ഇന്നസെന്റിന്റെ നില അതീവ ഗുരുതരം; മൂന്ന് മന്ത്രിമാര് ആശുപത്രിയിലെത്തി യോഗം ചേര്ന്നു
കൊച്ചി: നടനും മുന് എം പിയുമായ ഇന്നസെന്റിന്റെ നില അതീവ ഗുരുതരമായി തുടരുകയാണ് എന്ന് മന്ത്രി സജി ചെറിയാന്. ഇന്നസെന്റിന്റെ സ്ഥിതി മോശമാണ് എന്നാണ് മെഡിക്കല് ബോര്ഡ് യോഗം വിലയിരുത്തിയത്. സജി ചെറിയാന് പുറമെ മന്ത്രി പി രാജീവ്, മന്ത്രി ആര് ബിന്ദു എന്നിവരും ലേക്ക് ഷോര് ആശുപത്രിയിലെ മെഡിക്കല് ബോര്ഡ് യോഗത്തില് പങ്കെടുത്ത് ഇന്നസെന്റിന്റെ ആരോഗ്യനില വിലയിരുത്തി.
ഇന്നസെന്റ് ജീവിതത്തിലേക്ക് തിരിച്ച് വരാനുള്ള സാധ്യത കുറവാണ് എന്നാണ് വിലയിരുത്തല്. മെഡിക്കല് ബോര്ഡ് യോഗം പൂര്ത്തിയായിട്ടുണ്ട്. ഇന്ന് രാത്രി 11 മണിയോടെ മെഡിക്കല് ബുള്ളറ്റിന് പുറത്തിറക്കിയേക്കും എന്നാണ് വിവരം. പ്രതീക്ഷ ഉണ്ട് എന്ന് പറയാന് കഴിയില്ല എന്നാണ് ഡോക്ടര്മാര് പറഞ്ഞിരിക്കുന്നത് എന്ന് സജി ചെറിയാന് പറഞ്ഞു.
അര്ബുദ ബാധിതനായ ഇന്നസെന്റിനെ ഗുരുതരമായ പല രോഗാവസ്ഥകളും അലട്ടുന്നുണ്ട് എന്നും ഇത് പ്രകടമാണെന്നും ആണ് ഡോക്ടര്മാര് അറിയിക്കുന്നത്. നിലവില് എക്മോ പിന്തുണയിലാണ് ഇന്നസെന്റിന്റെ ചികിത്സ പുരോഗമിക്കുന്നത്. ഇക്കഴിഞ്ഞ മാര്ച്ച് മൂന്നിനാണ് ഇന്നസെന്റിനെ ആശുപത്രിയില് പ്രവേശിപ്പിക്കുന്നത്. നേരത്തെ രണ്ട് തവണ അര്ബുദത്തെ അതിജീവിച്ചയാളാണ് ഇന്നസെന്റ്. പിന്നീട് അദ്ദേഹത്തിന് തുടര്ച്ചയായി കൊവിഡ് ബാധിച്ചിരുന്നു.
ഇതേ തുടര്ന്നുള്ള ന്യൂമോണിയ ആണ് നിലവില് അവസ്ഥ വഷളാക്കിയത്. മലയാള സിനിമയിലെ മുതിര്ന്ന അഭിനേതാക്കൡ ഒരാളായ ഇന്നസെന്റ് ദീര്ഘകാലം അമ്മ പ്രസിഡന്റായിരുന്നു. 2014 മേയില് നടന്ന ലോകസഭാ തെരഞ്ഞെടുപ്പില് എല് ഡി എഫ് സ്ഥാനാര്ത്ഥിയായി മത്സരിച്ച ഇന്നസെന്റ് ലോക്സഭയില് എത്തിയിരുന്നു. നിര്മ്മാതാവ് ആയി സിനിമയില് എത്തി പിന്നീട് ഹാസ്യ നടനും സ്വഭാവ നടനുമായി ശ്രദ്ധ പിടിച്ചു പറ്റിയ താരമാണ് ഇന്നസെന്റ്.
Hair Care Tips: വേഗം പോയി മരത്തിന്റെ ചീപ്പ് വാങ്ങിക്കോ... മുടി വേഗം വളരും
2009-ലെ മികച്ച നടനുള്ള ഫിലിം ക്രിട്ടിക്സ് അവാര്ഡ് ഇന്നസെന്റിന് ലഭിച്ചു. മികച്ച സഹനടനുള്ള സംസ്ഥാന സര്ക്കാര് അവാര്ഡും ഫിലിം ക്രിട്ടിക്സ് അവാര്ഡും ഇന്നസെന്റിന് ലഭിച്ചിട്ടുണ്ട്. നിരവധി സിനിമകളില് ടൈറ്റില് റോളില് കേന്ദ്രകഥാപാത്രമായി തിളങ്ങി. ആയിരക്കണക്കിന് സിനിമകളില് ശ്രദ്ധേയ വേഷം ചെയ്തു. 2013 ല് ആണ് ആദ്യമായി അര്ബുദം തിരിച്ചറിയുന്നത്.
അതില് നിന്ന് തിരിച്ചുവന്നെങ്കിലും 2021 ല് വീണ്ടും രോഗബാധിതനായി. ചിരിക്കു പിന്നില് ആണ് ഇന്നസെന്റിന്റെ ആത്മകഥ. ഞാന് ഇന്നസെന്റ് (സ്മരണകള്), മഴക്കണ്ണാടി (ചെറുകഥാ സമാഹാരം) എന്നിങ്ങനെ രണ്ട് പുസ്തകങ്ങളും ഇന്നസെന്റിന്റെ പേരില് പ്രസിദ്ധീകരിച്ചിട്ടുണ്ട്. നിരവധി സിനിമകളില് കെപിഎസി ലളിതയുമായുള്ള കോംബിനേഷന് ഏറെ കൈയടി നേടിയിരുന്നു.
-
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
'സ്വർണം വാങ്ങാനിരിക്കുന്നവർക്ക് സന്തോഷം തന്നെ';പക്ഷെ നട്ടം തിരിഞ്ഞ് ജ്വല്ലറിക്കാർ..ഇനിയെന്ത്? -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
സ്വര്ണവില കേട്ടതുപോലെ അല്ല; വാങ്ങാന് ചെന്നപ്പോള് മറ്റൊന്ന്, ഇതെന്ത് മറിമായം, 4 തവണ മാറി -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ
Click it and Unblock the Notifications
Sign in with Google