ബമ്പര് ലോട്ടറിയുടെ ഒന്നാം സമ്മാനമെല്ലാം പാലക്കാട് നിന്നുള്ള ടിക്കറ്റിനാണോ? പൂജാ ബമ്പറിന്റെ ചരിത്രം ഇങ്ങനെ
സംസ്ഥാന ലോട്ടറി വകുപ്പ് പുറത്തിറക്കിയ പൂജാ ബമ്പര് ഭാഗ്യക്കുറി ലോട്ടറിയുടെ നറുക്കെടുപ്പ് നവംബര് 22 ന്. 12 കോടി രൂപ ഒന്നാം സമ്മാനം ലഭിക്കുന്ന പൂജ ബമ്പര് ലോട്ടറിയുടെ വില്പന നറുക്കെടുപ്പ് അടുത്തതോടെ ശരവേഗത്തിലായിട്ടുണ്ട്. 300 രൂപയാണ് ടിക്കറ്റിന്റെ വില. അഞ്ച് പരമ്പരകളില് പുറത്തിറക്കിയ പൂജ ബമ്പറിന്റെ നറുക്കെടുപ്പ് നവംബര് 22 ന് ഉച്ചയ്ക്ക് 2 മണിക്ക് ഗോര്ഖി ഭവനില് വെച്ചാണ് നടക്കുക.
ഒരു കോടി രൂപയാണ് പൂജാ ബമ്പറിന്റെ രണ്ടാം സമ്മാനം. ഇത് ഓരോ സീരിസിനും ലഭിക്കും. മൂന്നാം സമ്മാനമായി 5 ലക്ഷം വീതം 10 പേര്ക്ക് (ഓരോ പരമ്പരയിലും രണ്ട് വീതം) നാലാം സമ്മാനമായി മൂന്നു ലക്ഷം വീതം 5 പരമ്പരകള്ക്കും അഞ്ചാം സമ്മാനമായി രണ്ടു ലക്ഷം വീതം 5 പരമ്പരകള്ക്കും നല്കുന്നു. കൂടാതെ 5000, 1000, 500, 300 വീതം രൂപയുടെ സമ്മാനങ്ങളും ഉണ്ടായിരിക്കും.
ഒന്നാം സമ്മാനത്തിന് അര്ഹമായ ടിക്കറ്റ് വില്ക്കുന്ന ഏജന്റ് അടക്കം ഏഴ് പേരെ കോടീശ്വരന്മാരാക്കുന്ന തരത്തിലാണ് പൂജ ബമ്പറിന്റെ സമ്മാനഘടന. ആകെ 332130 സമ്മാനങ്ങളാണ് പൂജ ബമ്പറില് നല്കുന്നത്. അതിനാല് തന്നെ ഇത്തവണ റെക്കോഡ് വില്പനയാണ് പൂജ ബമ്പറില് പ്രതീക്ഷിക്കുന്നത്. അതേസമയം ലോട്ടറിയില് ഭാഗ്യ നോക്കുന്ന പലരും പലതരത്തിലുള്ള പരീക്ഷണങ്ങള് നടത്തുന്നവരാണ്.
ഇത്തരത്തില് മുന് വര്ഷങ്ങളില് ഏറ്റവും കൂടുതല് സമ്മാനം നേടിയ ജില്ലയും സ്ഥലവും എല്ലാം പലരും പരിഗണിക്കാറുണ്ട്. പൊതുവെ ബമ്പര് ലോട്ടറികള് പാലക്കാട് ജില്ലയില് നിന്നെടുക്കുന്നവര്ക്കാണ് ലഭിക്കാറ് എന്ന് പറയാറുണ്ട്. എന്നാല് യഥാര്ത്ഥത്തില് ഇത് ആക്സമികതയോ യാദൃശ്ചികമോ മാത്രമാണ്. മാത്രമല്ല കഴിഞ്ഞ പത്ത് വര്ഷങ്ങള്ക്കിടെ ആദ്യത്തെ മൂന്ന് തവണ മാത്രമാണ് പൂജാ ബമ്പര് ഒന്നാം സമ്മാനം പാലക്കാടിലേക്ക് പോയത് എന്നും മനസിലാകും.
മുന് വര്ഷങ്ങളില് പൂജ ബമ്പര് നേടിയ നമ്പറുകളും സ്ഥലങ്ങളും
2024 - JC 325526 - കായംകുളം
2023-- JC 253199- കാസര്ഗോഡ്
2022 - JC 110398- ഗുരുവായൂര്
2021- RA 591801- തിരുവനന്തപുരം
2020- NA 399409- തിരുവനന്തപുരം
2019- RI 332952- കോട്ടയം
2018- VA 489017- കോട്ടയം
2017- RA 657205- തൃശൂര്
2016- TH 211619- പാലക്കാട്
2015- NA 766093- പാലക്കാട്
2014- PA 203798- പാലക്കാട്
അതിനാല് ലോട്ടറിയിലെ ഭാഗ്യം എന്നത് തീര്ത്തും നറുക്കെടുപ്പിലൂടെ മാത്രം വരുന്ന ഒന്നാണ്. ബാക്കിയെല്ലാ കാര്യങ്ങളും യാദൃശ്ചികതയുടെ പുറത്ത് സംഭവിക്കുന്നതാണ്. വിറ്റഴിച്ച ടിക്കറ്റുകളില് നിന്ന് മാത്രമെ നറുക്കെടുപ്പ് നടത്താറുള്ളൂ എന്നതും കേരള ലോട്ടറിയുടെ പ്രത്യേകതയാണ്. കേരള സര്ക്കാരിന്റെ പ്രധാന വരുമാന സ്രോതസുകളില് ഒന്നാണ് ലോട്ടറി. ദിനംപ്രതി നറുക്കെടുന്ന ടിക്കറ്റുകള്ക്കു പുറമേയാണ് ബമ്പര് ടിക്കറ്റുകളും ലോട്ടറി വകുപ്പ് പുറത്തിറക്കുന്നത്.
