കുല്ഭൂഷന്റെ അമ്മയെയും ഭാര്യയെയും വിധവകളാക്കി ഇരുത്തി; സിന്ദൂരം മായ്ച്ചു, താലി ഊരിവാങ്ങി
ദില്ലി: പകിസ്താന് ജയിലില് കഴിയുന്ന കുല്ഭൂഷന് ജാദവിന്റെ അമ്മയോടും ഭാര്യയോടും പാകിസ്താന് മോശമായി പെരുമാറിയെന്ന് വിദേശകാര്യമന്ത്രി സുഷമ സ്വരാജ്. ഇരുവരെയും വിധവകളുടെ രൂപത്തില് കുല്ഭൂഷന് മുമ്പില് ഇരുത്താനാണ് പാകിസ്താന് ശ്രമിച്ചത്. അവരുടെ താലിമാല ഊരിവാങ്ങിയ ജയില് അധികൃതര് സിന്ദൂരം മായ്ക്കാനും നിര്ദേശിച്ചുവെന്നും സുഷമ സ്വരാജ് രാജ്യസഭയില് പറഞ്ഞു.
ജാധവിന്റെ അമ്മയും ഭാര്യയും പാകിസ്താനിലെത്തിയപ്പോള് നേരിട്ട അനുഭവങ്ങള് സംബന്ധിച്ച് വിശദമായ റിപ്പോര്ട്ടാണ് സുഷമ രാജ്യസഭയിലും ലോക്സഭയിലും സമര്പ്പിച്ചത്. മനപ്പൂര്വമാണ് പാകിസ്താന് മോശമായി പെരുമാറിയത്. പാകിസ്താന്റെ പല പെരുമാറ്റങ്ങളും പരിധി ലംഘിക്കുന്നതായിരുന്നുവെന്നും സുഷമ പറഞ്ഞു.
നിശിതമായി വിമര്ശിച്ചു
ജാധവിന്റെ ഭാര്യ ചേത്നകുലിന്റെ പാദുകത്തില് ചിപ്പ് ഘടിപ്പിച്ചിരുന്നുവെന്ന പാകിസ്താന്റെ ആരോപണം സുഷമ നിശിതമായി വിമര്ശിച്ചു. ബോംബ് ഘടിപ്പിച്ചിരുന്നുവെന്ന് പാകിസ്താന് പറയാതിരുന്നത് നന്നായി എന്നും അക്കാര്യത്തില് ദൈവത്തിന് നന്ദിയുണ്ടെന്നും സുഷമ പറഞ്ഞു.
രാവിലെയും താന് സംസാരിച്ചു
ജാധവിന്റെ അമ്മ അവന്തി ജാധവും ഭാര്യ ചേത്നകുലും ക്രിസ്മസ് ദിനത്തിലാണ് പാകിസ്താന് ജയിലിലെത്തി മകനെ കണ്ടത്. ജാധവിന്റെ അമ്മയുമായി ഇന്ന് രാവിലെയും താന് സംസാരിച്ചുവെന്ന് സുഷമ രാജ്യസഭയില് വിശദീകരിച്ചു. കരഞ്ഞുകൊണ്ടാണ് അവര് എന്നോട് കാര്യങ്ങള് പറഞ്ഞത്. താലിമാലയും സിന്ദൂരവും ഒഴിവാക്കാന് ജയില് അധികൃതര് ആവശ്യപ്പെട്ടു. ഇക്കാര്യം നിരസിച്ചപ്പോള് ജയില് ഉദ്യോഗസ്ഥര് നിര്ബന്ധിച്ചുവെന്നും സുഷമ സഭയെ അറിയിച്ചു.
സിന്ദൂരമില്ലാതെ കണ്ടപ്പോള്
സിന്ദൂരമില്ലാതെ കണ്ടപ്പോള് അച്ഛന് എന്തുപറ്റി എന്നാണ് ആദ്യം ജാധവ് അവന്തിയോട് ചോദിച്ചത്. സന്ദര്ശനം രാഷ്ട്രീയ ഉപകരണമായി മാറ്റുകയാണ് പാകിസ്താന്. സാരി മാത്രമാണ് അവന്തി ധരിക്കാറ്. അത് മാറ്റി നിര്ബന്ധിച്ച് സല്വാര് അണിയിച്ചു. ഇതെല്ലാം അവരെ അപമാനിക്കുന്നതാണെന്നും സുഷമ പറഞ്ഞു.
