Click it and Unblock the Notifications
Just In
Don't Miss
-
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
ജയയ്‌ക്കെതിരെ ഡിഎംകെ സുപ്രീംകോടതിയിലേക്ക്; അപ്പീല്‍ വേണ്ടെന്ന് കോണ്‍ഗ്രസ്
ചെന്നൈ: അനധികൃത സ്വത്ത് സമ്പാദനക്കേസില്‍ കര്‍ണാടക ഹൈക്കോടതി കുറ്റവിമുക്തയാക്കിയ ജയലളിതയ്‌ക്കെതിരെ സുപ്രീംകോടതിയില്‍ അപ്പീല്‍ നല്‍കാന്‍ ഡിഎംകെ തീരുമാനിച്ചു. കേസില്‍ ഇടപെടാന്‍ ഡിഎംകെയ്ക്ക് അവകാശമുണ്ടെന്ന് സുപ്രീം കോടതി നേരത്തെ തന്നെ ചൂണ്ടിക്കാട്ടിയതാണെന്ന് ഡിഎംകെ പ്രസിഡന്റ് എം കരുണാനിധി പറഞ്ഞു.
66.66 കോടി രൂപ അനധികൃതമായി സമ്പാദിച്ച ജയലളിതയ്ക്ക് അനുകൂലമായി ഹൈക്കോടതി വിധി വന്നത് അംഗീകരിക്കാന്‍ ഡിഎംകെയ്ക്ക ബുദ്ധിമുട്ടുണ്ട്. എത്രയുംവേഗം ഇക്കാര്യത്തില്‍ സുപ്രീംകോടതിയില്‍ അപ്പീല്‍ നല്‍കാനാണ് തീരുമാനമെന്നും അദ്ദേഹം പറഞ്ഞു. 2014 സപ്തംബര്‍ 27ന് ബെംഗളുരുവിലെ വിചാരണക്കോടതി നാലുവര്‍ഷം തടവുശിക്ഷയും 100 കോടി രൂപ പിഴയും വിധിച്ച കേസിലാണ് ഈ മാസം ആദ്യം ജയലളിതയെ ഹൈക്കോടതി കുറ്റവിമുക്തയാക്കിയത്.
കുറ്റവിമുക്തയായതിന് പിന്നാലെ നേരത്തെ നഷ്ടപ്പെട്ട തമിഴ്‌നാട് മുഖ്യമന്ത്രി സ്ഥാനത്തേക്ക് തിരിച്ചുകയറുകയും ചെയ്തു. എന്നാല്‍ കര്‍ണാടകത്തിലെ കോണ്‍ഗ്രസ് സര്‍ക്കാരിന് ജയലളിതയ്‌ക്കെതിരെ അപ്പീല്‍ നല്‍കുന്നതിനോട് താത്പര്യമില്ല. ഇക്കാര്യത്തില്‍ കര്‍ണാടക സര്‍ക്കാരില്‍ ഡിഎംകെ സമ്മര്‍ദ്ദം ചെലുത്താനും തീരുമാനിച്ചിട്ടുണ്ട്.
കര്‍ണാടക പ്രദേശ് കോണ്‍ഗ്‌സ് കമ്മറ്റി ജയലളിതയ്‌ക്കെതിരെ അപ്പീല്‍ നല്‍കരുതെന്നാണ് സര്‍ക്കാരിനോട് ആവശ്യപ്പെട്ടിരിക്കുന്നത്. നേരത്തെ തന്നെ കേസില്‍ സര്‍ക്കാരിന് താത്പര്യമില്ലെന്ന് കോടതിയെ അറിയിച്ചതാണെന്നും ആയതിനാല്‍ അപ്പീല്‍ നല്‍കിയാല്‍ അത് കോടതി അലക്ഷ്യമാകുമെന്നുമാണ് കോണ്‍ഗ്രസ് വാദം. എന്നാല്‍, ഒരു വര്‍ഷത്തിനുള്ളില്‍ തമിഴ് നാട്ടില്‍ നടക്കാനിരിക്കുന്ന നിയമസഭാ തെരഞ്ഞെടുപ്പും നരേന്ദ്ര മോദി ജയലളിതയോട് കാട്ടുന്ന അടുപ്പവുമാണ് കോണ്‍ഗ്രസിനെ ജയയ്ക്ക് അനുകൂലമായി ചിന്തിപ്പിക്കാന്‍ പ്രേരിപ്പിക്കുന്നതെന്ന് രാഷ്ട്രീയ നിരീക്ഷകര്‍ കരുതുന്നു.
