ഭർത്താവിനെ കൊല്ലാൻ ക്വട്ടേഷൻ കൊടുത്ത ഭാര്യയെ കുടുക്കാൻ ഭർത്താവും പോലീസും കൊലയാളിയും ഒന്നിച്ചു
ഇനി പറയാന് പോകുന്നത് നിങ്ങള്ക്ക് കേട്ടാല് വിശ്വസിക്കാന് ബുദ്ധിമുട്ടുള്ള ഒരു കാര്യമാണ്. പക്ഷേ ഇത് യഥാര്ത്ഥത്തില് സംഭവിച്ച കാര്യമാണ്. തന്റെ ഭാര്യ തനിക്കെതിരെ നടത്തിയ ഗൂഢപദ്ധിതി തെളിയിക്കാന് ഒരു ഭര്ത്താവ് തന്റെ മരണം നാടകീയമായി സൃഷ്ടിച്ചു.
അദ്ദേഹത്തിന് എല്ലാ സഹായവും ചെയ്തത് നല്കിയത് പോലീസും. പോലീസും അദ്ദേഹവും ഒരുമിച്ച് കൈകോര്ത്ത് നടത്തിയ ഈ അന്വേഷണം ഒടുവില് എന്തായി എന്ന് അറിയണ്ടേ... വിശദമായി വായിക്കാം....
ആദ്യം ഭാര്യയായിരുന്നു ഇദ്ദേഹത്തിനെ കൊല്ലാന് പദ്ധതിയിട്ടത്. ഇതിന് വേണ്ടി ഇവര് ഒരു വാടകക്കൊലയാളിയേയും ഏര്പ്പാടാക്കി. ഇതിന് ശേഷമാണ് ട്വിസ്റ്റ് നടക്കുന്നത്. 2015 ല് മുന് പ്രോ ബോക്സര് ശവക്കുഴിക്കുള്ളില് കിടക്കുന്ന ഒരു വീഡിയോ വൈറല് ആയിരുന്നു. എന്നാല് അത് വ്യാജമായി ഉണ്ടാക്കി സംഭവമായിരുന്നു. കാരണം റാമോണെ കൊല്ലാന് പദ്ധതിയിട്ടിരുന്ന ഭാര്യ മരിയ 'ലുലു' സോസയെ റാമോൺ കൊല്ലപ്പെട്ടതായി വിശ്വസിപ്പിക്കാന് തയ്യാറാക്കിയ പദ്ധതി ആയിരുന്നു ആ മരണം...
റാമോണും ഭാര്യയും വിവാഹബന്ധം വേര്പെടുത്താന് ഒരുങ്ങിയസമയത്താണ് ഇത്തരത്തില് ഒരു വ്യാജമരണം പദ്ധതി ഇട്ടത്. ഇതിനെല്ലാം പിന്നില് റാമോണ് ആണെന്ന് കരുതരുത്. പോലീസ് ഉദ്യോഗസ്ഥരുടെ പദ്ധതി പ്രകരാമാണ് ഇത്തരത്തില് ഒരു വ്യാജമരണം ഉണ്ടാക്കിയത്.
ആദ്യം ഈ പദ്ധതി അംഗീകരിക്കാന് റോമോണിന് സംശയം ഉണ്ടായിരുന്നു. പോലീസുകാര് തന്നെ കളിയാക്കുന്നതാണോ എന്ന സംശയം റോമോണിന് വന്നു.
