സിപിഐ ഇതൊന്നും അറിയാതെ ചെയ്തതല്ല.. പിണറായി വിജയന് ചുട്ട മറുപടിയുമായി കാനം രാജേന്ദ്രൻ.. മരണമാസ്സ്!!
തിരുവനന്തുപുരം: അസാധാരണമെന്ന് അറിഞ്ഞുകൊണ്ടുതന്നെയാണ് സി പി ഐ മന്ത്രിസഭാ യോഗത്തിൽ നിന്നും വിട്ടുനിന്നത് എന്ന് പാർട്ടി സംസ്ഥാന സെക്രട്ടറി കാനം രാജേന്ദ്രൻ. എന്തിനാണ് പക്ഷേ സി പി ഇത്തരമൊരു അസാധാരണമായ നടപടിക്ക് ഒരുങ്ങിയത്. ഇങ്ങനെയൊരു നീക്കം നടത്താൻ പാർട്ടിയെ നിർബന്ധിച്ചത് ആരാണ്..
ആരോപണ വിധേയനായ തോമസ് ചാണ്ടി പങ്കെടുക്കുന്ന മന്ത്രിസഭ യോഗത്തിലേക്ക് തങ്ങളില്ല എന്ന ശക്തമായ സന്ദേശം നൽകിയാണ് സി പി ഐ ബുധനാഴ്ചചത്തെ മന്ത്രിസഭ യോഗത്തിൽ നിന്നും വിട്ടുനിന്നത്. ഇതിനെ പ്രശംസിച്ചും പ്രതികൂലിച്ചും പലരും രംഗത്തെത്തി. എന്തുകൊണ്ട് സി പി ഐ മന്ത്രിസഭ യോഗത്തിന് പോയില്ല എന്നതേക്കുറിച്ച് ഇതാണ് കാനത്തിന് പറയാനുള്ളത്...
അസാധാരണമെന്ന് അറിയാമായിരുന്നു
ഇന്നലത്തെ മന്ത്രിസഭാ യോഗത്തില് നിന്നും സിപിഐ പ്രതിനിധികളായ നാല് മന്ത്രിമാരും വിട്ടുനില്ക്കുകയുണ്ടായി. പാര്ട്ടി നിര്ദ്ദേശാനുസരണമാണ് തങ്ങള് യോഗത്തില് നിന്ന് വിട്ടുനില്ക്കുന്നതെന്ന വിവരം റവന്യൂമന്ത്രി ഇ ചന്ദ്രശേഖരന് മുഖ്യമന്ത്രിയെ രേഖാമൂലം അറിയിച്ചിരുന്നു. മന്ത്രിസഭാ യോഗത്തിനുശേഷം മുഖ്യമന്ത്രി നടത്തിയ വാര്ത്താസമ്മേളനത്തില് സിപിഐ മന്ത്രിമാരുടെ നടപടി അസാധാരണമാണെന്ന് പറയുകയുണ്ടായി. തങ്ങളുടെ നടപടി അസാധാരണമാണെന്ന ഉത്തമബോധ്യത്തോടെയാണ് സിപിഐ മന്ത്രിമാരും അവരെ നയിക്കുന്ന പാര്ട്ടിയും അതിന് മുതിര്ന്നത്.
സാഹചര്യവും അസാധാരണമായിരുന്നു
അസാധാരണമായ സാഹചര്യമാണ് അസാധാരണമായ നടപടിക്ക് സിപിഐയെ നിര്ബന്ധിതമാക്കിയത്. അത് പ്രതീക്ഷിച്ച ഫലപ്രാപ്തിയിലേക്കാണ് കേരള രാഷ്ട്രീയത്തെ നയിച്ചത്. കഴിഞ്ഞ ദിവസത്തെ കേരളാ ഹൈക്കോടതി വിധിയും കോടതി നടത്തിയ മൂര്ച്ചയേറിയ പരാമര്ശങ്ങളും തോമസ് ചാണ്ടിയുടെ മന്ത്രിസഭയില് തുടര്ന്നുള്ള നിലനില്പ്പിന്റെ സാധുതയെയാണ് ചോദ്യം ചെയ്തത്. സര്ക്കാരിനെയും ചീഫ് സെക്രട്ടറിയേയും എതിര്കക്ഷികളാക്കി ഒരു മന്ത്രിസഭാംഗം നല്കിയ ഹര്ജി ഭരണഘടനാവിരുദ്ധവും അപക്വവുമാണെന്ന് ചൂണ്ടിക്കാട്ടിയിരുന്നു.
