കാസർഗോഡ് പരിപൂർണ്ണ കൊവിഡ് മുക്തിയിലേക്ക്: രണ്ടു പേർക്ക് കൂടി രോഗം ഭേദമായി!! വരാനുള്ളത് കൂടുതൽ ഫലങ്ങൾ
കാസർഗോഡ് പരിപൂർണ്ണ കൊവിഡ് മുക്തിയിലേക്ക്: രണ്ടു പേർക്ക് കൂടി രോഗം ഭേദമായി!! വരാനുള്ളത് കൂടുതൽ പരിശോധനാ ഫലങ്ങൾ
കാഞ്ഞങ്ങാട്: നാൽപതു ദിവസത്തിലേറെയുള്ള പോരാട്ടത്തിൽ കാസർഗോഡ് പൂർണ്ണമായും കൊവിഡിനെ കീഴടക്കുന്നു. ജില്ലയില് കോവിഡ്-19 രോഗബാധിതരായി ചികിത്സയില് കഴിയുന്ന രണ്ടു പേർ വ്യാഴാഴ്ച്ച രോഗമുക്തരായി. അവശേഷിച്ച ഒരാളുടെ തുടര് സാമ്പിളുകളുടെ പരിശോധനാ ഫലം രണ്ടുദിവസത്തിനകം ലഭിക്കുമെന്നാണ് പ്രതീക്ഷ. ഇയാളുടെ ആരോഗ്യനില സാമാന്യം ഭേദപ്പെട്ടതിനാല് ഫലം നെഗറ്റീവാകുമെന്നാണ് ആരോഗ്യ വകുപ്പ് അധികൃതർ പ്രതീക്ഷിക്കുന്നത്.
ഇവര് കൂടി ആശുപത്രി വിടുന്നതോടെ ജില്ല പൂര്ണമായും കോവിഡ് മുക്തമാകും. ജില്ലയില് ആകെ രോഗബാധിതരായ 178 പേരില് 175 പേരും ഇതിനകം രോഗമുക്തരായി ആശുപത്രി വിട്ടു. രോഗബാധിതരുമായി സമ്പര്ക്കമുണ്ടായതിനെ തുടര്ന്ന് ജില്ലയില് നിരീക്ഷണത്തില് കഴിയുന്നവരുടെ എണ്ണം 920 ആയി കുറഞ്ഞു. വീടുകളില് 901 പേരും ആശുപത്രികളില് 19 പേരുമാണ് നിരീക്ഷണത്തിലുള്ളതെന്ന് ജില്ലാ മെഡിക്കല് ഓഫീസര് അറിയിച്ചു. കഴിഞ്ഞ ദിവസം പുതുതായി അഞ്ചു പേരെ ആശുപത്രിയില് പ്രവേശിപ്പിച്ചിട്ടുണ്ട്. 291 പേര് കഴിഞ്ഞ ദിവസം നിരീക്ഷണ കാലയളവ് പൂര്ത്തീകരിച്ചിട്ടുണ്ട്.
ഇതിനിടെ കണ്ണൂർ ജില്ലയില് കോവിഡ് 19 ബാധിച്ച് ചികില്സയിലായിരുന്ന നാലു പേര് കൂടി രോഗം ഭേദമായി ആശുപത്രി വിട്ടു. അഞ്ചരക്കണ്ടി ജില്ലാ കോവിഡ്-19 ചികിത്സാ കേന്ദ്രത്തില് നിന്ന് കുന്നോത്തുപറമ്പ്, മൊകേരി, ചിറ്റാരിപ്പറമ്പ്, ചെറുവാഞ്ചേരി സ്വദേശികളാണ് ഇന്ന് വീടുകളിലേക്ക് മടങ്ങിയത്. ഇതോടെ ജില്ലയില് കോവിഡ് സ്ഥിരീകരിച്ച 118 പേരില് 103 പേരുടെ രോഗം ഭേദമായി. ബാക്കി 15 പേര് വിവിധ ആശുപത്രികളില് ചികിത്സയിലാണ്.
ജില്ലയില് നിലവില് 34 പേര് കണ്ണൂര് ഗവ. മെഡിക്കല് കോളേജിലും ഒരാള് തലശ്ശേരി ജനറല് ആശുപത്രിയിലും 18 പേര് അഞ്ചരക്കണ്ടി ജില്ലാ കോവിഡ് - 19 ചികിത്സാ കേന്ദ്രത്തിലും 43 പേര് വീടുകളിലുമായി ആകെ 96 പേരാണ് നിരീക്ഷണത്തില് കഴിയുന്നത്. ഇതുവരെയായി ജില്ലയില് നിന്നും 4174 സാമ്പിളുകള് പരിശോധനയ്ക്കയച്ചതില് 4054 എണ്ണത്തിന്റെ ഫലം ലഭ്യമായി. 120 എണ്ണത്തിന്റെ ഫലം ലഭിക്കാനുണ്ട്.
ഇതിനിടെ കൊവിഡ് ബാധ തടയുന്നതിനായി കണ്ണൂർ ജില്ലയിൽനിർണയിച്ച ഹോട്ട് സ്പോട്ടുകളിൽ നിന്നും 13 ഹോട്ട് സ്പോട്ടുകളെ ഒഴിവാക്കി. ഇനി അവശേയിക്കുന്നത് പത്ത് ഹോട്ട് സ്പോട്ടുകളാണ് ഏഴോം, കതിരൂർ, കൂത്തുപറമ്പ് , കോട്ടയം മലബാർ, കുന്നോത്തുപറമ്പ്, മൊകേരി, പാനൂർ, പാപ്പിനിശേരി, പാട്യം, പെരളശേരി എന്നിവയാണിത്. ഇപ്പോൾ സംസ്ഥാനത്ത് 33 ഹോട്ട് സ്പോട്ടുകളാണുള്ളത്.സംസ്ഥാനത്ത് പുതുതായി കണ്ണൂരിൽ നിന്നും മൂന്നും കാസർകോട് നിന്നും രണ്ടും ആളുകൾ രോഗമുക്തരായി
Click it and Unblock the Notifications
Sign in with Google