വേദനസംഹാരികൾ കഴിച്ചുകൊണ്ടാണ് മിക്ക ദിവസങ്ങളും തള്ളി നീക്കിയത്: ഞാന് എന്നെ തന്നെ മറന്നുവെന്നും ഷിജു
മലയാളത്തില് മാത്രമല്ല, തമിഴും തെലുങ്കും ഉള്പ്പെടേയുള്ള തെന്നിന്ത്യന് ഭാഷകളില് പതിറ്റാണ്ടുകളുടെ അഭിനയ പരിചയമുള്ള താരമാണ് ഷിജു എആർ. നിലവില് സിനിമകള്ക്ക് പുറമെ സീരിയലുകളിലും സജീവമാണ് അദ്ദേഹം. പക്ഷെ ബിഗ് ബോസ് മലയാളം സീസണ് 5 ല് മത്സരാർത്ഥിയായി എത്തിയതോടെയാണ് തന്റെ പേര് മലയാളികള്ക്ക് കൃത്യമായി മനസ്സിലായതെന്ന് താരം തന്നെ തുറന്ന് പറയുകയും ചെയ്തിരുന്നു.
ബിഗ് ബോസില് 100 ദിവസം പൂർത്തിയാക്കി പുറത്തിറങ്ങിയ താരങ്ങളില് ഒരാള് കൂടിയാണ് ഷിജു. 'സേഫ് ഗെയിമർ' എന്ന ലേബൽ മറികടന്ന്, മത്സരത്തിന്റെ അവസാന ഘട്ടത്തില് മികച്ച പ്രകടനം പുറത്തെടുക്കാന് സാധിച്ചതാണ് ഷിജുവിനെ ശ്രദ്ധേയനാക്കിയത്. ഇപ്പോഴിതാ ഈ ടൈംസ് ടിവിക്ക് നല്കിയ പ്രത്യേക അഭിമുഖത്തില്, തന്റെ അവിസ്മരണീയമായ ബിഗ് ബോസ് യാത്രയെക്കുറിച്ചും ഷോയ്ക്ക് ശേഷമുള്ള ജീവിതത്തെക്കുറിച്ചും തുറന്ന് പറയുകയാണ് ഷിജു.
എന്റെ പേര് ഷിജു എന്നാണെന്ന് ആളുകള്ക്ക് സുപരിചിതമാക്കുകയെന്ന ലക്ഷ്യം ഞാന് നേടിയിരിക്കുന്നു. ഇപ്പോൾ, ആളുകൾ എന്നെ കൂടുതലായി തിരിച്ചറിയുന്നു. വലിയ തോതില് സിനിമകളും കഥാപാത്രങ്ങളും ഉണ്ടായിട്ടും, എനിക്ക് പ്രേക്ഷകർക്കിടയിൽ അംഗീകാരം കുറവായിരുന്നു. അത് തിരുത്താനുള്ള അവസരം ഷോ എനിക്ക് നൽകി. ബിഗ് ബോസില് പങ്കെടുക്കാനുള്ള അവസരം ലഭിച്ചതില് എനിക്കും അതിയായ സന്തോഷമുണ്ടെന്നും അദ്ദേഹം പറയുന്നു.
ഒരു മനുഷ്യന് പാചകം ചെയ്യാൻ താൽപ്പര്യമുണ്ടെങ്കിൽ എന്താണ് തെറ്റ്? ഞാൻ അത്തരം സ്റ്റീരിയോടൈപ്പുകളിൽ വിശ്വസിക്കുന്നില്ല. ഞാൻ അത് ഒരുപാട് ആസ്വദിക്കുന്നു. ബിബി ഹൗസിൽ കിച്ചൺ ഡ്യൂട്ടിയാണ് ഏറ്റവും കടുപ്പമുള്ളത്. കൂടാതെ അവിടെയുള്ള എല്ലാവർക്കും ഭക്ഷണം പാകം ചെയ്യണം. ഇത് 18 മണിക്കൂറിൽ കൂടുതൽ സമയമെടുക്കുന്ന ഒരു ജോലിയാണ്, പലരും അത് ചെയ്യില്ല. അതുകൊണ്ട് തന്നെ ഞാന് കിച്ചണില് ഒതുങ്ങിക്കൂടിയെന്ന വിമർശനത്തിന് അടിസ്ഥാനമില്ല.
