ചെന്നെെ കവരൈപ്പേട്ടയില് ചരക്കുട്രെയിനുമായി പാസഞ്ചര് കൂട്ടിയിടിച്ചു; കോച്ചുകള്ക്ക് തീപ്പിടിച്ചു
ചെന്നൈ: തമിഴ്നാട്ടില് ട്രെയിനുകള് പാളം തെറ്റി അപകടം. ചെന്നൈ കവരൈപേട്ടയില് മൈസൂര്-ദര്ബംഗ ട്രെയിന് നിര്ത്തിയിട്ട ചരക്കുട്രെയിനുമായി കൂട്ടിയിടിച്ചാണ് അപകടമുണ്ടായത്. ഇടിയുടെ ആഘാതത്തില് 13 കോച്ചുകളാണ് പാളം തെറ്റിയത്. മൂന്ന് കോച്ചുകള്ക്ക് തീപ്പിടിച്ചു. അതേസമയം അപകടത്തില് നിരവധി പേര്ക്ക് പരുക്കേറ്റിട്ടുണ്ട്. ഇവരെ ആശുപത്രിയിലേക്ക് മാറ്റിയിട്ടുണ്ട്.
ആരുടെയും നില ഗുരുതരമല്ലെന്നാണ് പ്രാഥമിക നിഗമനം. അതേസമയം എന്ഡിആര്എഫ് സംഘം അപകട സ്ഥലത്തെത്തിയിട്ടുണ്ട്. കൂടുതല് ആംബുലന്സുകളും അപകടത്തിലേക്ക് എത്തിച്ചിട്ടുണ്ട്. റെയില്വേ അപകടത്തില് അന്വേഷണം പ്രഖ്യാപിച്ചു. അപകടത്തെ തുടര്ന്ന് ചെന്നൈ-വിജയാഡ റൂട്ടില് ട്രെയിന് ഗതാഗതം നിര്ത്തിവെച്ചിരിക്കുകയാണ്.
രക്ഷാപ്രവര്ത്തനം റെയില്വേ അധികൃതര് ഏകോപിപ്പിക്കുന്നുണ്ട്. ട്രെയിന് സര്വീസുകള് സാധാരണ ഗതിയിലാക്കാനും ഇവര് ശ്രമിക്കുന്നുണ്ട്. കൂടുതല് വിവരങ്ങള് വൈകാതെ കൈമാറുമെന്നും അധികൃതര് അറിയിച്ചിട്ടുണ്ട്.
അതേസമയം ട്രെയിനിലെ പാര്സല് വാനിനും തീപ്പിടിച്ചതായി റെയില്വേയുമായി അടുത്ത വൃത്തങ്ങള് അറിയിച്ചു. പരുക്കേറ്റ പത്ത് യാത്രക്കാരെ അടുത്തുള്ള ആശുപത്രിയിലേക്ക് മാറ്റിയിട്ടുണ്ട്. വെള്ളിയാഴ്ച്ച രാത്രി 8.30ഓടെയാണ് അപകടമുണ്ടായത്. കവരൈപ്പേട്ട സ്റ്റേഷനിലേക്ക് എത്തിയതിന് പിന്നാലെ എക്സ്പ്രസ് ട്രെയിനില് വലിയ കുലുക്കം അനുഭവപ്പെട്ടുവെന്നാണ് റിപ്പോര്ട്ട്.
സിഗ്നല് ലഭിച്ചത് പ്രകാരം മെയിന് ലൈനിലൂടെയായിരുന്നു ഈ ട്രെയിന് സഞ്ചരിക്കേണ്ടിയിരുന്നത്. എന്നാല് ലൂപ്പ് ലൈനിലൂടെയാണ് ഈ ട്രെയിന് പ്രവേശിച്ചത്. മണിക്കൂറില് 75 കിലോമീറ്റര് വേഗത്തിലാണ് ഈ സമയം ട്രെയിന് സഞ്ചരിച്ചിരുന്നത്. ഇത് നിര്ത്തിയിട്ടിരുന്ന ഗുഡ്സ് ട്രെയിനില് വന്നിടിക്കുകയായിരുന്നു.
ട്രെയിനിലെ 95 ശതമാനം യാത്രക്കാരെയും രക്ഷപ്പെടുത്തിയതായി റെയില്വേ എക്സിക്യൂട്ടീവ് ഡയറക്ടര് ദിലീപ് കുമാര് പറഞ്ഞു. ഇതുവരെ മരണങ്ങളൊന്നും രേഖപ്പെടുത്തിയിട്ടില്ല. ആര്ക്കും ഗുരുതര പരുക്കില്ലെന്നും അദ്ദേഹം പറഞ്ഞു.
സതേണ് റെയില്വേയുടെ ജനറല് മാനേജറും, ചെന്നൈ ഡിവിഷനിലെ ഡിവിഷനല് റെയില്വേ മാനേജരും സ്ഥലത്തെത്തിയിട്ടുണ്ട്. ട്രെയിനിലെ യാത്രക്കാരെല്ലാം കൃത്യ സ്ഥലത്ത് എത്തുമെന്ന് ഉറപ്പാക്കും. ട്രെയിനിലെ ഗാര്ഡും ക്രൂവും സുരക്ഷിതരാണെന്നും അദ്ദേഹം വ്യക്തമാക്കി.
-
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
'സ്വർണം വാങ്ങാനിരിക്കുന്നവർക്ക് സന്തോഷം തന്നെ';പക്ഷെ നട്ടം തിരിഞ്ഞ് ജ്വല്ലറിക്കാർ..ഇനിയെന്ത്? -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
സ്വര്ണവില കേട്ടതുപോലെ അല്ല; വാങ്ങാന് ചെന്നപ്പോള് മറ്റൊന്ന്, ഇതെന്ത് മറിമായം, 4 തവണ മാറി -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ
Click it and Unblock the Notifications
Sign in with Google