ഇന്ദിരാ ഗാന്ധിയെ ഭാരത മാതാവെന്ന് വിശേഷിപ്പിച്ചിട്ടില്ല; തെറ്റായി പ്രചരിപ്പിച്ചുവെന്ന് സുരേഷ് ഗോപി
തൃശൂർ: ഇന്ദിരാ ഗാന്ധിയെ ഭാരത മാതാവെന്ന് വിശേഷിപ്പിച്ചിട്ടില്ലെന്ന് കേന്ദ്ര സഹമന്ത്രി സുരേഷ് ഗോപി. ഇത് തെറ്റായ പ്രചാരണം ആണെന്നും സുരേഷ് ഗോപി പ്രതികരിച്ചു. കോൺഗ്രസുകാരുടെ മാതാവ് എന്നാണ് താൻ പറഞ്ഞത്. വാക്കുകളെ തെറ്റായി വ്യാഖ്യാനിക്കുകയാണെന്നും അദ്ദേഹം ആരോപിച്ചു.
ബിജെപിക്കുള്ളിൽ നിന്നും അല്ലാതെയും വിവിധ കോണുകളില് നിന്ന് വിമര്ശനം ഉയര്ന്നതിന് പിന്നാലെയായിരുന്നു സുരേഷ് ഗോപിയുടെ വിശദീകരണം. ബിജെപി ടിക്കറ്റിൽ മത്സരിച്ചു ജയിച്ച് കേന്ദ്രമന്ത്രിയായ സുരേഷ് ഗോപി ഇന്ദിരാ ഗാന്ധിയെ പുകഴ്ത്തിയതിൽ പലയിടത്ത് നിന്നും കടുത്ത എതിർപ്പ് നേരിട്ടിരുന്നു. ഇതോടെയാണ് സുരേഷ് ഗോപി നിലപാട് മാറ്റിയത്.
തന്റെ പ്രയോഗത്തിൽ തെറ്റ് പറ്റിയിട്ടില്ല. കരുണാകരന് കോണ്ഗ്രസിന്റെ പിതാവും, കോണ്ഗ്രസിന്റെ മാതാവ് ഇന്ദിരാ ഗാന്ധിയെന്നുമാണ് പറഞ്ഞതെന്ന് സുരേഷ് ഗോപി ചൂണ്ടിക്കാട്ടി. മാധ്യമങ്ങൾക്ക് എതിരെയും സുരേഷ് ഗോപി പ്രതികരിച്ചു. 'ഇത്തരം കാര്യങ്ങള് മുഖവിലക്കെടുക്കില്ല. മാധ്യമങ്ങളെ താൻ വിലക്കിയിട്ടില്ല. ഇത്തരത്തിലെങ്കില് മാധ്യമങ്ങളില് നിന്ന് അകലും. കലാകാരനായി പോലും മാധ്യമങ്ങള്ക്ക് മുന്നില് വരില്ല' സുരേഷ് ഗോപി പറഞ്ഞു.
നേരത്തെ കരുണാകരനെ കുറിച്ചും, ഇന്ദിരാ ഗാന്ധിയെയും കുറിച്ചുള്ള സുരേഷ് ഗോപിയുടെ വാക്കുകൾ വലിയ രീതിയിൽ പ്രചരിക്കപ്പെട്ടിരുന്നു. കെ കരുണാകരന്റെ സ്മൃതി കുടീരത്തിലെത്തി പുഷ്പാര്ച്ചന നടത്തിയ ശേഷമായിരുന്നു അദ്ദേഹത്തിന്റെ പ്രസ്താവന. എന്നാല് ഇത് തെറ്റായി പ്രചരിപ്പിച്ചുവെന്നാണ് അദ്ദേഹം ഇപ്പോൾ പറയുന്നത്.
ഇന്നലെ മുരളീമന്ദിരത്തിലെത്തി കെ കരുണാകരന്റേയും ഭാര്യ കല്യാണ കുട്ടിയുടേയും സ്മൃതികുടീരത്തില് പുഷ്പാർച്ച നടത്തിയതിന് ശേഷമായിരുന്നു സുരേഷ് ഗോപിയുടെ പ്രതികരണം. കോൺഗ്രസ് വിട്ട് ബിജെപിയിലെത്തിയ പത്മജ വേണുഗോപാലിനോടൊപ്പം നിരവധി ബിജെപി നേതാക്കളും പ്രവർത്തകരും ചടങ്ങില് പങ്കെടുത്തിരുന്നു.
അതേസമയം, ബിജെപിക്ക് തൃശൂരിലെ സുമനസുകള് നല്കിയ ഏറ്റവും വലിയ ആദരവാണ് തിരഞ്ഞെടുപ്പ് വിജയമെന്ന് അദ്ദേഹം പറഞ്ഞു. താന് തൃശൂരില് മാത്രം ഒതുങ്ങും എന്ന് വിചാരിക്കരുതെന്നും കേരളത്തിനായി പ്രവര്ത്തിക്കുമെന്നും അദ്ദേഹം മാധ്യമങ്ങളോട് പറഞ്ഞിരുന്നു.
കേരളത്തിന് പുറമേ തമിഴ്നാട്ടിലും ശ്രദ്ധയുണ്ടാകും. പാര്ട്ടി ഏല്പ്പിച്ച ചുമതല അമിതഭാരമാണ്. ആ ചുമതല കൃത്യമായി നിര്വഹിക്കും. ബിജെപി അന്തസുള്ള രാഷ്ട്രീയ പ്രസ്ഥാനമാണെന്നും സുരേഷ് ഗോപി വ്യക്തമാക്കി. തൃശൂരിലെ ജനത ബിജെപിക്ക് നല്കിയ തങ്കകിരീടമാണ് തിരഞ്ഞെടുപ്പ് വിജയമെന്നും അദ്ദേഹം ചൂണ്ടിക്കാട്ടി.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google