മുഖ്യമന്ത്രി സ്ഥാനം നഷ്ടപ്പെട്ടത് മൂന്ന് തവണ; ആരാണ് മല്ലികാര്ജുന് ഖാര്ഗെ?
ന്യൂദല്ഹി: കോണ്ഗ്രസ് അധ്യക്ഷ സ്ഥാനത്തേക്കുള്ള തെരഞ്ഞെടുപ്പിനായി ശശി തരൂരും മല്ലികാര്ജുന് ഖാര്ഗെയും നാമനിര്ദേശ പത്രിക സമര്പ്പിച്ചതോടെ മത്സരത്തിന്റെ ചിത്രം തെളിഞ്ഞിരിക്കുകയാണ്. ഹൈക്കമാന്റിന്റെ പരോക്ഷ പിന്തുണയും കോണ്ഗ്രസിലെ വിമത ഗ്രൂപ്പായ ജി 23 യുടെ പിന്തുണയും ലഭിച്ചതോടെ മല്ലികാര്ജുന് ഖാര്ഗെ പോരാട്ടത്തില് മുന്നോട്ട് വന്നിരിക്കുകയാണ്.
മൂന്ന് തവണ കപ്പിനും ചുണ്ടിനുമിടയില് കര്ണാടക മുഖ്യമന്ത്രി സ്ഥാനം നഷ്ടപ്പെട്ട മല്ലികാര്ജുന് ഖാര്ഗെ ഇത്തവണ കോണ്ഗ്രസിന്റെ ഏറ്റവും ഉന്നത സ്ഥാനത്തേക്ക് എത്തുമോ എന്നാണ് എല്ലാവരും ഉറ്റുനോക്കുന്നത്. 1999, 2004, 2013 വര്ഷങ്ങളില് കര്ണാടക മുഖ്യമന്ത്രി സ്ഥാനം ഖാര്ഗെയ്ക്ക് നഷ്ടമായിരുന്നു. യഥാക്രമം എസ് എം കൃഷ്ണ, ധരം സിംഗ്, സിദ്ധരാമയ്യ എന്നിവരായിരുന്നു മല്ലികാര്ജുന് ഖാര്ഗെയ്ക്ക് പകരം മുഖ്യമന്ത്രിയായത്.
വിദ്യാര്ത്ഥി രാഷ്ട്രീയത്തിലൂടെ കോണ്ഗ്രസില് സജീവമായ 80 കാരനായ മല്ലികാര്ജുന് ഖാര്ഗെ ഒമ്പത് തവണ എം എല് എയായിരുന്നു. നിലവില് കോണ്ഗ്രസിലെ ഏറ്റവും പ്രധാനപ്പെട്ട ദളിത് മുഖവുമാണ് മല്ലികാര്ജുന് ഖാര്ഗെ. ലോക്സഭയിലും രാജ്യസഭയിലും കോണ്ഗ്രസിനെ പ്രതിനിധീകരിച്ച് മല്ലികാര്ജുന് ഖാര്ഗെ എത്തിയിരുന്നു.
ഒക്ടോബര് 19 നാണ് പുതിയ കോണ്ഗ്രസ് അധ്യക്ഷന് ആരാണ് എന്ന് വ്യക്തമാവുക. മല്ലികാര്ജുന് ഖാര്ഗെ ജയിക്കുകയാണ് എങ്കില് സ്വാതന്ത്ര്യാനന്തരം കോണ്ഗ്രസ് പ്രസിഡന്റാകുന്ന ആറാമത്തെ ദക്ഷിണേന്ത്യന് നേതാവായി മാറും. ബി പട്ടാഭി സീതാരാമയ്യ, എന് സഞ്ജീവ റെഡ്ഡി, കെ കാമരാജ്, എസ് നിജലിംഗപ്പ, പി വി നരസിംഹ റാവു എന്നിവരാണ് മറ്റുള്ളവര്.
കൂടാതെ രണ്ടര പതിറ്റാണ്ടിന് ശേഷം ഗാന്ധി കുടുംബത്തിന് പുറത്ത് പാര്ട്ടിയെ നയിക്കുന്ന ആദ്യ വ്യക്തിയായും മല്ലികാര്ജുന് ഖാര്ഗെ മാറും. 1969-ല് തന്റെ ജന്മനാടായ ഗുല്ബര്ഗയിലെ സിറ്റി കോണ്ഗ്രസ് പ്രസിഡന്റായി നിയമിതനായതു മുതലാണ് ഖാര്ഗെ നേതൃസ്ഥാനത്തേക്ക് എത്തുന്നത്. 1972-ല് ആണ് ആദ്യമായി നിയമസഭാ തിരഞ്ഞെടുപ്പില് മത്സരിച്ചത്. 1976-ല് ദേവരാജ് ഉര്സ് സര്ക്കാരില് ആദ്യമായി മന്ത്രിയായി.
