വീണക്കെതിരായ എസ്എഫ്ഐഒ അന്വേഷണം: അടിയന്തര പ്രമേയത്തിന് അനുമതിയില്ല, സഭയില് വാക്പോര്
തിരുവനന്തപുരം: മുഖ്യമന്ത്രി പിണറായി വിജയന്റെ മകള് വീണ വിജയനെതിരായ എസ് എഫ് ഐ ഒ അന്വേഷണം സഭ നിര്ത്തിവെച്ച് ചര്ച്ച ചെയ്യണമെന്ന പ്രതിപക്ഷത്തിന്റെ അടിയന്തര പ്രമേയത്തിന് സ്പീക്കര് അനുമതി നിഷേധിച്ചു. ഇതോടെ പ്രതിപക്ഷ എം എല് എമാര് സഭയുടെ നടുത്തളത്തിലിറങ്ങി പ്രതിഷേധിച്ചു. സഭാ നടപടികള് ബഹിഷ്കരിച്ച പ്രതിപക്ഷം വാക്കൗട്ടും നടത്തി.
നിയമസഭയില് ചോദ്യോത്തര വേള തുടങ്ങിയതിന് പിന്നാലെയായിരുന്നു പ്രതിപക്ഷം അടിയന്തര പ്രമേയം കൊണ്ടുവന്നത്. മാത്യു കുഴല്നാടന് എം എല് എയായിരുന്നു അടിയന്തര പ്രമേയ നോട്ടീസ് കൊണ്ടുവന്നത്. എന്നാല് സ്പീക്കര് അനുമതി നല്കിയില്ല. റൂള് 53 പ്രകാരം ചട്ടപ്രകാരം അടിയന്തര പ്രമേയത്തിന് അനുമതി നല്കാനാകില്ലെന്ന് സ്പീക്കര് അറിയിക്കുകയായിരുന്നു.
കോടതിയുടെ പരിഗണനയിലുള്ള വിഷയം പരിഗണിക്കരുതെന്നാണ് ചട്ടം എന്ന് സ്പീക്കര് ചൂണ്ടിക്കാട്ടി. എന്നാല് ചട്ടം ലംഘിക്കുന്നില്ലെന്നും ചട്ട പ്രകാരമാണ് അടിയന്തര പ്രമേയത്തിന് സ്പീക്കര് അനുമതി തേടിയത് എന്നും പ്രതിപക്ഷ നേതാവ് വി ഡി സതീശന് മറുപടി നല്കി. അടിയന്തര പ്രമേയത്തിന്റെ നോട്ടീസിന് പോലും അനുമതി നല്കാത്ത അസാധാരണ നടപടിയാണുണ്ടായത് എന്നും പ്രതിപക്ഷം ആരോപിച്ചു.
മുഖ്യമന്ത്രി രാജിവെക്കണം എന്നും പ്രതിപക്ഷം ആവശ്യപ്പെട്ടു. അതിവേഗം സഭാ നടപടികളിലേക്ക് കടന്ന സ്പീക്കര് ശ്രദ്ധ ക്ഷണിക്കലിലേക്ക് കടന്നതോടെ പ്രതിപക്ഷം പ്രതിഷേധവുമായി നടുത്തളത്തില് ഇറങ്ങി. ഇതോടെ ബഹളവുമായി ഭരണപക്ഷ എം എല് എമാരും രംഗത്തെത്തി. ഇതോടെ നേര്ക്കുനേരുള്ള വാക്പോരിനും സഭ സാക്ഷ്യം വഹിച്ചു. പ്ലക്കാര്ഡുകളും ബാനറുകളുമേന്തിയായിരുന്നു പ്രതിപക്ഷ പ്രതിഷേധം.
