നഗരസഭയുടെ കടുത്ത നടപടി, തൃക്കാക്കരയില് നഗരസഭ ഫ്ളെക്സ് ബോര്ഡുകള് നീക്കം ചെയ്തു
കാക്കനാട്: പൊതുനിരത്തുകളില് അപകട ഭീഷണി ഉയര്ത്തി നിന്നിരുന്ന ഫ്ളെക്സ് ബോര്ഡുകള് തൃക്കാക്കര നഗരസഭ നീക്കം ചെയ്തു. കടുത്ത നടപടിയും ഇത് സ്ഥാപിച്ചവര്ക്കെതിരെ ആരംഭിച്ചിട്ടുണ്ട്. ജില്ലാ ആസ്ഥാനത്തുള്ള പരസ്യ ബോര്ഡുകളാണ് നീക്കം ചെയ്ത് തുടങ്ങിയത്. പാതയോരങ്ങളില് അനുമതിയില്ലാതെ സ്ഥാപിച്ച ഫ്ളെക്സ് ബോര്ഡുകള്, ബാനറുകള്, കൊടിതോരണങ്ങള് എന്നിവയാണ് ഹൈക്കോടതി നിര്ദേശത്തിന്റെ അടിസ്ഥാനത്തില് നീക്കം ചെയ്തത്.
ഹൈക്കോടതിയുടെ ഇടപെടലുണ്ടായതോടെ നഗരസഭ അധികൃതര് നടപടിയുമായി വേഗത്തില് എത്തുകയായിരുന്നു. അതേസമയം ബോര്ഡ് വെച്ചവര്ക്ക് പതിനായിരം രൂപ വീതം പിഴയും ചുമത്തിയിട്ടുണ്ട്.അതേസമയം ഇരുപത് പേര്ക്ക് പിഴ അടയ്ക്കാനുള്ള നോട്ടീസ് നല്കിയിട്ടുണ്ട്. ബാക്കിയുള്ളവര്ക്ക് അടുത്ത ദിവസങ്ങളിലായി നോട്ടീസ് നല്കും.
സീപോര്ട്ട് എയര്പോര്ട്ട് റോഡ്, സിവില് ലൈന് റോഡ് എന്നിവിടങ്ങളിലേത് ഉള്പ്പെടെയുള്ള ബോര്ഡുകള് ചൊവ്വ, ബുധന് ദിവസങ്ങളിലാണ് നീക്കം ചെയ്തത്. സ്ഥാപനങ്ങളുടെയും സംഘടനകളുടെയും പരസ്യ ബോര്ഡുകളാണ് ഇവയില് കൂടുതലായുള്ളത്.
നീക്കം ചെയ്ത ബോര്ഡുകളിലെ സ്ഥാപനങ്ങളുടെ വിലാസം നോക്കിയും, സംഘടനകളുടെ ഭാരവാഹികളെ കണ്ടെത്തിയുമാണ് നോട്ടീസ് നല്കുന്നത്. കഴിഞ്ഞ ദിവസങ്ങളിലുമായി കാറ്റിലും മഴയിലും റോഡിലെ കുറച്ച് ബോര്ഡുകള് നിലം പൊത്തിയിരുന്നു. പലരും ഭാഗ്യം കൊണ്ടാണ് അപകടത്തില്പ്പെടാതെ രക്ഷപ്പെട്ടത്.
കളക്ടറേറ്റ് ബസ് സ്റ്റോപ്പ്, കാക്കനാട് ജംഗ്ഷന്, സീപോര്ട്ട്-എയര്പോര്ട്ട് റോഡ്, നഗരസഭാ ഓഫീസ് പരിസരം തുടങ്ങിയ ഭാഗങ്ങളില് നഗരസഭാ സ്ക്വാഡ് പരിശോധന നടത്തി ബോര്ഡുകള് നീക്കുകയായിരുന്നു. യാത്രക്കാര്ക്ക് കാഴ്ച്ചയ്ക്ക് തടസ്സം സൃഷ്ടിക്കും വിധമാണ് ബോര്ഡുകള് സ്ഥാപിച്ചിരുന്നത്. 20 പേര്ക്ക് പതിനായിരം രൂപ വീതം അടയ്ക്കാനാണ് നഗരസഭ നോട്ടീസ് നല്കിയത്.