കള്ളം പ്രചരിപ്പിക്കുകയാണ്
രണ്ട് അന്താരാഷ്ട്ര വിമാനങ്ങള് കയറിയാണ് ജാധവിന്റെ അമ്മയും ഭാര്യയും പാകിസ്താനിലെത്തിയത്. ആ വേളയിലൊന്നും പാദുകത്തില് ചിപ്പുള്ളതായി കണ്ടിട്ടില്ല. പിന്നെ എന്തിനാണ് സംശയം തോന്നി ഇരുവരുടെയും ചെരുപ്പ് അഴിപ്പിച്ചതെന്നും സുഷമ ചോദിച്ചു. പാകിസ്താന് കള്ളം പ്രചരിപ്പിക്കുകയാണ്. ക്രൂരമായിരുന്നു പാകിസ്താന്റെ പ്രതികരണമെന്നും സുഷമ പറഞ്ഞു.
-
സ്വര്ണം 'പറ്റിക്കല്' തുടരുന്നു.. ഇന്ന് വീണ്ടും വില കൂടി, തിരികെ കയറി തുടങ്ങിയോ? ഗ്രാം, പവന് വില അറിയാം -
മഞ്ജു വാര്യർ പറയുന്നു, 'സ്ഥാനാർത്ഥിത്വം വാഗ്ദാനം ചെയ്ത് വന്നിട്ടുണ്ട്',ഇനി രാഷ്ട്രീയത്തിലേക്കോ?മറുപടി -
'വിനീതാണ് അമ്മയ്ക്ക് മൊബൈൽ ഫോൺ വാങ്ങിച്ചു കൊടുത്തത്, അത് എനിക്ക് പാരയായി';എം മോഹനൻ്റെ കുറിപ്പ് -
ശനിയും സൂര്യനും ഒന്നിക്കുന്നു; ഈ നക്ഷത്രക്കാരുടെ ഭാഗ്യം തെളിയും, കടം കൊടുത്ത പണം കിട്ടും, പ്രണയം പൂവണിയും! -
ആഗ്രഹിക്കുന്നതെല്ലാം നടക്കും... ഈ രാശിക്കാരുടെ ശുക്രനുദിച്ചു, നിങ്ങളുമുണ്ടോ? -
'പക്വത ഇല്ല,ഭർത്താവിനുള്ള പിന്തുണ തനിക്കും കിട്ടുമെന്ന തെറ്റിധാരണ,ആര്യ രാജേന്ദ്രന് വിനയായത് ഇതൊക്കെ' -
വീണ്ടും ലോക്ക്ഡൗണോ? വ്യക്തത വരുത്തി കേന്ദ്ര സര്ക്കാര്, എന്തും നേരിടാന് സജ്ജം -
യുഎഇയിൽ വ്യാപകമായ മഴ, കൂട്ടിന് ഇടിമിന്നലും ശക്തമായ കാറ്റും; കാരണം ന്യൂനമർദ്ദം, ഡ്രൈവർമാർ ജാഗ്രത! -
10 എണ്ണ ടാങ്കറുകൾ ഹോർമുസ് വഴി കടത്തിവിട്ടു; ഇറാൻ്റെ 'രഹസ്യ സമ്മാനം',വെളിപ്പെടുത്തി ട്രംപ് -
എല്ലാ ആഴ്ചയിലും ഒരു ഗ്രാം പൊന്ന്! കൊച്ചിക്കാരെ പോലെ സ്വര്ണം വാങ്ങി നോക്കിയാലോ? -
പെന്ഷന് 25740 രൂപയായി വര്ധിക്കും? 186% വര്ധനവ്, ശമ്പള കമ്മീഷന് ശുപാര്ശ ഇങ്ങനെയോ? -
കൊടുവള്ളിയിൽ പികെ ഫിറോസിന് കാര്യങ്ങൾ എളുപ്പമാവില്ല; സലീം മടവൂർ തിളങ്ങുമോ? 13 സ്ഥാനാർത്ഥികൾ രംഗത്ത്
Click it and Unblock the Notifications
Sign in with Google