1980 ല് ഗുണ്ടു റാവു സര്ക്കാര്, 1990-ല് എസ് ബംഗാരപ്പ സര്ക്കാര്, 1992 മുതല് 1994 വരെ എം വീരപ്പ മൊയ്ലി സര്ക്കാര് എന്നിവയില് മന്ത്രിയായി. 1996-99-ല് പ്രതിപക്ഷ നേതാവായിരുന്നു. ദേശീയ രാഷ്ട്രീയത്തിലേക്ക് കളം മാറ്റുന്നതിന് മുന്പ് 2005-08 ല് സംസ്ഥാന കോണ്ഗ്രസ് അധ്യക്ഷനുമായിരുന്നു. പിന്നീട് 2004 ലെ ആദ്യ മന്മോഹന്സിംഗ് സര്ക്കാരില് തൊഴില് മന്ത്രിയായി.
തുടര്ന്ന് റെയില്വേ, സാമൂഹിക നീതി, ശാക്തീകരണം എന്നിവയുടെ ചുമതലയും നല്കി. 2014 ല് കോണ്ഗ്രസ് നാണംകെട്ട തോല്വി ഏറ്റുവാങ്ങുകയും ലോക്സഭയില് കേവലം 44 അംഗങ്ങളായി ചുരുങ്ങുകയും ചെയ്തതോടെ മല്ലികാര്ജുന് ഖാര്ഗെ ലോക്സഭയിലെ കോണ്ഗ്രസിന്റെ നിയമസഭാ കക്ഷി നേതാവായി.
2019-ല്, തന്റെ തിരഞ്ഞെടുപ്പ് ജീവിതത്തില് ആദ്യമായി, ഖാര്ഗെ പരാജയം രുചിച്ചു. എന്നാല് അപ്പോഴേക്കും ഹൈക്കമാന്റിന്റെ പ്രീതി പിടിച്ച് പറ്റിയ വിശ്വസ്തനായ ഖാര്ഗെയെ കോണ്ഗ്രസ് രാജ്യസഭയിലെത്തിച്ചു. 2021 ഫെബ്രുവരിയില് അദ്ദേഹത്തെ രാജ്യസഭയിലെ പ്രതിപക്ഷ നേതാവാക്കി. പൊതുവെ സൗമ്യനും മൃദുഭാഷിയുമാണ് മല്ലികാര്ജുന് ഖാര്ഗെ. ഗുല്ബര്ഗ ജില്ലയിലെ വാര്വാട്ടിയിലെ ഒരു ദരിദ്രകുടുംബത്തിലാണ് ജനനം. ബിഎയും നിയമവും പഠിച്ചു.
-
പത്തനംതിട്ടയിൽ അഞ്ചിടത്തും പഞ്ചതന്ത്രം പയറ്റി മുന്നണികൾ -
‘ഒന്ന് മാറിത്തന്നൂടെ...’- ഇനി അപരന്മാർക്ക് ഡിമാന്റുള്ള രണ്ടുനാൾ -
രാജീവ് ഗാന്ധിയുടെ സോറി- ‘ഡീൽ’ ആരോപണം ചൂടുപിടിക്കുമ്പോൾ മൂന്നര പതിറ്റാണ്ടിനിപ്പുറവും ലൈവായി ‘കോലീബി സഖ്യം’ -
ത്രികോണപ്പോര് മുറുകി തലസ്ഥാന ജില്ല, മൂന്ന് ഹോട്ട്സ്പോട്ടുകൾ -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
വി.എം. സുധീരനെ അപരൻ ‘തോൽപ്പിച്ചപ്പോൾ...’ -
‘ചാഞ്ചാട്ട’ മണ്ഡലങ്ങൾ പത്ത്- എൽഡിഎഫിന് ഏഴ്, യുഡിഎഫിന് മൂന്ന്, അഞ്ചിടത്ത് രണ്ടാമതെത്തിയത് എൻഡിഎ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
ആരും കേരളത്തിൽ സർക്കാരുണ്ടാക്കാം, നേരിയ മുൻതൂക്കം ഈ മുന്നണിക്ക്, വോട്ട് വൈബ് സര്വ്വേ ഫലം പറയുന്നത് -
യുവ മനസ്സുകളിലെന്താണ്? 2021ലെ വോട്ട് വിഹിതം വർധിപ്പിക്കാൻ ‘ജെൻ സി’യെ കയ്യിലെടുക്കാൻ മുന്നണികൾ -
സാങ്കേതിക പിഴവ്; ബിജെപി സീലിൽ വിശദീകരണവുമായി തിരഞ്ഞെടുപ്പ് കമ്മീഷൻ -
'പാലക്കാട് നേമം ആവർത്തിക്കാനുളള പുറപ്പാട്, ബിജെപിയെ നേരിടേണ്ടത് കോമഡി കൊണ്ടല്ല', രമേഷിനെതിരെ ഐസക്
Click it and Unblock the Notifications
Sign in with Google