എടാ മോനേ ആര്സിബി പൊളിച്ചടുക്കി, ഡല്ഹിയെ തൂക്കിയടിച്ചു; തുടര്ച്ചയായ അഞ്ചാം ജയം
ബെംഗളൂരു: ഐപിഎല്ലിലെ ഇന്നത്തെ രണ്ടാമത്തെ മത്സരത്തില് റോയല് ചലഞ്ചേഴ്സ് ബെംഗളൂരുവിനെതിരെ ഡല്ഹി ക്യാപിറ്റല്സിന് വന് തോല്വി. 47 റണ്സിനാണ് ഡല്ഹി. റിഷഭ് പന്തില്ലാതെ കളത്തില് ഇറങ്ങിയ ഡല്ഹിക്ക് ബാറ്റിംഗില് ബൗളിംഗിലും ഒരുപോലെ താളം തെറ്റുകയായിരുന്നു. 188 റണ്സ് വിജയലക്ഷ്യം പിന്തുടര്ന്ന ഡല്ഹി 140 റണ്സില് പുറത്താവുകയായിരുന്നു.
ഡേവിഡ് വാര്ണര്(1) ആദ്യ ഓവറില് തന്നെ പുറത്തായതോടെ ഡല്ഹി അപകടം മണത്തിരുന്നു. ഒരോവറില് ജേക് ഫ്രേസര് മക് ഗിര്ക്ക്(21) അഭിഷേക് പോറല്(2) എന്നിവര് പുറത്തായതോടെ ഡല്ഹി തോല്വി ഉറപ്പിച്ച് പോലെയായിരുന്നു. കുമാര് കുശാഗ്ര(2) കൂടി പുറത്തായതോടെ നാലിന് മുപ്പത് എന്ന നിലയിലായിരുന്നു ടീം.
ഷായ് ഹോപ്പിലായിരുന്നു പിന്നീട് ടീമിന്റെ ഏക പ്രതീക്ഷ. ഹോപ്പ് 23 പന്തില് 29 റണ്സടിത്ത് പുറത്തായി. നാല് ബൗണ്ടറിയാണ് താര അടിച്ചത്. പന്തിന് പകരം ക്യാപ്റ്റനായ അക്ഷര് പട്ടേല്(57) മാത്രമാണ് ടീമില്പൊരുതിയത്. 39 പന്തിലാണ് താരം 57 റണ്സടിച്ചത്. അഞ്ച് ബൗണ്ടറിയും മൂന്ന് സിക്സറും ആ ഇന്നിംഗ്സിലുണ്ടായിരുന്നു.
ട്രിസ്റ്റാന് സ്റ്റബ്സ്(3) കുല്ദീപ് യാദവ്(6) റസീഖ് സലാം(10) എന്നിവര്ക്കൊന്നും കാര്യമായി സംഭാവന ചെയ്യാന് സാധിച്ചില്ല. അതേസമയം തുടര്ച്ചയായ അഞ്ചാം ജയത്തോടെ ബെംഗളൂരു പ്ലേഓഫ് സാധ്യതകള് സജീവമായിരിക്കുകയാണ്. അവസാന മത്സരത്തില് വിജയിച്ചാല് അവര്ക്ക് പ്ലേഓഫിലെത്താന് സാധിച്ചേക്കും. മറ്റ് ടീമുകളുടെ ഫലം കൂടി ഇതില് പ്രധാനപ്പെട്ടതാണ്.
നേരത്തെ ടോസ് നേടിയ ഡല്ഹി മത്സരത്തില് ആര്സിബിയെ ആദ്യം ബാറ്റിംഗിന് അയക്കുകയായിരുന്നു. തുടക്കത്തില് തന്നെ അവര്ക്ക് ഫാഫ് ഡുപ്ലെസി(6)യെ നഷ്ടമായി. പിന്നീട് വിരാട് കോലി(27) വില് ജാക്സ്(41) എന്നിവര് ചേര്ന്നായിരുന്നു സ്കോര് മുന്നോട്ട് കൊണ്ടുപോയത്. കോലി അതിവേഗത്തിലായിരുന്നു സ്കോര് ചെയ്തത്.
13 പന്തില് 27 റണ്സടിച്ച താരം മൂന്ന് സിക്സറുകളും ഒരു ബൗണ്ടറിയും അടിച്ചു. എന്നാല് സ്കോര് ഉയര്ത്താനുള്ള ശ്രമത്തില് താരം പുറത്താവുകയായിരുന്നു. രണ്ടിന് 36 എന്ന നിലയില് പരുങ്ങിയ ആര്സിബിയെ രജത് പാട്ടീദാര്(52) ആണ് മുന്നോട്ട് കൊണ്ടുപോയത്. ജാക്സ് ഒപ്പം നിന്ന് തകര്ത്തടിച്ചു.
