കനത്ത മഴ: ദില്ലിയില് പരക്കെ നാശനഷ്ടം: ജമാ മസ്ജിദിന്റെ താഴികക്കുടം തകര്ന്നു
ദില്ലി: കനത്ത മഴയില് ദില്ലിയില് പരക്കെ നാശനഷ്ടം. രണ്ടുപേർ മരണപ്പെട്ടുവെന്നും ദേശീയ മാധ്യമങ്ങള് റിപ്പോർട്ട് ചെയ്യുന്നു. മരിച്ചവരിൽ ഒരാൾ ഡൽഹി ജുമാ മസ്ജിദ് ഏരിയയിൽ നിന്നുള്ള 50 വയസ്സുകാരനാണ്. വീടിന്റെ മേല്ക്കൂര ഇടിഞ്ഞ് വീണാണ് അപകടം സംഭവിച്ചത്. നോർത്തി ദില്ലി പ്രദേശത്ത് 65 -കാരനായ മറ്റൊരാളും മരിച്ചു. കനത്ത മഴയിലും ഇടിമിന്നലിലും ഡല്ഹിയിലെ ചരിത്രപ്രസിദ്ധമായ ജുമാമസ്ജിദിന്റെ താഴികക്കുടത്തിനും കേടുപാടുകള് സംഭവിച്ചു. രണ്ട് മൂന്ന് പേർക്ക് പരിക്കേറ്റു. തകർന്ന ഭാഗം താഴെ ഇറക്കാന് ആർക്കിയോളജിക്കൽ സർവേ ഓഫ് ഇന്ത്യയ്ക്ക് (എഎസ്ഐ) കത്തെഴുതുമെന്ന് ജുമാ മസ്ജിദിലെ ഷാഹി ഇമാം സയ്യിദ് അഹമ്മദ് ബുഖാരി വ്യക്തമാക്കി.
ജുമാമസ്ജിദിന്റെ മൂന്ന് താഴികക്കുടങ്ങളില് നടുവിലെ താഴികക്കുടത്തിന്റെ മുകളിലെ പിച്ചള ലോഹം പൊട്ടി താഴെ വീണിട്ടുണ്ട്. ഒരു ഭാഗം ഇപ്പോഴും മുകളില് കുടുങ്ങി കിടക്കുകയാണ്. ഇത് താഴെ ഇറക്കിയില്ലെങ്കില് അപകടത്തിന് ഇടയാക്കും. ഒരു മിനാരത്തില് നിന്നും പള്ളിയുടെ മറ്റ് ഭാഗങ്ങളില് നിന്നും കല്ലുകള് അടര്ന്ന് വീണ് രണ്ട് പേര്ക്ക് പരിക്കേറ്റതായും ജുമാ മസ്ജിദ് ഷാഹി ഇമാം സയ്യിദ് അഹമ്മദ് ബുഖാരി വ്യക്തമാക്കി. ജുമാ മസ്ജിദ് പരിശോധിച്ച് നാശനഷ്ടങ്ങള് വിലയിരുത്താന് ഒരു സംഘത്തെ അയച്ചിട്ടുണ്ടെന്ന് ഡല്ഹി വഖഫ് ബോര്ഡ് അധികൃതര് അറിയിച്ചിട്ടുണ്ട്.
വിജയ് ചൗക്കിലെ ട്രാഫിക് കൂടാരവും മഴയിൽ മറിഞ്ഞുവീണു. ശക്തമായ കാറ്റും ആലിപ്പഴ വർഷവും ചിലയിടങ്ങളിൽ നിരവധി വാഹനങ്ങള് കേടുപാടുകൾ വരുത്തി. മരങ്ങള് കടപുഴകി വീണത് ഗതാഗതം സ്തംഭിക്കാനും ഡെൽഹിയുടെ വിവിധ ഭാഗങ്ങളിലും സമീപ പ്രദേശങ്ങളിലും വൈദ്യുതി മുടക്കത്തിനും കാരണമായി. മഴയെത്തുടർന്ന് തലസ്ഥാനത്തെ പലയിടത്തും വെള്ളക്കെട്ട് രൂപപ്പെട്ടു. കാലാവസ്ഥാ വ്യതിയാനത്തെ തുടർന്ന് വിമാനങ്ങൾ വഴിതിരിച്ചുവിടേണ്ടിയും വന്നിട്ടുണ്ട്.
Middle dome finial broke into 3 parts, 2 fell down, one is still stuck. If not brought down & it falls, it'll damage the wall before it. I'm writing to ASI DG to bring down the damaged portion. Falling stones injured 2-3 people: Syed Ahmed Bukhari, Shahi Imam, Delhi's Jama Masjid pic.twitter.com/R6aiw1qte1
— ANI (@ANI) May 30, 2022
മഴയെ തുടർന്ന് മരങ്ങൾ വീണതുമായി ബന്ധപ്പെട്ട് രാത്രി 8 മണി വരെ 294 കോളുകൾ ലഭിച്ചതായി ഡൽഹി പോലീസ് അറിയിച്ചു.വെസ്റ്റ് ഡൽഹിയിലെ ബിജെപി എംപി പർവേഷ് സാഹിബ് സിംഗ് വർമയുടെ ഔദ്യോഗിക വസതിയിൽ പാർക്ക് ചെയ്തിരുന്ന വാഹനത്തിന് മുകളിൽ മരത്തിന്റെ ശിഖരങ്ങൾ വീണ് അദ്ദേഹത്തിന്റെ കാറിനും കേടുപാടുകൾ സംഭവിച്ചു.