കോടതി പറഞ്ഞിട്ടും തോമസ് ചാണ്ടി കേട്ടില്ല
മന്ത്രിപദവിയിലിരുന്നുകൊണ്ട് സര്ക്കാരിന്റെ നടപടികളെ ചോദ്യം ചെയ്യുന്നത് കൂട്ടുത്തരവാദിത്വത്തിന്റെ ലംഘനമാണെന്ന് തിരിച്ചറിയാന് ഹൈക്കോടതി വിധി കാത്തിരിക്കേണ്ടതില്ല. വസ്തുത അതായിരിക്കെ കോടതിയുടെ രൂക്ഷമായ പരാമര്ശം കൂടി പുറത്തുവന്നതോടെ തോമസ് ചാണ്ടി മന്ത്രിസഭാ യോഗത്തില് പങ്കെടുക്കുന്നതുതന്നെ മന്ത്രിസഭയെ സംബന്ധിക്കുന്ന ജനാധിപത്യമൂല്യങ്ങളുടെയും കീഴ്വഴക്കങ്ങളുടെയും ലംഘനമാണെന്ന് വ്യക്തമായി. ഈ അസാധാരണ സാഹചര്യമാണ് മന്ത്രിസഭാ യോഗത്തില് നിന്നും വിട്ടുനില്ക്കുകയെന്ന അസാധാരണ നടപടിയിലേയ്ക്ക് സിപിഐയെ നയിച്ചത്.
എൽ ഡി എഫിന്റെ സ്വീകാര്യതയ്ക്ക് പിന്നിൽ
ഉന്നതമായ നീതിബോധവും രാഷ്ട്രീയ പ്രബുദ്ധതയുമുള്ള ജനതയാണ് കേരളത്തിലേത്. അന്ധമായ രാഷ്ട്രീയവിരോധമോ അമിതമായ വിധേയത്വമോ പ്രകടിപ്പിക്കാതെ തികഞ്ഞ പക്വതയോടെ തെരഞ്ഞെടുപ്പുകളില് സമ്മതിദാന അവകാശം പ്രകടിപ്പിക്കാനുള്ള തങ്ങളുടെ വിവേകം അവര് ആവര്ത്തിച്ചു തെളിയിച്ചിട്ടുണ്ട്. അഴിമതി, സ്വജനപക്ഷപാതം, അധികാര ദുര്വിനിയോഗം തുടങ്ങി രാഷ്ട്രീയത്തെ സ്വാധീനിക്കാവുന്ന തിന്മകള്ക്കെതിരെ ജാഗ്രതയോടെ പ്രതികരിക്കാനുള്ള ശേഷിയും അവര് ആവര്ത്തിച്ചു പ്രകടിപ്പിച്ചിട്ടുണ്ട്. യുഡിഎഫ് സര്ക്കാരിന്റെ അഴിമതിയും അധികാര ദുര്വിനിയോഗവും സ്വജനപക്ഷപാതവും രാഷ്ട്രീയ മൂല്യച്യൂതിയുമാണ് ഇടതുപക്ഷ ജനാധിപത്യ മുന്നണിയുടെ സ്വീകാര്യതയ്ക്ക് കാരണമായത്.
