പൃഥ്വിരാജിന് പ്രതികരിക്കാന് സ്വാതന്ത്ര്യമുണ്ട്, മോശം പ്രതികരണം തള്ളുന്നുവെന്ന് പ്രിയദര്ശന്
തിരുവനന്തപുരം: ലക്ഷദ്വീപ് വിഷയത്തില് പ്രതികരിച്ച പൃഥ്വിരാജിനെതിരെ നടക്കുന്ന ആക്രമണത്തില് പ്രതികരിച്ച് പ്രിയദര്ശന്. സൈബര് ആക്രമണങ്ങളില് അദ്ദേഹം എതിര്പ്പ് അറിയിച്ചു. ഒരു ജനാധിപത്യ സമൂഹത്തിന്റെ ആരോഗ്യം അത്തരം അഭിപ്രായങ്ങള് തുറന്നു പറയാനുള്ള സ്വാതന്ത്ര്യമാണ്. ലക്ഷദീപില് ഇപ്പോള് നടക്കുന്ന പ്രശ്നങ്ങളെക്കുറിച്ച് നടന് പൃഥ്വിരാജ് പറഞ്ഞതെന്നും പ്രിയദര്ശന് ഫേസ്ബുക്ക് പോസ്റ്റില് പറഞ്ഞു. പോസ്റ്റ് വായിക്കാം.
സമൂഹത്തില് ജീവിക്കുന്ന ഓരോ മനുഷ്യനും ചുറ്റുപാടും നടക്കുന്ന എല്ലാ പ്രശ്നങ്ങളെക്കുറിച്ചും സ്വന്തമായ അഭിപ്രായങ്ങളും നിലപാടുകളും ഉണ്ടാവാം. ഒരു ജനാധിപത്യ സമൂഹത്തിന്റെ ആരോഗ്യം അത്തരം അഭിപ്രായങ്ങള് തുറന്നു പറയാനുള്ള സ്വാതന്ത്ര്യമാണ്. ലക്ഷദീപില് ഇപ്പോള് നടക്കുന്ന പ്രശ്നങ്ങളെക്കുറിച്ച് നടന് പൃഥ്വിരാജ് പറഞ്ഞത് അദ്ദേഹത്തിന്റെ അഭിപ്രായവും നിലപാടുമാണ്.
അത് പറയാനുള്ള സ്വാതന്ത്ര്യം അദ്ദേഹത്തിനുമുണ്ടെന്ന് ഞാന് വിശ്വസിക്കുന്നു, തീര്ച്ചയായും ആ അഭിപ്രായത്തോട് വിയോജിക്കുന്നവര് ഉണ്ടാകാം, വിയോജിക്കുന്നതിനും നമുക്ക് സ്വാതന്ത്ര്യം ഉണ്ട്. എന്നാല് സഭ്യമല്ലാത്ത രീതിയില് അതിനോട് പ്രതികരിക്കുക എന്നാല് അത് ആരു ചെയ്താലും അതിനെ അംഗീകരിക്കാന് വയ്യ. സഭ്യതാ എന്നത് ഒരു സംസ്കാരമാണ്, ഞാന് ആ സംസ്കാരത്തോട് ഒപ്പമാണ്.
പ്രിത്വിരാജിന് നേരെ ഉണ്ടായ സഭ്യമല്ലാത്ത പ്രതികരണത്തെ സംസ്കാരവും ജനാധിപത്യബോധവും ഉള്ള എല്ലാവരെയും പോലെ ഞാനും തള്ളിക്കളയുന്നു. ഒരിക്കലും സംഭവിക്കാന് പാടില്ലാത്തതാണ് സംഭവിച്ചത്.
Recommended Video
നേരത്തെ ഡിവൈഎഫ്ഐയും പൃഥ്വിരാജിനെ പിന്തുണച്ചിരുന്നു. കൊച്ചിയില് പ്രതിഷേധവും സംഘടിപ്പിച്ചിരുന്നു. ലക്ഷദ്വീപ് ജനതയെ പിന്തുണച്ച നടന് പൃഥ്വിരാജിനെതിരെ സംഘപരിവാര് ശക്തമായ സൈബര് ആക്രമണമാണ് നടത്തുന്നത്. ഭയപ്പെടുത്തി കീഴ്പ്പെടുത്താന് ശ്രമിക്കുന്ന സംഘപരിവാറിനെതിരെ നാം അണിനിരക്കേണ്ടത്തുണ്ട്. ഈ സാഹചര്യത്തില് നടന് പൃഥ്വിരാജിന് ഡിവൈഎഫ്ഐ പിന്തുണ പ്രഖ്യാപിക്കുന്നുവെന്ന് ഡിവൈഎഫ്ഐ സംസ്ഥാന സെക്രട്ടറി എഎ റഹീം കുറിച്ചു.
Click it and Unblock the Notifications
Sign in with Google