കോർട്ട് ടാസ്ക്കിൽ അഖിലിനൊപ്പം നിന്ന ഒരേയൊരു വ്യക്തി ഞാന് ആണെന്നിരിക്കെ ഒരാൾക്ക് എന്നെ എങ്ങനെ സേഫ് പ്ലെയർ എന്ന് വിളിക്കാനാകും? എല്ലാവരും അവനെതിരെ നിന്നപ്പോൾ ഞാൻ അവനുവേണ്ടി ശബ്ദമുയർത്തി. എനിക്ക് സേഫായി കളിക്കണമെങ്കിൽ, ഞാനും അവരോടൊപ്പം ചേരുമായിരുന്നു.
ടാസ്ക്കുകൾ നോക്കുകയാണെങ്കിൽ, അവയിൽ മിക്കതും വിജയിച്ചത് ഞാനാണെന്ന് എനിക്ക് ഉറപ്പുണ്ട്. പ്രതിവാര ടാസ്ക്കുകളോ സ്പോൺസർ ചെയ്ത ജോലികളോ ആകട്ടെ, അവയിൽ മിക്കതിലും ഞാൻ വിജയിയായി ആയിരുന്നു. അനാവശ്യമായി ശബ്ദമുയർത്താത്തതിനാലും വീട്ടിൽ ബഹളമുണ്ടാക്കിയതിനാലും ആളുകൾ എന്നെ സേഫ് കളിക്കാരനായി മുദ്രകുത്തിയെന്ന് ഞാൻ കരുതുന്നു. ശാന്തതയിലും ക്ഷമയിലും വിശ്വസിക്കുന്ന ഒരു തലമുറയിൽ നിന്നാണ് ഞാൻ വരുന്നത്. ക്ഷമ കാലഹരണപ്പെട്ടതല്ലെന്ന് ലോകത്തെ കാണിക്കാൻ ഞാൻ ആഗ്രഹിച്ചുവെന്നും ഷിജു ചൂണ്ടിക്കാട്ടി.
ഗെയിമിൽ ഞാന് നൂറ് ശതമാനം ആത്മാർത്ഥതയോടെ നിന്നു. അത് വളരെ കഠിനമായിരുന്നു. ബിബി ഹൗസിനുള്ളിലെ രോഗങ്ങളോ മുറിവുകളോ സുഖപ്പെടുത്താൻ ഞങ്ങൾക്ക് സമയമില്ല. മിക്ക ദിവസവും ഞാൻ വേദനസംഹാരികൾ കഴിച്ചു. സത്യം പറഞ്ഞാൽ, ഞാൻ എന്നെ തന്നെ മറന്നു. ഞാൻ ചെറുപ്പക്കാരുടെ കൂടെ കൂടിയപ്പോള് അവരുടെ പ്രായത്തിലായിരുന്നു.
ബിബി ഹൗസിനുള്ളിൽ, ആദ്യ 40 ദിവസങ്ങളിൽ, എല്ലാവരേയും എങ്ങനെ രസിപ്പിക്കണം എന്നതിനെക്കുറിച്ച് നിങ്ങൾക്ക് ശരിക്കും ഒരു ധാരണയും ലഭിക്കില്ല. എന്നാൽ ഒരിക്കൽ നിങ്ങൾക്ക് അത് മനസിലായി കഴിഞ്ഞാല് കാര്യങ്ങള് എളുപ്പമാണ്. അവസാന ആഴ്ചകളിൽ പ്രേക്ഷകരെ രസിപ്പിക്കാന് ഞാന് പരമാവധി ശ്രമിച്ചു. എന്നെത്തന്നെ അഴിച്ചുവിട്ടു. ചില സമയങ്ങളിൽ, ചില ജോലികൾ അൽപ്പം ബോറടിപ്പിക്കുന്നതായി എനിക്ക് തോന്നി, അതിനാൽ തന്നെ അത് സഹമത്സരാർത്ഥികള്ക്കും കാഴ്ചക്കാർക്കും രസകരമാക്കാനുള്ള ഉത്തരവാദിത്തം ഞാൻ ഏറ്റെടുത്തുവെന്നും അദ്ദേഹം കൂട്ടിച്ചേർക്കുന്നു.
Click it and Unblock the Notifications
Sign in with Google