രാഷ്ട്രീയ നേതാക്കളുടെ ചിത്രങ്ങളോടുകൂടിയുള്ള ബോര്ഡുകളാണ് പിടിച്ചെടുത്തതില് കൂടുതലായും ഉള്ളത്. ഇലക്ട്രിക് പോസ്റ്റുകളിലും കെട്ടിട സമുച്ചയങ്ങളുടെ മുകള് ഭാഗത്തും അനുമതിയില്ലാതെ കൂറ്റന് പരസ്യബോര്ഡുകളാണ് സ്ഥാപിച്ചിരുന്നത്. ഇവര്ക്കെതിരെ വരും ദിവസങ്ങളില് നടപടിയെടുക്കുമെന്ന് നഗരസഭാ അധികൃതര് വ്യക്തമാക്കി.
അതേസമയം അപകടകരമായ രീതിയില് ബോര്ഡുകള് വഴിമുടക്കി സ്ഥാപിച്ചവര്ക്കെതിരെ പിഴയ്ക്ക് പുറമേ കേസ് കൂടിയെടുക്കുമെന്നും നഗരസഭാ അധികൃതര് പറഞ്ഞു. പലയിടത്തും ബോര്ഡുകള് റോഡിലേക്ക് ഇറക്കിയാണ് സ്ഥാപിച്ചിരിക്കുന്നത്.
-
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ -
സ്വർണ വില പ്രവചനം തിരുത്തി വിദഗ്ജർ; പക്ഷെ പവന് 2.2 ലക്ഷം രൂപയാകും, ഗ്രാം വില 29000 -
'ഇന്ന് എനിക്ക് ഫ്ലാറ്റ് ഉണ്ട്, ആഡംബര വാഹനങ്ങളുണ്ട്, ഇതൊക്കെയും എന്റെ കഴിവ് കൊണ്ട് നേടിയെടുത്തത്'; അഖിൽ മാരാർ -
പിണറായിയുടേത് 'സംഘി ക്യാബിനറ്റ്'! പിഷാരടിയെ തൊട്ടാൽ വിവരം അറിയും; ആഞ്ഞടിച്ച് ഷാഫി പറമ്പിൽ -
യുഎസ്-ഇറാൻ നേരിട്ടുള്ള ചർച്ചകൾക്ക് വേദിയാവാൻ ഇസ്ലാമാബാദ്; മധ്യസ്ഥ ശ്രമങ്ങളുമായി ഈജിപ്തും തുർക്കിയും -
സ്വർണം വാങ്ങുന്നത് സേഫ് അല്ല, വിൽക്കാൻ നിൽക്കുന്നവരും പെട്ട് പോകും';സാമ്പത്തിക വിദഗ്ധ മേരി ജോർജ് -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
'വരത്തന്' അല്ല, നിങ്ങളില് ഒരുവന് വിജയ്; പേരമ്പൂരില് കോടികള് ചെലവിട്ട് വീട്, സര്വെ ഫലം തിരിച്ചടി -
മോഹൻലാലുമായുള്ള മുഖ്യമന്ത്രിയുടെ അഭിമുഖത്തിന് ചിലവായത് ലക്ഷങ്ങൾ! ഉപയോഗിച്ചത് സർക്കാർ ഫണ്ട് -
യുപിയിൽ പാക് ചാരശൃംഖല തകർത്തു; 22 പേർ പിടിയിൽ, പുറത്തുവരുന്നത് ഞെട്ടിക്കുന്ന വിവരങ്ങൾ
Click it and Unblock the Notifications
Sign in with Google