വില്പനയില് തന്നെ റെക്കോഡിട്ട് തിരുവോണം ബംപര്; ഏറ്റവും കൂടുതല് ടിക്കറ്റ് വിറ്റത് ഈ ജില്ലയില്
തിരുവനന്തപുരം: എല്ലാവരും ആകാംക്ഷയോടെ കാത്തിരിക്കുന്ന തിരുവോണം ബംപര് ലോട്ടറി നറുക്കെടുപ്പിന് ഇനി മണിക്കൂറുകള് മാത്രമാണ് ബാക്കി. ഞായറാഴ്ച ഉച്ചക്ക് രണ്ട് മണിക്ക് ധനമന്ത്രി കെ എന് ബാലഗോപാലിന്റെ സാന്നിധ്യത്തിലാണ് നറുക്കെടുപ്പ്. തിരുവനന്തപുരം ഗോര്ക്കി ഭവനില് വച്ചാണ് നറുക്കെടുപ്പ് നടക്കുക.
സംസ്ഥാനത്തിന്റെ ലോട്ടറി ചരിത്രത്തിലെ തന്നെ ഏറ്റവും ഉയര്ന്ന സമ്മാന തുകയാണ് തിരുവോണം ബംപറിന് ഇക്കുറിയുള്ളത്. 25 കോടി രൂപയാണ് ഒന്നാം സമ്മാനം ലഭിക്കുക. എന്നാല് വിവിധ നികുതികള് കഴിഞ്ഞ് 15 കോടി 75 ലക്ഷം രൂപയാണ് ഒന്നാം സമ്മാനത്തിന് അര്ഹനാകുന്ന ഭാഗ്യശാലിയ്ക്ക് ലഭിക്കുക. ഇത്തവണ ലോട്ടറി ടിക്കറ്റുകളുടെ വില്പനയിലും റെക്കോഡിട്ടിരിക്കുകയാണ്.
67 ലക്ഷം ടിക്കറ്റുകള് ആകെ അച്ചടിച്ചതില് 66 ലക്ഷത്തിലേറെ ടിക്കറ്റുകളും വിറ്റ് പോയിട്ടുണ്ട്. ഏറ്റവും കൂടുതല് ടിക്കറ്റ് വിറ്റ് പോയിരിക്കുന്നത് പാലക്കാട് ജില്ലയില് നിന്നാണ്. പാലക്കാട് ജില്ലയില് മാത്രം തിരുവോണം ബംപറിന്റെ 10 ലക്ഷം ടിക്കറ്റുകളാണ് വിറ്റ് പോയിരിക്കുന്നത്. തൃശൂര് ജില്ലയിലാണ് അത് കഴിഞ്ഞാല് തിരുവോണം ബംപറിന്റെ ഏറ്റവും കൂടുതല് വില്പന നടന്നിരിക്കുന്നത്.
തൃശൂരില് 8,79,200 ടിക്കറ്റുകളാണ് വിറ്റ് പോയത്. മൂന്നാം സ്ഥാനത്ത് തിരുവനന്തപുരം ജില്ലയാണ്. ഇത്തവണ 500 രൂപയായിരുന്നു ടിക്കറ്റ് നിരക്ക്. എന്നിട്ടും ടിക്കറ്റ് വില്പന കഴിഞ്ഞ വര്ഷത്തെ കണക്കുകളെ മറികടന്നിരിക്കുകയാണ്. ഇത്തവണ ടിക്കറ്റെടുക്കുന്നതില് അഞ്ച് ശതമാനം പേര്ക്ക് സമ്മാനം കിട്ടുന്ന രീതിയിലാണ് ഓണം ബംപര് ക്രമീകരിച്ചിരിക്കുന്നത്.
പത്ത് സീരിസുകളിലാണ് തിരുവോണം ബംപര് ടിക്കറ്റുകള് പുറത്തിറക്കിയിട്ടുള്ളത്. ജൂലൈ 18 മുതലായിരുന്നു തിരുവോണം ബംപര് ടിക്കറ്റിന്റെ വില്പന തുടങ്ങിയത്. ഓണം ബംപറിന്റെ രണ്ടാം സമ്മാനം അഞ്ച് കോടി രൂപയും മൂന്നാം സമ്മാനം പത്ത് പേര്ക്ക് ഒരു കോടി രൂപ വീതവുമാണ്. ആകെ 126 കോടി രൂപയുടെ സമ്മാനമാണ് തിരുവോണം ബംപറില് ഏര്പ്പെടുത്തിയിരിക്കുന്നത്.
കേരളത്തില് വെള്ളിയാഴ്ച പമ്പുകള് അടച്ചിടും, സമരം പ്രഖ്യാപിച്ച് ഡീലര്മാര്; കാരണം ഇത്
സമാശ്വാസ സമ്മാനം അഞ്ച് ലക്ഷം രൂപ ഒമ്പത് പേര്ക്ക് ലഭിക്കും. ലോട്ടറി വകുപ്പിന്റെ വെബ്സൈറ്റായ keralalotteries.com ല് ആണ് ഫലം പ്രസിദ്ധീകരിക്കുക. അതേസമയം ഇത്തവണ ഫ്ളൂറസെന്റ് മഷിയില് പുറത്തിറക്കുന്ന ആദ്യ ലോട്ടറി ടിക്കറ്റ് കൂടിയാണ് തിരുവോണം ബംപര് എന്ന പ്രത്യേകത കൂടിയുണ്ട്. സുരക്ഷ കണക്കിലെടുത്ത് വേരിയബിള് ഡാറ്റ ടിക്കറ്റില് ഒന്നിലേറെ ഭാഗങ്ങളില് ചേര്ത്തിട്ടുണ്ട്.