Click it and Unblock the Notifications
Just In
Don't Miss
-
റിലേഷൻഷിപ്പിനോ വിവാഹത്തിനോ പറ്റില്ല; ജാസ്മിനോട് ഗബ്രി; എനിക്ക് വേണ്ട ഉത്തരം കിട്ടിയെന്ന് ജാസ്മിൻ! -
IPL 2024: സെഞ്ച്വറി നേടി, പക്ഷെ റുതുരാജ് മണ്ടന് ക്യാപ്റ്റന്! തോല്വിക്ക് കാരണം ഈ പിഴവുകള് -
വേനല്ക്കാലത്ത് പൂന്തോട്ടം കളര്ഫുള്ളാക്കാന് ഇതാ ചില വഴികള് -
കട്ട ട്രാഫിക് ബ്ലോക്കിൽ വാഹനമോടിക്കേണ്ടത് ഇങ്ങനെ, മൊട കാണിച്ചാൽ പണി കിട്ടുമേ -
ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ് -
അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
ബിബിഎംപി ആന്റിക്ലൈമാക്‌സ്: ജയിച്ചത് ബിജെപി, മേയര്‍ കോണ്‍ഗ്രസിന്!
ബെംഗളൂരു: 198ല്‍ 100 സീറ്റുകളോടെ ഭൂരിപക്ഷം നേടിയിട്ടും ബൃഹത് ബെംഗളൂരു മഹാനഗര പാലികെ (ബി ബി എം പി) ഭരണം ബി ജെ പിയെ കൈവിട്ടു. ജനതാളിന്റെ 14 കൗണ്‍സിലര്‍മാരുടെയും സ്വതന്ത്രരുടെയും പിന്തുണയോടെയാണ് 76 കൗണ്‍സിലര്‍മാര്‍ മാത്രമുള്ള കോണ്‍ഗ്രസ് ബെംഗളൂരു മേയറെ ജയിപ്പിച്ചെടുത്തത്. മഡിവാളയില്‍ നിന്നുള്ള കോണ്‍ഗ്രസ് കൗണ്‍സിലര്‍ ബി എന്‍ മഞ്ജുനാഥ റെഡ്ഡിയാണ് മേയര്‍. 131 വോട്ടുകളാണ് ഇദ്ദേഹത്തിന് കിട്ടിയത്.
ബി ബി എം പിയിലെ 198 കൗണ്‍സിലര്‍മാര്‍ക്ക് പുറമെ ബെംഗളൂരുവില്‍ നിന്നുള്ള എം എല്‍ എമാരും എം പിമാരും എം എല്‍ സിമാരും കൂടി ചേര്‍ന്നാണ് പുതിയ മേയറെ തിരഞ്ഞെടുത്തത്. ഇവരെ കൂടി ചേര്‍ത്ത് ബി ബി എം പിയിലെ മൊത്തം അംഗസംഖ്യ 260 ആയി. ഇതില്‍ 131 പേരുടെ പിന്തുണയാണ് മേയറെ തിരഞ്ഞെടുക്കാന്‍ വേണ്ടിയിരുന്നത്. ബി ജെ പിക്ക് 121 പേരുടെ പിന്തുണ മാത്രമേ കിട്ടിയുളളൂ.
125 പേരെ മാത്രമേ ബി ജെ പിക്ക് നിരത്താനായുള്ളൂ. അതേസമയം ജെ ഡി എസിന്റെ 25 പേര്‍ അടക്കം കോണ്‍ഗ്രസിന് 122 പേരുടെ പിന്തുണയുണ്ടായിരുന്നു. ഇതോടൊപ്പം സ്വതന്ത്രരെ കൂടി ചാക്കിട്ട് പിടിച്ചാണ് കോണ്‍ഗ്രസ് മേയറെ ജയിപ്പിച്ചത്. നീക്കുപോക്ക് അനുസരിച്ച് ഡെപ്യൂട്ടി മേയര്‍ സ്ഥാനം ജനതാദളിന് ലഭിക്കും. കോണ്‍ഗ്രസിനെ പിന്തുണച്ച സ്വതന്ത്ര കോര്‍പറേറ്റര്‍മാര്‍ക്കും സ്റ്റാന്‍ഡിങ് കമ്മിറ്റി ചെയര്‍മാന്‍ പോലുള്ള സ്ഥാനങ്ങള്‍ ലഭിക്കും.
കൂറുമാറ്റം ഭയന്ന് കോര്‍പറേറ്റര്‍മാരെ കോണ്‍ഗ്രസും ബി ജെ പിയും നഗരത്തിന് പുറത്താണ് താമസിപ്പിച്ചിരുന്നത്. വയനാട്ടിലെ റിസോര്‍ട്ടിലും മടിക്കേരിയിലെ പഞ്ചനക്ഷത്ര റിസോര്‍ട്ടിലുമായിരുന്നു ഇവര്‍ കഴിഞ്ഞിരുന്നത്. വോട്ടെടുപ്പിന് തൊട്ടുമുമ്പ് മാത്രമാണ് കോര്‍പറേറ്റര്‍മാര്‍ നഗരത്തിലെത്തിയത്. വ്യവസായ പ്രമുഖന്‍ വിജയ് മല്യ വോട്ടെടുപ്പിന് എത്തിയില്ല.