കേരളം കൊള്ളയടിച്ച് പി വി ആന്ഡ് കമ്പനി എന്നായിരുന്നു ബാനറുകളിലെ വാചകം. പിന്നീട് സഭ വിട്ടിറങ്ങിയ പ്രതിപക്ഷം സഭക്ക് പുറത്തും പ്രതിഷേധം തുടര്ന്നു. അതേസമയം മുഖ്യമന്ത്രി തനിക്കും മകള്ക്കുമെതിരായ ആരോപണം നിഷേധിക്കുകയാണ്. തന്റെ കൈകള് ശുദ്ധം ആണെന്നും മകള്ക്കെതിരായ കണ്ടെത്തലുകള് ആരോപണങ്ങള് മാത്രമാണെന്നുമാണ് മുഖ്യമന്ത്രിയുടെ നിലപാട്.
മുഖ്യമന്ത്രിയുടെ മകള് വീണ വിജയനും അവരുടെ കമ്പനിയും പൊതുമേഖലാ സ്ഥാപനമായ കെ എസ് ഐ ഡി സിക്ക് പങ്കാളിത്തമുള്ള സി എം ആര് എല് കമ്പനിയില് നിന്നും നല്കാത്ത സേവനങ്ങള്ക്ക് പണം കൈപ്പറ്റി എന്നാണ് ആരോപണം. ഇന്കം ടാക്സ് ഇന്ററിം സെറ്റില്മെന്റ് ബോര്ഡിന്റെയും ആര്ഒസിയുടെയും കണ്ടെത്തലുകളാണ് ആരോപണത്തിന് ആധാരം.
-
ജയിച്ച ആദ്യ സിനിമാക്കാരൻ എംഎൽഎ ആയില്ല- നിയമസഭയിലെ സിനിമാ വിശേഷങ്ങൾ -
"ഭരണത്തുടർച്ച ഉറപ്പ്"; കേരളത്തെ അടുത്ത തലത്തിലേക്ക് ഉയർത്തുമെന്ന് മുഖ്യമന്ത്രി! -
ഇനി ഒരു മാസത്തേക്ക് തിരിഞ്ഞുനോക്കേണ്ട.. വിഷു വരെ ഈ രാശിക്കാര്ക്ക് നല്ലകാലം -
സ്വർണ നിക്ഷേപത്തിൽ ചൈനയ്ക്ക് വൻ ജാക്ക്പോട്ട്; കണ്ടെത്തിയത് 1100 ടണ് സ്വർണം,ഇനി ചൈനയെ പിടിച്ചാൽ കിട്ടില്ല -
സ്വർണ വിലയിൽ വൻ ഇടിവ്; പവന് കുറഞ്ഞത് 10,040 രൂപ..1 ലക്ഷത്തിന് താഴേക്ക് തന്നെ? -
സുനിച്ചനുമായി വേർപിരിഞ്ഞ് കഴിയുന്നതിനെ കുറിച്ച് തുറന്ന് പറഞ്ഞ് മഞ്ജു പത്രോസ്;'ഒരു രീതിയിലും ബന്ധമില്ല' -
ഉല്ലാസ് പന്തളത്തിന് 10,000 രൂപ നൽകി സഹായിച്ചു, പക്ഷെ വിളിച്ച് പറയുന്ന ആളല്ല ഞാനെന്ന് അഖിൽ മാരാർ; വൻ ട്രോൾ -
പൊതുഅവധി; വിദ്യാഭ്യാസ സ്ഥാപനങ്ങൾക്കും സർക്കാർ-സ്വകാര്യ സ്ഥാപനങ്ങൾക്കും അവധി ബാധകം -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
യുഎഇയിൽ ശക്തമായ മഴ വരുന്നു; പ്രവാസികൾ ജാഗ്രത പാലിക്കുക, സുരക്ഷാ നിർദ്ദേശങ്ങൾ ഇങ്ങനെ -
'മത്സരിക്കാന് രാഹുല് അനുവദിച്ചു.. എന്നിട്ടും അത് മുടക്കി, ആളെ എനിക്കറിയാം'; തുറന്നടിച്ച് സുധാകരന് -
'ശോഭാ സുരേന്ദ്രൻ എടിഎം പൊളിച്ച് പണമുണ്ടാക്കിയതല്ല, മകന് കോടികൾ ശമ്പളം കിട്ടുന്ന ജോലി പാടില്ലേ'
Click it and Unblock the Notifications
Sign in with Google