അറബ് രാഷ്ട്രങ്ങള്‍ പിന്തുണയ്ക്കണം : ഇറാഖ്

By Staff

Published: Monday, March 31, 2003, 5:30 [IST]

ബാഗ്ദാദ്: ഈ യുദ്ധത്തില്‍ അറബ് രാഷ്ട്രങ്ങള്‍ ഒന്നടങ്കം ഇറാഖിനെ പിന്തുണയ്ക്കണമെന്ന് ഇറാഖിന്റെ വിദേശകാര്യമന്ത്രി നജി സബ്രി. മാര്‍ച്ച് 31 തിങ്കളാഴ്ച വാര്‍ത്താസമ്മേളനത്തില്‍ സംസാരിക്കുകയായിരുന്നു അദ്ദേഹം.

അറബ് രാഷ്ട്രങ്ങളില്‍ ജനങ്ങള്‍ ഇറാഖിനോട് ശക്തമായ അനുഭാവം പുലര്‍ത്തുന്നുണ്ട്. ഈ ജനവികാരം കണക്കിലെടുത്ത് എല്ലാം അറബ് രാഷ്ട്രങ്ങളും ഇറാഖിനെ സഹായിക്കണം. - നജി സബ്രി പറഞ്ഞു.

യുഎസും ബ്രിട്ടനും ഇറാഖിനെ വിഭജിക്കാനും കോളനിയാക്കാനുമാണ് വരുന്നത്. ഈ യുദ്ധം അതിന് വേണ്ടിയുള്ളതാണ്. ഇറാഖിന്റെ സമ്പത്ത് കൊള്ളയടിക്കുകയാണ് അവരുടെ ലക്ഷ്യം. ഈ യുദ്ധത്തില്‍ ശത്രുനിരയെ എല്ലാ മേഖലയിലും ഇറാഖ് പരാജയപ്പെടുത്തുകയാണ്. ശത്രുക്കള്‍ തീര്‍ച്ചയായും പരാജയപ്പെടും. - അദ്ദേഹം അഭിപ്രായപ്പെട്ടു.

Published On March 31, 2003