Click it and Unblock the Notifications
Just In
Don't Miss
-
മുക്ത എട്ടാം ക്ലാസില് പഠിക്കുമ്പോള് കള്ളം പറഞ്ഞാണ് സിനിമയില് അഭിനയിച്ചത്; സലിം കുമാര് -
സന്തോഷത്തിന്റെ വെള്ളിയാഴ്ച, ഓഹരി വിലയിൽ കുതിപ്പുമായി മോത്തിലാൽ ഓസ്വാൾ, കുതിപ്പിന്റെ കാരണം ഇതാണ് -
ADAS ദുരുപയോഗം ചെയ്യുന്നവര് ദേ കാണ്... മഹീന്ദ്ര XUV700 യാത്രക്കാരുടെ ജീവന് രക്ഷിച്ച് സേഫ്റ്റി ഫീച്ചര് -
IPL 2024: ലോകം മുഴുവന് കണ്ടു, കണ്ണടച്ച് അംപയര്! മുംബൈക്കു മാത്രമല്ല ചെന്നൈയ്ക്കും പിന്തുണ -
മോനേ... ജാഡ കാണിക്കാൻ ഇത്രേം പറ്റിയ ഐറ്റം വേറെയില്ല! ഐഫോൺ 15 പ്രോയ്ക്ക് ഡിസ്കൗണ്ട് -
ഇടുക്കി ഡാം സന്ദർശനം; പ്രവേശന നിയന്ത്രണം മുതൽ യാത്രയ്ക്കു മുൻപ് അറിയേണ്ട ആറു കാര്യങ്ങൾ -
രണ്ട് ശിവലിംഗങ്ങള്, രാവണനെ വധിച്ച പാപം തീര്ക്കാന് ശ്രീരാമന് ആരാധന നടത്തിയ ക്ഷേത്രം
ഉത്തര കൊറിയന്‍ മിസൈല്‍ ദക്ഷിണ കൊറിയയ്ക്ക് സമീപം പതിച്ചു, മറുപടി നല്‍കി ദക്ഷിണ കൊറിയയും
സിയോള്‍: ഇടവേളയ്ക്ക് ശേഷം ഉത്തര കൊറിയ-ദക്ഷിണ കൊറിയ ബന്ധം വഷളാകുന്നു. ബുധനാഴ്ച ഒരു ഉത്തര കൊറിയന്‍ ബാലിസ്റ്റിക് മിസൈല്‍ ദക്ഷിണ കൊറിയയുടെ തീരത്ത് നിന്ന് 60 കിലോമീറ്ററില്‍ താഴെയായി ലാന്‍ഡ് ചെയ്തിരുന്നു.
ഇതിന് പിന്നാലെ മറുപടിയെന്നോണം പ്രതിഷേധ സൂചകമായി മിസൈലുകള്‍ വിക്ഷേപിക്കാന്‍ ദക്ഷിണ കൊറിയയും ഒരുങ്ങി. മിസൈല്‍ ദക്ഷിണ കൊറിയയുടെ നോര്‍ത്തേണ്‍ ലിമിറ്റ് ലൈനിന് (NLL) തെക്ക് തര്‍ക്കപ്രദേശമായ അന്തര്‍-കൊറിയന്‍ സമുദ്രാതിര്‍ത്തിയില്‍ ആണ് പതിച്ചത് എന്നും ഇത് അധിനിവേശത്തിനുള്ള ശ്രമമാണ് എന്നും ദക്ഷിണ കൊറിയന്‍ പ്രസിഡന്റ് യൂന്‍ സുക്-യോള്‍ പ്രതികരിച്ചു.
1953 ലെ കൊറിയന്‍ യുദ്ധത്തിന് ശേഷം വിഭജിക്കപ്പെട്ടതിന് ശേഷം ആദ്യമായാണ് ഉത്തര കൊറിയന്‍ മിസൈല്‍ ദക്ഷിണ കൊറിയയ്ക്ക് സമീപം എത്തുന്നത് എന്നാണ് ദക്ഷിണ കൊറിയ പറയുന്നത്. മറുപടിയായി ദക്ഷിണ കൊറിയന്‍ യുദ്ധവിമാനങ്ങള്‍ മൂന്ന് എയര്‍ ടു ഗ്രൗണ്ട് മിസൈലുകള്‍ എന്‍ എല്‍ എല്ലിന് കുറുകെ കടലിലേക്ക് തൊടുത്തുവിട്ടതായി ദക്ഷിണ കൊറിയന്‍ സൈന്യം അറിയിച്ചു.
വോണ്‍സാനില്‍ നിന്ന് കടലിലേക്ക് തൊടുത്ത മൂന്ന് ഹ്രസ്വദൂര ബാലിസ്റ്റിക് മിസൈലുകളില്‍ ഒന്നാണ് ഉത്തരകൊറിയന്‍ ആയുധം എന്ന് ദക്ഷിണ കൊറിയയുടെ ജോയിന്റ് ചീഫ് ഓഫ് സ്റ്റാഫ് പറഞ്ഞു. ഉത്തര കൊറിയയുടെ കിഴക്ക്, പടിഞ്ഞാറന്‍ തീരങ്ങളില്‍ നിന്ന് വിവിധ തരത്തിലുള്ള 10 മിസൈലുകള്‍ തൊടുത്തുവിട്ടതായും അദ്ദേഹം കൂട്ടിച്ചേര്‍ത്തു.
ഈ വര്‍ഷം റെക്കോര്‍ഡ് എണ്ണം മിസൈലുകളാണ് ഉത്തര കൊറിയ പരീക്ഷിച്ചത്. കൂടാതെ 2017 ന് ശേഷം ആദ്യമായി ആണവായുധ പരീക്ഷണം നടത്താനുള്ള സാങ്കേതിക തയ്യാറെടുപ്പുകള്‍ ഉത്തര കൊറിയ പൂര്‍ത്തിയാക്കിയതായി സിയോളിലെയും വാഷിംഗ്ടണിലെയും ഉദ്യോഗസ്ഥര്‍ അറിയിക്കുന്നുണ്ട്.
എന്നാല്‍ സഖ്യകക്ഷികളുടെ അഭ്യാസങ്ങള്‍ക്കുള്ള മറുപടിയായാണ് വിക്ഷേപണങ്ങള്‍ എന്നാണ് ഉത്തര കൊറിയ പറയുന്നത്. ദിവസങ്ങള്‍ക്ക് മുന്‍പ് വിജിലന്റ് സ്റ്റോം എന്ന പേരില്‍ ദക്ഷിണ കൊറിയയും അമേരിക്കയും സംയുക്തമായി വ്യോമാഭ്യാസങ്ങള്‍ നടത്തിയിരുന്നു. ഇത് ഉത്തരകൊറിയയെ പ്രകോപിച്ചിരുന്നു.
