ഗ്രീസില് 48 മണിക്കൂര് പണിമുടക്ക്
വിരമിക്കല് പ്രായം 65ല് നിന്നും 67 ആക്കാനും ആനുകൂല്യങ്ങളില് 35 ശതമാനം കുറവു വരുത്താനും പെന്ഷന് വീണ്ടും 5മുതല് 15 ശതമാനം വരെ കുറയ്ക്കാനും ജീവനക്കാരുടെ ശമ്പളം താഴ്ത്താനും അവധി ആനുകൂല്യങ്ങള് എടുത്തുകളയാനും പിരിച്ചുവിടാനുള്ള നോട്ടിസ് കാലാവധി ആറുമാസത്തില് നിന്നു നാലുമാസമാക്കാനും സര്ക്കാര് നടപടി തുടങ്ങിയതാണ് തൊഴിലാളികളെ പ്രകോപിപ്പിച്ചത്. സര്ക്കാര് ജീവനക്കാര്ക്കൊപ്പം സ്വകാര്യ തൊഴിലാളികളും സമരരംഗത്തുണ്ട്.
സാമ്പത്തിക അച്ചടക്ക പാക്കേജിലുള്ള വോട്ടെടുപ്പ് ബുധനാഴ്ച നടക്കും. നവംബര് 11നാണ് ഗ്രീസ് ബജറ്റ് വോട്ടെടുപ്പ്. 12ാം തിയ്യതിയാണ് ഗ്രീസിന് പുതിയ സാമ്പത്തിക സഹായം നല്കുന്ന കാര്യത്തില് തീരുമാനമെടുക്കാന് യൂറോപ്യന് യൂനിയന് ധനകാര്യമന്ത്രിമാര് യോഗം ചേരുന്നത്. കടത്തിലേക്ക് ഗ്രീസ് അടക്കേണ്ട 500 കോടി യൂറോ നല്കേണ്ട അവസാന തിയ്യതി നവംബര് 16ാണ്. മാര്ഗ്ഗനിര്ദ്ദേശങ്ങളനുസരിച്ച് ഉത്തേജകപാക്കേജും ബജറ്റും പാസ്സാക്കിയാല് മാത്രമേ യൂനിയന് സാമ്പത്തിക സഹായം നല്കൂവെന്നതിനാല് വരും ദിവസങ്ങള് ഗ്രീസിനെ സംബന്ധിച്ചിടത്തോളം നിര്ണായകമാണ്.
<center><iframe width="600" height="450" src="http://www.youtube.com/embed/e50ANkE7OZw" frameborder="0" allowfullscreen></iframe></center>
Click it and Unblock the Notifications
Sign in with Google