പിടി സെവന് മയക്കുവെടിയേറ്റു; ആദ്യഘട്ടം വിജയകരം.. നാട് വിറപ്പിച്ച കൊമ്പന് ഇനി കൂട്ടിലേക്ക്
പാലക്കാട്: ധോണിയെ ഏറെ നാളായി വിറപ്പിച്ച പി ടി സെവന് എന്ന കാട്ടാനയെ പിടികൂടി. ഇന്നലെ രാവിലെ മുതല് പി ടി സെവനെ തളക്കാനിറങ്ങിയ ദൗത്യസംഘം ആനയെ മയക്കുവെടി വെക്കുകയായിരുന്നു. ഡോ. അരുണ് സക്കറിയയുടെ നേതൃത്വത്തിലുള്ള സംഘമാണ് മയക്കുവെടി വെച്ചത്. ശനിയാഴ്ച തന്നെ പി ടി സെവനെ കണ്ടെത്താന് ദൗത്യസംഘത്തിന് സാധിച്ചിരുന്നു.
എന്നാല് വെടിവെക്കാനുള്ള സാഹചര്യം ഒത്തുവന്നില്ല. ഞായറാഴ്ച രാവിലെ വീണ്ടും പരിശോധനക്ക് എത്തിയ ദൗത്യസംഘം പി ടി സെവനെ മയക്കുവെടി വെക്കുകയായിരുന്നു. അരുണ് സക്കറിയയുടെ നേതൃത്വത്തിലുള്ള 75 അംഗ ദൗത്യസംഘമാണ് മിഷന് പി ടി സെവനിന്റെ ഭാഗമായുണ്ടായിരുന്നത്. രാവിലെ 7.15 ഓടെയാണ് പി ടി സെവനെ മയക്കുവെടി വെച്ചത്. വെടിയേറ്റ ആനക്ക് മയക്കമുണ്ടാകാന് അര മണിക്കൂര് സമയം ആവശ്യമാണ്.
മയക്കം തുടരാന് ആവശ്യമെങ്കില് ബൂസ്റ്റര് ഡോസും നല്കും. വരാനിരിക്കുന്ന 45 മിനുട്ട് നിര്ണായകമാണ്. ജനവാസമേഖലക്കും ഉള്ക്കാട്ടിനും ഇടയില് വെച്ചാണ് പി ടി സെവന് വെടിയേറ്റത്. ആനയെ പുറത്തെത്തിക്കാനായി വനത്തിനുള്ളിലേക്ക് ലോറി എത്തിയിട്ടുണ്ട്. മൂന്ന് കുങ്കിയാനകളും വനത്തിന് ഉള്ളിലുണ്ട്. വിക്രം, ഭാരത്, സുരേന്ദ്രന് എന്നീ മൂന്ന് കുങ്കിയാനകളാണ് പി ടി സെവനെ മെരുക്കാന് വനത്തിന് ഉള്ളില് ഉണ്ടായിരുന്നത്.
പി ടി സെവനെ പിടികൂടിയതായുള്ള ഔദ്യോഗിക സ്ഥിരീകരണം വന്നിട്ടില്ലെങ്കിലും വെടിയേറ്റതിന്റെ ചിത്രങ്ങള് മാധ്യമങ്ങള് പുറത്ത് വിട്ടിട്ടുണ്ട്. വയനാട്ടില് നിന്ന് എത്തിയ ദൗത്യസംഘം ആണ് പി ടി സെവനെ കീഴ്പ്പെടുത്തിയത്. ശനിയാഴ്ച പുലര്ച്ചെ ധോണി വനമേഖലയിലെ അരിമണിഭാഗത്തായിരുന്നു പി ടി സെവനെ കണ്ടെത്തിയത്. ദൗത്യസംഘം പി ടി സെവന് പിറകെ തന്നെ ഉണ്ടായിരുന്നു.
എന്നാല് മനുഷ്യസാന്നിധ്യം തിരിച്ചറിഞ്ഞതോടെ പി ടി സെവന് ഉള്ക്കാട്ടിലേക്ക് പോയി. ഇത് ട്രാക്കര്മാര്ക്ക് ബുദ്ധിമുട്ടായി. അതിനാലാണ് ഇന്നലെ പി ടി സെവനെ മയക്കുവെടി വെക്കാനാകാതിരുന്നത്. മാസങ്ങളായി ജനവാസകേന്ദ്രങ്ങളിലിറങ്ങി ദുരിതമുണ്ടാക്കിയ ആനയാണ് പി ടി സെവന്. വലിയ രീതിയില് നാശനഷ്ടവും ഭീതിയും പി ടി സെവന് നാട്ടുകാര്ക്ക് സൃഷ്ടിച്ചിരുന്നു.
അതേസമയം ഭീതി പരത്തിയ പി ടി സെവനെ പിടികൂടാന് കഴിഞ്ഞത് വലിയ ആശ്വാസകരമാണെന്ന് പ്രദേശവാസികള് പറഞ്ഞു. ഏഴോളം ആനകള് ഇപ്പോഴും പ്രദേശത്ത് ഉണ്ട് എന്നും എന്നാല് പി ടി സെവനോളം അത്ര അപകടകാരികളല്ല മറ്റ് ആനകള് എന്നും പ്രദേശവാസികള് കൂട്ടിച്ചേര്ത്തു.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google