ജാക്സ് 29 പന്തിലാണ് 41 റണ്സടിച്ചത്. മൂന്ന് ബൗണ്ടറിയും രണ്ട് സിക്സറും അടങ്ങുന്നതാണ് താരത്തിന്റെ ഇന്നിംഗ്സ്. അതേസമയം രജത് പാട്ടീദാറാണ് ആര്സിബിയുടെ ടോപ് സ്കോറര് 32 പന്തിലാണ് താരം 52 റണ്സടിച്ചത്. മൂന്ന് സിക്സറും മൂന്ന് ബൗണ്ടറിയും പാട്ടീദാറിന്റെ ഇന്നിംഗ്സിലുണ്ടായിരുന്നു.
കാമറൂണ് ഗ്രീന് 24 പന്തില് 32 റണ്സുമായി പുറത്താവാതെ. അതേസമയം മധ്യനിരയിലെ മികച്ച പ്രകടനത്തിന് ശേഷം വാലറ്റം അടക്കം വേഗത്തില് തകര്ന്നതാണ് ബെംഗളൂരുവിന്റെ സ്കോര് 200 കടക്കാതെ പോയത്. ദിനേഷ് കാര്ത്തിക്(0) മഹിപാല് ലോംറോര്(13) സ്വപ്നില് സിംഗ്(0) എന്നിവരെല്ലാം നിരാശപ്പെടുത്തി.
-
സമാധാനം ഇനിയും അകലെ? യുദ്ധം ഉടനെ അവസാനിക്കില്ലെന്ന് ഇറാന്: യുഎസുമായി യാതൊരു ചര്ച്ചയുമില്ല -
പ്രഹസനം സമ്മതിച്ചല്ലോയെന്ന് വിടി ബൽറാം, ഒന്നും അറിയില്ലല്ലേയെന്ന് എംബി രാജേഷ്..ഫേസ്ബുക്ക് പോര് കനക്കുന്നു -
ഇടുക്കിയിൽ മിടുക്ക് തെളിയിക്കാൻ പുതുമുഖങ്ങളും പരിചിതമുഖങ്ങളും -
എണ്ണയും സെറവുമൊന്നും ഇനി വേണ്ട, മുടി തഴച്ച് വളരാൻ ഈ 5 അത്ഭുതകരമായ പൂക്കൾ മാത്രം മതി -
മേടം രാശിഫലം: ഭാഗ്യം നിങ്ങൾക്കൊപ്പം, ചെറിയ കാര്യങ്ങളിൽ പോലും വിജയം, വ്യാപാരികൾക്ക് നല്ല ലാഭം പ്രതീക്ഷിക്കാം -
വൈറോളജി ഇന്സ്റ്റിറ്റ്യൂട്ടില് അക്കൗണ്ടന്റ്, ഓഫീസ് അസിസ്റ്റന്റ് ഒഴിവുകള്; ശമ്പളം ഇത്ര -
ആപ്പിൾ കൊടുക്കും ജനങ്ങൾ വാങ്ങും; ഐഫോൺ 16 പ്രോയുടെ ഡിസ്കൗണ്ട് കേട്ടാൽ ഞെട്ടും..! വില എത്ര? -
ഇന്ത്യയ്ക്ക് വേണ്ടി ഹോർമുസ് തുറന്നു; അഞ്ച് സൗഹൃദ രാജ്യങ്ങളുടെ കപ്പലുകൾ തടയില്ലെന്ന് വ്യക്തമാക്കി ഇറാൻ -
സ്വര്ണവില ഇടിഞ്ഞു; ട്രംപ് അല്ല, 'മാറ്റിയത്' ഇറാന്, പിന്നെ രൂപയും, ഇന്നത്തെ പവന് വില അറിയാം -
"മോഹൻലാൽ ജീവിക്കുന്നത് ശരിക്കും ഒരു രാജാവിനെ പോലെ, ഗുഡ് മോർണിംഗ് പറഞ്ഞിട്ടും മമ്മൂട്ടി മൈൻഡ് ചെയ്തില്ല" -
എല്ലാ ആഴ്ചയിലും ഒരു ഗ്രാം പൊന്ന്! കൊച്ചിക്കാരെ പോലെ സ്വര്ണം വാങ്ങി നോക്കിയാലോ? -
ശനിയും സൂര്യനും ഒന്നിക്കുന്നു; ഈ നക്ഷത്രക്കാരുടെ ഭാഗ്യം തെളിയും, കടം കൊടുത്ത പണം കിട്ടും, പ്രണയം പൂവണിയും!
Click it and Unblock the Notifications
Sign in with Google