്നറിയിപ്പുമായി എം വി ഡി രംഗത്തെത്തിയിരിക്കുകയാണ്.
ലോകകപ്പിനോടുള്ള ആരാധന മൂത്ത് വാഹനത്തിന്റെ നിറം മാറ്റി റോഡിലിറങ്ങിയാല്‍ പിടിവീഴും എന്നാണ് എം വി ഡി അധികൃതരുടെ മുന്നറിയിപ്പ്. ലോകകപ്പ് സീസണുകളില്‍ സ്ഥിരമായി കണ്ട് വരുന്നതാണ് ആരാധകര്‍ തങ്ങളുടെ വാഹനത്തിന്റെ നിറം മാറ്റുന്നത്.
എന്നാല്‍ ഇത്തവണ ഇതിന് തടയിടാനാണ് എം വി ഡിയുടെ നീക്കം. വാഹനങ്ങളില്‍ ഇഷ്ടടീമിന്റെ നിറത്തിലുള്ള പെയിന്റ് അടിച്ച് റോഡില്‍ ഇറക്കുന്നത് പതിവായതോടെ ആണ് അധികൃതരുടെ നടപടി. നേരത്തെ അനുമതി വാങ്ങിക്കാതെ വാഹനങ്ങളുടെ നിറം മാറ്റുന്നവര്‍ക്കെതിരേ കര്‍ശന നടപടിയെടുക്കും എന്നാണ് മോട്ടോര്‍ വാഹന വകുപ്പ് എന്‍ഫോഴ്സ്‌മെന്റ് എം വി ഐ പി കെ മുഹമ്മദ് ഷഫീഖ് പറയുന്നത്.
വാഹനത്തിന് രജിസ്ട്രേഷന് സമയത്ത് ഉള്ള നിറം തന്നെ തുടരണം എന്നാണ് മോട്ടോര്‍ വാഹന വകുപ്പ് നിയമത്തില്‍ പറയുന്നത്. നിയമം ലംഘിച്ച് നിറം മാറ്റിയാല്‍ വാഹനത്തിന്റെ രജിസ്ട്രേഷന് റദ്ദാക്കാന്‍ വരെ മോട്ടോര്‍ വാഹന നിയമത്തിലെ 52-ാം വകുപ്പില്‍ വ്യവസ്ഥയുണ്ട്. അതേസമയം എന്നാല്‍ ആര്‍ ടി ഒയുടെ മുന്‍കൂര്‍ അനുമതി വാങ്ങിയാല്‍ വാഹനങ്ങള്‍ക്ക് നിറം മാറ്റാവുന്നതാണ്.
അതിനായി ആദ്യം ചെയ്യേണ്ടത് ആര്‍ ടി ഓഫീസില്‍ അപേക്ഷ നല്‍കുക എന്നതാണ്. അപേക്ഷ നല്‍കി പ്രത്യേക അനുമതി വാങ്ങി 950 രൂപ ഫീസടച്ചാല്‍ വാഹനത്തിന്റെ നിറം മാറ്റാന്‍ സാധിക്കും. ഇങ്ങനെ മാറ്റുന്ന നിറം രജിസ്ട്രേഷന് സര്‍ട്ടിഫിക്കറ്റില്‍ രേഖപ്പെടുത്തുകയും ചെയ്യണം. തെരഞ്ഞെടുപ്പ് സമയങ്ങളിലും പലരും വിവിധ പാര്‍ട്ടിക്കാര്‍ വാഹനങ്ങളുടെ നിറം മാറ്റി നിരത്തിലിറക്കാറുണ്ട്.
ഏതായാലും ലോകകപ്പിനിടയില്‍ എം വി ഡി ഈ നിയമം കര്‍ശനമാക്കുന്നതോടെ ഇടവേളക്ക് ശേഷം വീണ്ടും സോഷ്യല്‍ മീഡിയയില്‍ എം വി ഡി ചര്‍ച്ചയാകും എന്നുറപ്പാണ്. നേരത്തെ പാലക്കാട് വടക്കാഞ്ചേരിയിലെ ടൂറിസ്റ്റ് ബസ് അപകടത്തിന് പിന്നാലെ ടൂറിസ്റ്റ് ബസുകള്‍ക്ക് വെള്ള നിറമാക്കണം എന്ന ഉത്തരവ് വലിയ വിവാദമായിരുന്നു. ബസുകള്‍ വെള്ള നിറത്തിലാക്കിയാല്‍ അപകടം കുറക്കാനാകുമോ എന്നായിരുന്നു സോഷ്യല്‍ മീഡിയ എം വി ഡിയോട് ചോദിച്ചത്.
