അട്ടപ്പാടിയില് ഒരു മാസത്തിനകം വാക്സിനേഷന് 100 ശതമാനമാക്കും: മന്ത്രി വീണാ ജോര്ജ്ജ്
പാലക്കാട്; അട്ടപ്പാടി മേഖലയിലെ ആദിവാസി വിഭാഗക്കാര്ക്ക് അടുത്ത ഒരു മാസത്തിനകം 100 ശതമാനം വാക്സിന് ഉറപ്പാക്കുമെന്ന് ആരോഗ്യ വകുപ്പ് മന്ത്രി വീണാ ജോര്ജ്ജ് പറഞ്ഞു. കോട്ടത്തറ ട്രൈബല് സ്പെഷ്യാലിറ്റി ആശുപത്രി സന്ദര്ശിച്ച് സംസാരിക്കുകയായിരുന്നു മന്ത്രി. വാക്സിന്റെ ലഭ്യതയനുസരിച്ച് ഇതിനായി സംവിധാനമുറപ്പാക്കും. ആദിവാസി വിഭാഗത്തിലെ 45 വയസ്സിന് മുകളിലുള്ള 82 ശതമാനത്തോളം പേര് ഇതുവരെ വാക്സിന് സ്വീകരിച്ചു കഴിഞ്ഞു. 18 വയസ്സിന് മുകളിലുള്ള എല്ലാവര്ക്കും വാക്സിന് നല്കാനുള്ള പദ്ധതിയും തയ്യാറാക്കിയിട്ടുണ്ട്. ഈ മേഖലയിലേക്ക് വാക്സിന് എത്തുന്നതിനുള്ള തടസ്സങ്ങളും പരിഹരിക്കുമെന്ന് മന്ത്രി അറിയിച്ചു.
അട്ടപ്പാടിയിലെ ജനങ്ങള് ഏറ്റവും കൂടുതല് ആശ്രയിക്കുന്ന കോട്ടത്തറ ട്രൈബല് സ്പെഷ്യാലിറ്റി ആശുപത്രിയില് ഓക്സിജന് പ്ലാന്റ് നിർമ്മാണത്തിനുള്ള പ്രവർത്തനങ്ങൾ ക്രമീകരിക്കുമെന്നും മന്ത്രി അറിയിച്ചു. കോവിഡ് ചികിത്സയ്ക്കു പുറമെ ഭാവിയില് ഇതര രോഗങ്ങളുടെ ചികിത്സയ്ക്കും ഇത് പ്രയോജനപ്രദമാകും. കോവിഡ് പരിശോധന ശാസ്ത്രീയമാക്കുന്നതിന് അടിയന്തിരമായി സി.ബി നാറ്റ് മെഷീന് നല്കും. കൂടാതെ, മൊബൈല് ആര്.ടി.പി.സി.ആര് ലാബ് ആഴ്ചയില് ഒരു ദിവസം അട്ടപ്പാടിയില് സജ്ജമാക്കും. ഇത്തരത്തിൽ മേഖലയില് കോവിഡ് പരിശോധന വര്ധിപ്പിക്കുകയാണ് ലക്ഷ്യമിടുന്നത്.
അട്ടപ്പാടിയിൽ നിന്നും മറ്റ് ആശുപത്രികളിലേക്ക് ചികിത്സയ്ക്കായി പോകേണ്ട അവസ്ഥ വരാത്ത രീതിയില് കോട്ടത്തറ ആശുപത്രിയുടെ പശ്ചാത്തലം മാറ്റിയെടുക്കുന്നതിനു വേണ്ട നടപടികള് സ്വീകരിക്കും. സ്പെഷ്യാലിറ്റി സേവനങ്ങള്, പുതിയ തസ്തികകള് സൃഷ്ടിക്കുന്നതുള്പ്പെടെയുള്ള കാര്യങ്ങളിൽ നടപടി ഉണ്ടാകും. മുന് വര്ഷങ്ങളുടെ തുടര്ച്ചയെന്നോണം ആദിവാസി മേഖലയ്ക്ക് പ്രാമുഖ്യം നല്കിയുള്ള പ്രവര്ത്തനങ്ങള് നടപ്പാക്കും. ഏറെ വെല്ലുവിളികൾ ഏറ്റെടുത്ത് അട്ടപ്പാടി മേഖലയില് പ്രവര്ത്തിക്കുന്ന എല്ലാ ആരോഗ്യ പ്രവര്ത്തകരേയും മന്ത്രി അഭിനന്ദിച്ചു.
കോവിഡ് പ്രതിരോധ പ്രവര്ത്തനങ്ങള്ക്കൊപ്പം തന്നെ പൊതുജനാരോഗ്യവും ആരോഗ്യ സംരക്ഷണവുമായി ബന്ധപ്പെട്ട് കുട്ടികള്, സ്ത്രീകള് എന്നിവര്ക്ക് പ്രത്യേക ഊന്നല് നല്കിയുള്ള പ്രവര്ത്തനങ്ങള് ഊര്ജ്ജിതമാക്കുമെന്നും മന്ത്രി പറഞ്ഞു. ശിശു മരണ നിരക്ക് കുറയ്ക്കുന്നതിന് മുന് വര്ഷങ്ങളില് നടപ്പാക്കിയ പ്രവര്ത്തനങ്ങള് ഊർജ്ജിതമായി തുടരും. ശിശുമരണനിരക്കിലെ കുറവ് നിലനിര്ത്തുന്നതിനുള്ള പ്രവര്ത്തനങ്ങള് മറ്റുവകുപ്പുകളുമായി സഹകരിച്ച് മുന് വര്ഷങ്ങളിലേതു പോലെ നടപ്പാക്കും. പ്രത്യേകിച്ച്, ഗര്ഭിണികളുടെ പോഷകാഹരവുമായി ബന്ധപ്പെട്ട് ആദിവാസി വിഭാഗങ്ങളുടെ ആഹാര ശീലങ്ങൾ പരിപോഷിപ്പിക്കുന്ന പദ്ധതികള് ശക്തിപ്പെടുത്തുമെന്നും മന്ത്രി പറഞ്ഞു.
സ്ത്രീധനത്തിനെതിരെ പ്രതിഷേധമുയർത്തി എസ്എഫ്ഐ- ചിത്രങ്ങൾ
കോട്ടത്തറ ട്രൈബല് ആശുപത്രി, പുതൂര് കുടുംബാരോഗ്യ കേന്ദ്രം, അഗളി സാമൂഹികാരോഗ്യ കേന്ദ്രം എന്നിവ സന്ദര്ശിച്ച മന്ത്രി അട്ടപ്പാടിയിലെ ആരോഗ്യ മേഖലയുമായി ബന്ധപ്പെട്ട പ്രവര്ത്തനങ്ങള് വിലയിരുത്തി. പ്രസ്തുത മേഖലയില് കോവിഡിന്റെ മൂന്നാം തരംഗം നേരിടുന്നതിനുള്ള മുന്നൊരുക്കങ്ങള് നടത്തുമെന്നും മന്ത്രി അറിയിച്ചു. പുതൂരിൽ പ്രവർത്തിക്കുന്ന കമ്യൂണിറ്റി കിച്ചണും മന്ത്രി സന്ദര്ശിച്ചു.
ഹോട്ട് ലുക്കില് തിളങ്ങി ഇഷ ഗുപ്ത; ഏറ്റവും പുതിയ ചിത്രങ്ങള് കാണാം
Click it and Unblock the Notifications
Sign in with Google