കോട്ടയത്തെ സദാചാര ആക്രമണം; മുടി മുറിച്ച് പ്രതിഷേധിച്ച് കോളേജ് വിദ്യാര്ത്ഥിനികള്
കോട്ടയം: കോട്ടയം നഗരത്തില് രാത്രി പെണ്കുട്ടിയ്ക്കും സുഹൃത്തിനും നേരെ ഉണ്ടായ സദാചാരഗുണ്ടകളുടെ ആക്രമണത്തില് പ്രതിഷേധവുമായി സി എം എസ് കോളേജ് വിദ്യാര്ഥികള്. മുടി മുറിച്ചാണ് വിദ്യാര്ത്ഥികള് സദാചാര ആക്രമണത്തിന് എതിരായ പ്രതിഷേധം നടത്തിയത്. സി എം എസ് കോളേജ് ക്യാമ്പസില് വിദ്യാര്ഥികള് പ്രതിഷേധ ചങ്ങലയും തീര്ത്തു. വിദ്യാര്ത്ഥികളുടെ പ്രതിഷേധത്തെ കോളേജ് അധികൃതരും പിന്തുണച്ചു.
തിങ്കളാഴ്ച രാത്രിയാണ് കോളെജ് വിദ്യാര്ത്ഥികള് സദാചാരവാദികളുടെ ആക്രമണത്തിന് ഇരയായത്. ജനറല് ആശുപത്രിയില് ചികിത്സയില് കഴിയുന്ന സുഹൃത്തിന് ഹോസ്റ്റലില് നിന്ന് വസ്ത്രമെടുക്കാന് പോയ ആണ്കുട്ടിയും പെണ്കുട്ടിയുമാണ് ആക്രമണത്തിന് ഇരയായത്. ഹോസ്റ്റലിലേക്ക് പോകുന്നതിനിടെ ഇരുവരും ഭക്ഷണം കഴിക്കാനായി തിരുനക്കരയില് തട്ടുകടയില് കയറിയിരുന്നു.
ഇതിനിടെ കാറില് വന്ന മൂന്ന് പേര് ഇവര്ക്ക് നേരെ അശ്ലീല പരാമര്ശം നടത്തുകയും മോശമായ ആംഗ്യവും കാണിക്കുകയായിരുന്നു. ഇത് ചോദ്യം ചെയ്ത ആണ്കുട്ടിയോട് ഇവര് വാക്കേറ്റത്തിലേര്പ്പെട്ടു. പിന്നാലെ ഇരുവരും ഇവിടെ നിന്ന് ഇറങ്ങി. ഹോസ്റ്റലില് നിന്ന് വസ്ത്രമെടുത്ത് തിരിച്ച് വരുന്നതിനിടെ തിരുനക്കരയില് കേരള ബാങ്കിന് സമീപത്ത് അക്രമികള് ഇവര് സഞ്ചരിച്ച ബൈക്ക് തടഞ്ഞ് നിര്ത്തി ആക്രമിക്കുകയായിരുന്നു.
ഇരുവരെയും ബൈക്കില്നിന്ന് വലിച്ചിറക്കി നിങ്ങളെ നോക്കി നടക്കുകയായിരുന്നു എന്ന് ആക്രോശിച്ച് മൂന്ന് പേരും ചേര്ന്ന് വിദ്യാര്ത്ഥികളെ ആക്രമിക്കുകയായിരുന്നു. ആണ്കുട്ടിയുടെ തലയ്ക്ക് പിന്നില് അടിച്ച് വീഴ്ത്തിയ അക്രമി സംഘം പെണ്കുട്ടിയെ വയറ്റില് ചവിട്ടിവീഴ്ത്തി മുടിക്ക് കുത്തിപ്പിടിച്ച് റോഡിലൂടെ വലിച്ചിഴക്കുകയായിരുന്നു. ഇതിനിടെ ആളുകള് ഓടിക്കൂടിയെങ്കിലും ആരും അക്രമം തടഞ്ഞില്ല.
പിന്നീട് വിദ്യാര്ത്ഥികളുടെ സുഹൃത്തുക്കള് ഫോണില് വിളിച്ചപ്പോള് വിവരമറിഞ്ഞ് സ്ഥലത്തെത്തുകയായിരുന്നു. ഇതിനകം പൊലീസ് പട്രോള് സംഘവും സ്ഥലത്തെത്തി ഇവരെയും ആശുപത്രിയിലേക്ക് മാറ്റി. ആക്രമണത്തില് പരിക്കേറ്റ പെണ്കുട്ടിയും സുഹൃത്തും ചികിത്സയിലാണ്. സംഭവത്തില് മൂന്ന് പേരെ അറസ്റ്റ് ചെയ്തിട്ടുണ്ട്.
താഴത്തങ്ങാടി സ്വദേശികളായ ഷബീര്, മുഹമ്മദ് അസ്ലം, അനസ് അഷ്കര് എന്നിവരാണ് പിടിയിലായത്. ജാമ്യമില്ലാ വകുപ്പുകള് പ്രകാരമാണ് പ്രതികളെ അറസ്റ്റ് ചെയ്തിരിക്കുന്നത്. പ്രതികളെ കോടതി റിമാന്ഡ് ചെയ്തു.
-
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ -
സ്വർണ വില പ്രവചനം തിരുത്തി വിദഗ്ജർ; പക്ഷെ പവന് 2.2 ലക്ഷം രൂപയാകും, ഗ്രാം വില 29000 -
'ഇന്ന് എനിക്ക് ഫ്ലാറ്റ് ഉണ്ട്, ആഡംബര വാഹനങ്ങളുണ്ട്, ഇതൊക്കെയും എന്റെ കഴിവ് കൊണ്ട് നേടിയെടുത്തത്'; അഖിൽ മാരാർ -
പിണറായിയുടേത് 'സംഘി ക്യാബിനറ്റ്'! പിഷാരടിയെ തൊട്ടാൽ വിവരം അറിയും; ആഞ്ഞടിച്ച് ഷാഫി പറമ്പിൽ -
യുഎസ്-ഇറാൻ നേരിട്ടുള്ള ചർച്ചകൾക്ക് വേദിയാവാൻ ഇസ്ലാമാബാദ്; മധ്യസ്ഥ ശ്രമങ്ങളുമായി ഈജിപ്തും തുർക്കിയും -
സ്വർണം വാങ്ങുന്നത് സേഫ് അല്ല, വിൽക്കാൻ നിൽക്കുന്നവരും പെട്ട് പോകും';സാമ്പത്തിക വിദഗ്ധ മേരി ജോർജ് -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
'വരത്തന്' അല്ല, നിങ്ങളില് ഒരുവന് വിജയ്; പേരമ്പൂരില് കോടികള് ചെലവിട്ട് വീട്, സര്വെ ഫലം തിരിച്ചടി -
മോഹൻലാലുമായുള്ള മുഖ്യമന്ത്രിയുടെ അഭിമുഖത്തിന് ചിലവായത് ലക്ഷങ്ങൾ! ഉപയോഗിച്ചത് സർക്കാർ ഫണ്ട് -
യുപിയിൽ പാക് ചാരശൃംഖല തകർത്തു; 22 പേർ പിടിയിൽ, പുറത്തുവരുന്നത് ഞെട്ടിക്കുന്ന വിവരങ്ങൾ -
എല്ലാം കണക്കാ...- കാൽനൂറ്റാണ്ടിനിടെ എൽഡിഎഫ് പതുങ്ങിയതും യുഡിഎഫ് കുതിച്ചതും 2001ൽ
Click it and Unblock the Notifications
Sign in with Google