ജനങ്ങളുടെ വിശ്വാസം സംരക്ഷിക്കണം
രാഷ്ട്രീയ ജീവിതത്തില് സംശുദ്ധിയും സുതാര്യതയും സാമൂഹ്യതിന്മകള്ക്കെതിരായ ജാഗ്രതയും അവര് എല്ഡിഎഫില് നിന്നും പ്രതീക്ഷിക്കുക സ്വാഭാവികമാണ്. നാളിതുവരെയുള്ള എല്ഡിഎഫ് സര്ക്കാരിന്റെ പ്രവര്ത്തനങ്ങളില് ആ മൂല്യങ്ങളും തത്വാധിഷ്ഠിത നിലപാടുകളും വലിയൊരളവ് ഉയര്ത്തിപ്പിടിക്കാന് കഴിഞ്ഞിട്ടുണ്ട്. എന്നാല് തോമസ് ചാണ്ടിക്കെതിരെ ഉയര്ന്ന കായല് കയ്യേറ്റ ആരോപണവും തുടര്ന്നുള്ള നടപടികളും ജനങ്ങള് എല്ഡിഎഫില് അര്പ്പിച്ച വിശ്വാസത്തിന് തെല്ലെങ്കിലും മങ്ങലേല്പ്പിക്കാന് ഇടയായിട്ടുണ്ടെങ്കില് അത് വിമര്ശനബുദ്ധ്യാ തിരിച്ചറിഞ്ഞ് തിരുത്താന് മുന്നണിയും അതിലെ ഓരോ ഘടകകക്ഷിയും ബാധ്യസ്ഥരാണ്. ആ തിരിച്ചറിവാണ് സിപിഐയെ കര്ക്കശ നിലപാടുകള്ക്ക് നിര്ബന്ധിതമാക്കിയത്.
സിപിഐ ഒരു തിടുക്കവും കാട്ടിയില്ല
തോമസ് ചാണ്ടിക്കും കുടുംബത്തിനും മുഖ്യ പങ്കാളിത്തമുള്ള ലേക് പാലസ് റിസോര്ട്ടിനെതിരെ ഉയര്ന്നിട്ടുള്ള കായല് കയ്യേറ്റ ആരോപണങ്ങളില് നാളിതുവരെ നടന്ന അന്വേഷണങ്ങള് എല്ലാം അദ്ദേഹത്തെയും അദ്ദേഹത്തിന്റെ സ്ഥാപനത്തെയും പ്രതിക്കൂട്ടില് നിര്ത്തുന്നവയാണ്. കളക്ടറുടെ അന്വേഷണ റിപ്പോര്ട്ടിന്റെ അടിസ്ഥാനത്തില് തുടര്നടപടികള് സ്വീകരിക്കാമായിരുന്നിട്ടും മന്ത്രിസഭയുടെ കൂട്ടുത്തരവാദിത്വത്തിന് ഭംഗം വരുത്തുന്ന യാതൊരു നടപടിക്കും റവന്യൂവകുപ്പ് മന്ത്രി മുതിര്ന്നില്ല. ഏ ജിയുടെ നിയമോപദേശം, ഹൈക്കോടതിയില് തോമസ്ചാണ്ടി നല്കിയ ഹര്ജിയിലെ തീര്പ്പ് തുടങ്ങിയ നിയമപരമായ എല്ലാ സാധ്യതകള്ക്കും സിപിഐ ക്ഷമാപൂര്വം കാത്തിരുന്നു.
സിപിഐ പ്രകോപനത്തിന് അടിപ്പെട്ടില്ല
പൊതുവേദിയില് വച്ചുയര്ന്ന വെല്ലുവിളിയിലും സിപിഐ ജനറല് സെക്രട്ടറിക്കെതിരായ അടിസ്ഥാനരഹിതമായ ആരോപണത്തില്പ്പോലും പ്രകോപനം തെല്ലും കൂടാതെ മുന്നണി മര്യാദകള് ഉയര്ത്തിപ്പിടിക്കാന് സിപിഐ ബദ്ധശ്രദ്ധമായിരുന്നു. എല്ലാ സാധ്യതകളും പൂര്ണമായി പ്രയോജനപ്പെടുത്തിയശേഷവും എല്ഡിഎഫിനെ സ്നേഹിക്കുന്ന മുഴുവന് ജനങ്ങളുടെയും ന്യായമായ വികാരങ്ങളെ നിരാകരിക്കുന്നിടത്തോളം സംഭവങ്ങള് എത്തിച്ചേര്ന്ന ഘട്ടത്തിലാണ് കര്ശനമായ നിലപാടുകളിലേയ്ക്ക് നീങ്ങാന് സിപിഐ നിര്ബന്ധിതമായത്.
