തിരഞ്ഞെടുപ്പ് കമ്മീഷനെതിരെ സുപ്രീം കോടതിയില് ഉദ്ധവ്; വീണ്ടും ഷിന്ഡെ ക്യാമ്പിലെത്തി നേതാക്കള്
മുംബെെ: ശിവസേനയിലെ തര്ക്കം വീണ്ടും സുപ്രീം കോടതിയിലെത്തിയിരിക്കുകയാണ്. പാര്ട്ടി ചിഹ്നത്തിനായുള്ള പോരില് നേരത്തെ തിരഞ്ഞെടുപ്പ് കമ്മീഷന് ഇടപെട്ടിരുന്നു. ഭൂരിപക്ഷം ആരാണ് തെളിയിക്കുന്നത് അവര്ക്കുള്ളതാണ് ശിവസേനയുടെ ചിഹ്നമെന്നാണ് തിരഞ്ഞെടുപ്പ് കമ്മീഷന് അറിയിച്ചിരിക്കുന്നത്. ഇതിന് പിന്നാലെയാണ് ഉദ്ധവ് പക്ഷം സുപ്രീം കോടതിയിലെത്തിയത്.
ഗൂഗിള് സഹസ്ഥാപകന്റെ ഭാര്യയുമായി വഴിവിട്ട ബന്ധം, ഇലോണ് മസ്ക് വീണ്ടും വിവാദത്തില്; മറുപടി ഇങ്ങനെ
ഏക്നാഥ് ഷിന്ഡെ പക്ഷത്തെ യഥാര്ത്ഥ ശിവസേനയായി തിരഞ്ഞെടുപ്പ് കമ്മീഷന് അംഗീകരിക്കാനാണ് സാധ്യത. ഈ നീക്കം തടയണമെന്നാണ് സുപ്രീം കോടതിയില് ഉദ്ധവ് പക്ഷം ആവശ്യപ്പെട്ടിരിക്കുന്നത്. തിരഞ്ഞെടുപ്പ് കമ്മീഷന് ഈ വിഷയത്തില് തീരുമാനമെടുക്കാന് സാധിക്കില്ലെന്ന് ഉദ്ധവ് പക്ഷത്തിന്റെ ഹര്ജിയില് പറയുന്നത്.
വിമത എംഎല്എമാര്ക്കെതിരായ അയോഗ്യത ഹര്ജി കോടതിയുടെ പരിഗണനയിലാണ്. അങ്ങനെയുള്ളപ്പോള് എങ്ങനെയാണ് ഏക്നാഥ് ഷിന്ഡെ പക്ഷത്തെ യഥാര്ത്ഥ ശിവസേനയായി അംഗീകരിക്കാന് സാധിക്കുകയെന്നും ശിവസേനയിലെ ഉദ്ധവ് വിഭാഗം ചോദിക്കുന്നു. ഏക്നാഥ് ഷിന്ഡെ വിഭാഗം ശിവസേനയിലെ ഭരണഘടനയ്ക്ക് വിരുദ്ധമായി പല നിയമവിരുദ്ധ കാര്യങ്ങളും ചെയ്യുന്നുണ്ടെന്നും ഉദ്ധവ് പക്ഷം പറയുന്നു.
അതേസമയം കേസില് നിയമപോരാട്ടം നടക്കുന്നതിനിടെ, ഉദ്ധവ് ക്യാമ്പില് നിന്ന് മറ്റൊരു നേതാവ് കൂടി ഷിന്ഡെ ക്യാമ്പിലെത്തി. പ്രമുഖ നേതാവ് അര്ജുന് ഖോട്കറാണ് കളം മാറിയത്.
അതേസമയം കോടതിയില് കേസിന് ശേഷം മാത്രം തീരുമാനങ്ങള് എടുക്കാനാണ് ഉദ്ധവ് വിഭാഗം ആവശ്യപ്പെടുന്നത്. എന്നാല് വിട്ടുകൊടുക്കാന് ഉദ്ധവ് തയ്യാറല്ല. പക്ഷേ കാര്യങ്ങള് കടുപ്പമാണ്. ഇത്തവണത്തെ വിമത നീക്കം മുമ്പുള്ളത് പോലെയല്ല, ശിവസേനയെ ഒന്നാകെ ഇല്ലാതാക്കാന് ലക്ഷ്യമിട്ടുള്ളതാണ് ഇതെന്നും ഉദ്ധവ് പറഞ്ഞു.
ശിവസേന രാഷ്ട്രീയം ഹിന്ദുത്വത്തിന് വേണ്ടിയാണ് ഉപയോഗിക്കുന്നത്. എന്നാല് ബിജെപി ഹിന്ദുത്വം ഉപയോഗിക്കുന്നത് രാഷ്ട്രീയ താല്പര്യങ്ങള്ക്ക് വേണ്ടിയാണെന്നും ഉദ്ധവ് കഴിഞ്ഞ ദിവസം കുറ്റപ്പെടുത്തിയിരുന്നു. കഴിഞ്ഞ ദിവസം ആദിത്യ താക്കറെ വിമതരെ പാര്ട്ടിയിലേക്ക് സ്വാഗതം ചെയ്തിരുന്നു.
ഉദ്ധവിന്റെയും ആദിത്യയുടെയും ഭാവിയാണ് ഇതോടെ പ്രതിസന്ധിയിലായിരിക്കുന്നത്. ഇവരുടെ അടുത്ത നീക്കം വളരെ നിര്ണായകമായിരിക്കുകയാണ്. സുപ്രീം കോടതിയില് നിന്ന് അനുകൂല വിധിയുണ്ടായില്ലെങ്കില് പുതിയ പാര്ട്ടി തന്നെ ഉദ്ധവ് രൂപീകരിക്കേണ്ടി വരും. ആദിത്യ താക്കറെ സംസ്ഥാന പര്യടനം നടത്തിയത് തന്നെ താക്കറെ കുടുംബത്തിന്റെ അടിത്തറ സംരക്ഷിക്കാനാണ്.
ഇതിനൊക്കെ പുറമേ ഉദ്ധവ് രണ്ടര വര്ഷം കൊണ്ടുണ്ടാക്കിയ ബ്രാന്ഡിനെ നിലനിര്ത്താന് കൂടിയാണ്. അതേസമയം ഏക്നാഥ് ഷിന്ഡെ മുഖ്യമന്ത്രിയായി ഇത്ര ദിവസം പിന്നിട്ടിട്ടും മന്ത്രിമാര് എത്തിയിട്ടില്ല. നിര്ണായക പ്രഖ്യാപനങ്ങളും വന്നിട്ടില്ല. വിവാദം നിറഞ്ഞ നടപടികള് മാത്രമാണ് ഉണ്ടായിരിക്കുന്നത്.
മഞ്ഞുപുതഞ്ഞ കാട്ടില് ഒളിഞ്ഞിരിപ്പുണ്ട് ചെന്നായ, 18 സെക്കന്ഡിനുള്ളില് കണ്ടെത്താമോ? ചിത്രം വൈറല്
Recommended Video