തലസ്ഥാനത്തെ കബൂട്ടാർ മാർക്കറ്റ് ഏരിയയിൽ ആലിപ്പഴ വർഷത്തെ തുടർന്ന് മരത്തിനടിയിൽ കുടുങ്ങിയ കാറിൽ നിന്ന് ഒരു കുട്ടിയുൾപ്പെടെ മൂന്നംഗ കുടുംബത്തെ രക്ഷിച്ചതായും പൊലീസ് അറിയിച്ചു.
തിങ്കളാഴ്ച ഉച്ചയോടെ ദേശീയ തലസ്ഥാനത്ത് ഉണ്ടായ കനത്ത മഴയെതുടർന്ന് ഡൽഹി വിമാനത്താവളത്തിൽ കുറഞ്ഞത് അഞ്ച് വിമാനങ്ങളെങ്കിലും വഴിതിരിച്ചുവിടുകയും 70 വിമാനങ്ങൾ വൈകുകയും ചെയ്തതായി അധികൃതർ അറിയിച്ചു. തിങ്കളാഴ്ച വൈകുന്നേരത്തോടെ ശക്തമായ കാറ്റിന്റെയും ഇടിയുടെയും അകമ്പടിയോടെ പെയ്ത മഴയാണ് ഡൽഹി എൻസിആറിൽ, പ്രത്യേകിച്ച് മധ്യ, തെക്കൻ ഡൽഹിയിൽ നാശം വിതച്ചത്.
-
സ്വര്ണം 'പറ്റിക്കല്' തുടരുന്നു.. ഇന്ന് വീണ്ടും വില കൂടി, തിരികെ കയറി തുടങ്ങിയോ? ഗ്രാം, പവന് വില അറിയാം -
മഞ്ജു വാര്യർ പറയുന്നു, 'സ്ഥാനാർത്ഥിത്വം വാഗ്ദാനം ചെയ്ത് വന്നിട്ടുണ്ട്',ഇനി രാഷ്ട്രീയത്തിലേക്കോ?മറുപടി -
'വിനീതാണ് അമ്മയ്ക്ക് മൊബൈൽ ഫോൺ വാങ്ങിച്ചു കൊടുത്തത്, അത് എനിക്ക് പാരയായി';എം മോഹനൻ്റെ കുറിപ്പ് -
ശനിയും സൂര്യനും ഒന്നിക്കുന്നു; ഈ നക്ഷത്രക്കാരുടെ ഭാഗ്യം തെളിയും, കടം കൊടുത്ത പണം കിട്ടും, പ്രണയം പൂവണിയും! -
ആഗ്രഹിക്കുന്നതെല്ലാം നടക്കും... ഈ രാശിക്കാരുടെ ശുക്രനുദിച്ചു, നിങ്ങളുമുണ്ടോ? -
'പക്വത ഇല്ല,ഭർത്താവിനുള്ള പിന്തുണ തനിക്കും കിട്ടുമെന്ന തെറ്റിധാരണ,ആര്യ രാജേന്ദ്രന് വിനയായത് ഇതൊക്കെ' -
വീണ്ടും ലോക്ക്ഡൗണോ? വ്യക്തത വരുത്തി കേന്ദ്ര സര്ക്കാര്, എന്തും നേരിടാന് സജ്ജം -
യുഎഇയിൽ വ്യാപകമായ മഴ, കൂട്ടിന് ഇടിമിന്നലും ശക്തമായ കാറ്റും; കാരണം ന്യൂനമർദ്ദം, ഡ്രൈവർമാർ ജാഗ്രത! -
10 എണ്ണ ടാങ്കറുകൾ ഹോർമുസ് വഴി കടത്തിവിട്ടു; ഇറാൻ്റെ 'രഹസ്യ സമ്മാനം',വെളിപ്പെടുത്തി ട്രംപ് -
എല്ലാ ആഴ്ചയിലും ഒരു ഗ്രാം പൊന്ന്! കൊച്ചിക്കാരെ പോലെ സ്വര്ണം വാങ്ങി നോക്കിയാലോ? -
പെന്ഷന് 25740 രൂപയായി വര്ധിക്കും? 186% വര്ധനവ്, ശമ്പള കമ്മീഷന് ശുപാര്ശ ഇങ്ങനെയോ? -
കൊടുവള്ളിയിൽ പികെ ഫിറോസിന് കാര്യങ്ങൾ എളുപ്പമാവില്ല; സലീം മടവൂർ തിളങ്ങുമോ? 13 സ്ഥാനാർത്ഥികൾ രംഗത്ത്
Click it and Unblock the Notifications
Sign in with Google