അന്തര്സംസ്ഥാന യാത്രക്കാര് നിർബന്ധമായും ഇ ജാഗ്രത പോര്ട്ടലില് രജിസ്റ്റര് ചെയ്യണം
തിരുവനന്തപുരം: ബിസിനസ് ആവശ്യങ്ങള്ക്കായി കേരളത്തില് എത്തുന്നവര് ഉള്പ്പെടെയുള്ള അന്തര്സംസ്ഥാന യാത്രക്കാര് നിർബന്ധമായും ഇ ജാഗ്രത പോര്ട്ടലില് രജിസ്റ്റര് ചെയ്യണം എന്ന് ആരോഗ്യമന്ത്രി കെകെ ശൈലജ അറിയിച്ചു. കഴിഞ്ഞ 48 മണിക്കൂറിനുള്ളിലുള്ള ആര്.ടി.പി.സി.ആര്. നെഗറ്റീവ് പരിശോധനാഫലം ഹാജരാക്കണം. ആര്.ടി.പി.സി.ആര്. പരിശോധന നടത്തിയിട്ടില്ലാത്തവര് കേരളത്തില് എത്തിയാലുടന് ആര്.ടി.പി.സി.ആര്. പരിശോധന നടത്തുകയും ഫലം ലഭിക്കുന്നതുവരെ റൂം ക്വാറന്റൈനില് തുടരുകയും ചെയ്യുക.
ആര്.ടി.പി.സി.ആര്. പരിശോധനാഫലം നെഗറ്റീവ് ആണെങ്കില് മാസ്ക് ധരിക്കുക, കൈകള് വൃത്തിയാക്കുക, സാമൂഹിക അകലം പാലിക്കുക തുടങ്ങിയ കോവിഡ് മാനദണ്ഡങ്ങള് പാലിക്കുക. ആര്.റ്റി.പി.സി.ആര്. പരിശോധന നടത്തുന്നില്ല എങ്കില് 14 ദിവസം റൂം ക്വാറന്റൈനില് കഴിയുക. ലക്ഷണങ്ങള് എന്തെങ്കിലും കണ്ടാല് ദിശ 1056 ലോ തൊട്ടടുത്തുള്ള ആരോഗ്യ പ്രവര്ത്തകരെയോ ബന്ധപ്പെടുകയും ആര്.ടി.പി.സി.ആര്. പരിശോധന നടത്തുകയും വേണം. എല്ലായിപോഴും കോവിഡ് പ്രതിരോധ ശീലങ്ങള് പിന്തുടരുകയും ചെയ്യണമെന്നും ആരോഗ്യമന്ത്രി വ്യക്തമാക്കി.
ലോക്ക്ഡൗണില് രാജ്യതലസ്ഥാനം, ദില്ലിയിലെ ചിത്രങ്ങള്
സംസ്ഥാനത്തെ കോവിഡ്-19 ക്വാറന്റൈന് ഐസൊലേഷന് മാര്ഗനിര്ദേശങ്ങള് ആരോഗ്യ വകുപ്പ് പുതുക്കി ഉത്തരവിറക്കിയിട്ടുണ്ട്. ലബോറട്ടറി പരിശോധനയിലൂടെ കോവിഡ് സ്ഥിരീകരിച്ച വ്യക്തിയ്ക്ക് ചികിത്സാ മാനദണ്ഡം അനുസരിച്ച് ഡോക്ടറുടെ തീരുമാനപ്രകാരം ചികിത്സ നല്കും. മാനദണ്ഡങ്ങള് അനുസരിച്ച് ഡിസ്ചാര്ജ് ചെയ്തതിന് ശേഷം 7 ദിവസം വരെ അനാവശ്യ യാത്രകളും സാമൂഹിക ഇടപെടലുകളും ഒഴിവാക്കേണ്ടതാണ്.
അതേസമയം സംസ്ഥാനത്ത് ഇന്ന് 22414 പേര്ക്ക് കൊവിഡ് സ്ഥിരീകരിച്ചതായി മുഖ്യമന്ത്രി പിണറായി വിജയന് വാർത്താ സമ്മേളനത്തിൽ പറഞ്ഞു. ഒരു ലക്ഷത്തിന് മുകളിലാണ് ഇന്ന് കൊവിഡ് പരിശോധന നടത്തിയത്. ഇന്ന് 22 പേര് കൊവിഡ് ബാധിച്ച് മരണപ്പെട്ടു. സംസ്ഥാനത്ത് 135631 പേര് ആണ് ചികിത്സയില് ഉള്ളതെന്നും മുഖ്യമന്ത്രി പറഞ്ഞു.
പച്ച ഫ്രോക്കില് കിടിലം ലുക്കുമായി രമ്യ പാണ്ഡ്യന്; സോഷ്യല് മീഡിയയില് വൈറലായി ചിത്രങ്ങള്
Click it and Unblock the Notifications
Sign in with Google