സിപിഐ ഇടതുപക്ഷ ഐക്യത്തിന്
കേരളവും രാജ്യവും ഇന്ന് നേരിടുന്ന കടുത്ത വെല്ലുവിളികളെ അതിജീവിക്കാന് ഉതകുന്ന ബദല് രാഷ്ട്രീയമാണ് ഇടതുപക്ഷ ജനാധിപത്യമുന്നണി ഉയര്ത്തിപ്പിടിക്കുന്നത്. അഴിമതിക്കും കോര്പ്പറേറ്റ് പ്രീണനത്തിനും വര്ഗീയ ഫാസിസ്റ്റ് പ്രവണതകള്ക്കുമെതിരായ ജനകീയ ചെറുത്തുനില്പ്പിന്റെ ശക്തികേന്ദ്രമാണ് ഇടതുപക്ഷ ഐക്യമെന്ന് സിപിഐ തിരിച്ചറിയുന്നു. രാജ്യത്ത് അനിവാര്യമായും വളര്ന്നുവരേണ്ട ഇടതുപക്ഷ മതനിരപേക്ഷ ജനാധിപത്യ ഐക്യനിരയെന്ന ആശയത്തിലും ലക്ഷ്യത്തിലുമാണ് സിപിഐ അതിന്റെ നങ്കൂരം ഉറപ്പിച്ചിരിക്കുന്നത്.
-
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ദുബായ് വഴി; നടി രണ്യ ബെംഗളൂരുവില് കൊണ്ടുവന്നത് 127 കിലോ, ആഫ്രിക്കന് ഖനികളും തേടി -
സ്വർണ വിലയിൽ വൻ ഇടിവ്; പവന് കുറഞ്ഞത് 10,040 രൂപ..1 ലക്ഷത്തിന് താഴേക്ക് തന്നെ? -
സ്വര്ണം ഏതെങ്കിലും പോയി വാങ്ങല്ലേ; ഉഗ്രന് പണി കിട്ടും, കുറഞ്ഞ നിരക്കിലുള്ള സ്വര്ണം അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
സുനിച്ചനുമായി വേർപിരിഞ്ഞ് കഴിയുന്നതിനെ കുറിച്ച് തുറന്ന് പറഞ്ഞ് മഞ്ജു പത്രോസ്;'ഒരു രീതിയിലും ബന്ധമില്ല' -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
പൊതുഅവധി; വിദ്യാഭ്യാസ സ്ഥാപനങ്ങൾക്കും സർക്കാർ-സ്വകാര്യ സ്ഥാപനങ്ങൾക്കും അവധി ബാധകം -
'ശോഭാ സുരേന്ദ്രൻ എടിഎം പൊളിച്ച് പണമുണ്ടാക്കിയതല്ല, മകന് കോടികൾ ശമ്പളം കിട്ടുന്ന ജോലി പാടില്ലേ' -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
മഞ്ചേശ്വരത്ത് മുസ്ലിം ലീഗ് പെട്ടു; സ്ഥാനാര്ഥിയെ പ്രഖ്യാപിച്ച് എസ്ഡിപിഐ, കെ സുരേന്ദ്രന് ഹാപ്പി -
ശമ്പളം വെട്ടിക്കുറച്ചു; ഉന്നത ഉദ്യോഗസ്ഥര്ക്കും പോലീസുകാര്ക്കും കടുംവെട്ട്, കടുത്ത പ്രതിസന്ധിയില് ഹിമാചല്
Click it and Unblock the Notifications
Sign in with Google