സംസ്ഥാനത്ത് ആകെ ആറ് ബമ്പര് ലോട്ടറികളാണ് ഉള്ളത്. ക്രിസ്തുമസ്-പുതുവര്ഷ ബമ്പര്, വിഷു ബമ്പര്, സമ്മര് ബമ്പര്, മണ്സൂണ് ബമ്പര്, ഓണം ബമ്പര്, പൂജ ബമ്പര് എന്നിവയാണ് അവ. ഓരോ ബമ്പറിന്റേയും നറുക്കെടുപ്പ് ദിവസമാണ് അടുത്ത ബമ്പറിന്റെ ടിക്കറ്റും സമ്മാനവിവരങ്ങളും പുറത്തിറക്കാറുള്ളത്. 25 കോടി ഒന്നാം സമ്മാനം നല്കുന്ന ഓണം ബമ്പറാണ് ഏറ്റവും ഉയര്ന്ന സമ്മാനത്തുക വാഗ്ദാനം ചെയ്യുന്ന ബമ്പര്
-
സ്വര്ണം ഞെട്ടിച്ചു; ഇന്ന് സ്വര്ണവിലയില് വന് കുതിപ്പ്, രൂപ തകര്ന്നടിഞ്ഞു, ഇന്നത്തെ പവന് വില -
അച്ഛനും അമ്മയും എന്നും വഴക്ക്, എന്നെ ഷൂട്ടിംഗിന് കൊണ്ടുപോകുന്നത് ഇഷ്ടമല്ലായിരുന്നു; കിച്ചു പറയുന്നു -
സന്തോഷ് പണ്ഡിറ്റിന്റെ 500 കോടി പടം! ഹോർമുസ് കടലിടുക്ക് നീന്തിക്കടക്കാൻ 'പണ്ഡിറ്റ് കപൂർ ഐപിഎസ്' -
ഇറാന്റെ ആണവനിലയങ്ങളിലേക്ക് മിസൈൽ വർഷം; തിരിച്ചടിക്കാനൊരുങ്ങി ഐആർജിസി -
വൈപ്പിൻകാരുടെ ചിരകാല സ്വപ്നം; തീരദേശ പാത വൈകുന്നു, അഴിക്കോട്-മുനമ്പം പാലം വന്നാൽ ഗതാഗത കുരുക്കേറും -
സ്വർണം വാങ്ങിക്കൂട്ടി, ഇപ്പോൾ വിറ്റൊഴിവാക്കുന്നു: 3 രാജ്യങ്ങളുടെ നീക്കം ഇങ്ങനെ..ഇനി സ്വർണ വില താഴേക്ക്? -
ഗള്ഫ് രാജ്യങ്ങള് പട്ടിണിയിലാകുമോ? ലോകം വന് പ്രതിസന്ധിയിലേക്ക്, ഇന്ത്യയ്ക്കും തിരിച്ചടി -
മോദി-ട്രംപ് ടെലിഫോൺ സംഭാഷണത്തിൽ ഒപ്പം ചേർന്ന് ഇലോൺ മസ്കും; അസാധാരണ നീക്കം, പിന്നാലെ വിവാദം -
"അതവരോട് പോയി ചോദിക്ക്!" എസ്ഡിപിഐ ഡീൽ ചോദ്യങ്ങളിൽ കലിപ്പിലായി മുഖ്യമന്ത്രി -
സ്വര്ണത്തിന്റെ വിലയിടിവ് യാദൃശ്ചികമല്ല... മൂന്ന് തവണ ഇതുപോലെ ഇടിഞ്ഞു! അന്ന് സംഭവിച്ചത് -
നടി ഖുഷ്ബുവിന്റെ ഭര്ത്താവ് തമിഴ്നാട്ടില് സ്ഥാനാര്ഥി; ഇതാണ് മണ്ഡലം, പുതിയ പാര്ട്ടി, രണ്ടില ചിഹ്നം -
ഹോര്മുസ് തുറക്കണം... ബഹുരാഷ്ട്ര സമുദ്രദൗത്യസേനയ്ക്ക് തയ്യാറെന്ന് യുഎസിനോട് യുഎഇ
Click it and Unblock the Notifications
Sign in with Google