'അന്വേഷകര് പദ്ധതി എന്നോട് പറഞ്ഞപ്പോള്, എന്റെ ആദ്യത്തെ ചിന്ത, 'നിങ്ങള് എന്നെ കളിയാക്കുകയാണോ' എന്നായിരുന്നു. അവളെ അറസ്റ്റ് ചെയ്യാന് മതിയായ തെളിവുകള് അവരുടെ പക്കലുണ്ടെന്ന് ഞാന് കരുതി. അവര് എന്നോട് പറഞ്ഞു, 'അതെ, ഞങ്ങള്ക്ക് മതിയായ തെളിവുകള് ഉണ്ട്, പക്ഷേ അവള് ഒരു സുന്ദരിയായ സ്ത്രീയാണ്. അവള് രണ്ട് കുട്ടികളുടെ അമ്മയാണ്, കമ്മ്യൂണിറ്റിയിലെ അംഗമാണ്. വിചാരണയ്ക്ക് പോകാനും ജൂറിമാരില് ഒരാള് അവളോട് സഹതാപം പ്രകടിപ്പിക്കാനും ഞങ്ങള് ഒരു അവസരം എടുക്കാന് ആഗ്രഹിക്കുന്നില്ല.
നിങ്ങള് മരിച്ചുപോയതിന്റെ ഒരു ഫോട്ടോ അവളെ കാണിക്കാനും പ്രതികരണം നേടാനും അത് തെളിവായി ഉപയോഗിക്കാനും ഞങ്ങള് ആഗ്രഹിക്കുന്നു.' അങ്ങനെയാണ് ഭാര്യയെ തെളിവുകളോടെ പിടികൂടിയത്, ''റാമോണ് ഫോക്സ് ന്യൂസ് ഡിജിറ്റലിനോട് പറഞ്ഞു.
2007 ലാണ് താൻ ആദ്യമായി ഭാര്യയെ കണ്ടുമുട്ടിയതെന്നും താമസിയാതെ അവളെ വിവാഹം കഴിച്ചെന്നും പ്രോ ബോക്സറായിരുന്ന റാമോൺ പറഞ്ഞു. വിവാഹം കഴിഞ്ഞ് മൂന്ന് വർഷത്തിന് ശേഷമാണ് ലുലു അമേരിക്കൻ പൗരത്വം സ്വീകരിച്ചത്.
അപ്പോഴാണ് ലുലുവിന് തന്നോട് താൽപ്പര്യമില്ലെന്ന് രാമൻ വിശ്വസിക്കാൻ തുടങ്ങിയത്."എല്ലാം പെട്ടെന്ന് തകരുകയായിരുന്നു. വിവാഹമോചനം നേടുകയല്ലാതെ മറ്റൊരു മാർഗവുമില്ല," അദ്ദേഹം പറഞ്ഞു..
അമേരിക്കൻ പൗരത്വം ലഭിച്ചപ്പോൾ, അവൾ എന്നോട് സംസാരിക്കുന്നതും പെരുമാറുന്നതും ആയ രീതി മാറാൻ തുടങ്ങി. 'ഞാൻ ഇപ്പോൾ ഒരു അമേരിക്കാരിയാണ്. ഈ നാട്ടിൽ നിനക്കുള്ള എല്ലാ ഗുണങ്ങളും എനിക്കുണ്ട്.' അവൾ എന്നോട് പറഞ്ഞു.'അതിന്റെ അർത്ഥമെന്താണ്?' ഞാൻ മനസ്സിൽ ചിന്തിച്ചു, അത് ബുദ്ധിമുട്ടായിരുന്നു. ഞങ്ങളുടെ വിവാഹം തകരാതിരിക്കാൻ ഞാൻ ശ്രമിച്ചുകൊണ്ടിരുന്നു, "അദ്ദേഹം പറഞ്ഞു.
ഇതിന് പിന്നാലെ റാമോണിനെ കൊല്ലാൻ ഭാര്യ ഒരു വാടക കൊലയാളിയെ സമീപിച്ചു. എന്നാൽ അവിയെടാണ് മറ്റൊരു രസകരമായ വഴിത്തിരിവ് ഉണ്ടായത് ലുലു സമീപിച്ച വാടക കൊലയാളിയെ റാമോണിന് പരിചയമുണ്ടായിരുന്നു. ഇതോടെയാണ് സംഭവം പുറത്തറിയുന്നത്.
Click it and Unblock the Notifications
Sign in with Google