Click it and Unblock the Notifications
Just In
-
-
-
Don't Miss
-
ഒരു സ്പെല്ലിംഗ് മിസ്റ്റേക്ക് തോന്നി, പ്രണയം പൊക്കിയത് ഞാനും ബേസിലും; വൈറല് ആയി വിനീതിന്റെ വാക്കുകള് -
IPL 2024: ഗില് ലോക മണ്ടന്, ഇങ്ങനെയൊരു ദുരന്തം ക്യാപ്റ്റന്സിയില്ല! ജിടിയെ തോല്പ്പിച്ച പിഴവിതാ -
ഒരു രക്ഷയുമില്ലാത്ത രുചിയും ലുക്കും, ബ്രെഡ് ഉണ്ടൈങ്കില് നിമിഷങ്ങള് കൊണ്ട് ബ്രെഡ് പുഡ്ഡിംഗ് ഉണ്ടാക്ക -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
പാലക്കാട് അപകടം; മരിച്ച യാത്രക്കാര്‍ക്ക് ഇന്‍ഷുറന്‍സായി 10 ലക്ഷം രൂപ നല്‍കുമെന്ന് കെ.എസ്.ആര്‍.ടി.സി
തിരുവനന്തപുരം: പാലക്കാട് കഴിഞ്ഞ ദിവസം ടൂറിസ്റ്റ് ബസ് കെ എസ് ആര്‍ ടി സി ബസില്‍ ഇടിച്ചുണ്ടായ അപകടത്തില്‍ മരിച്ച മൂന്ന് യാത്രക്കാര്‍ക്ക് ഇന്‍ഷുറന്‍സ് തുകയായ 10 ലക്ഷം രൂപ വീതം വേഗത്തില്‍ ലഭ്യമാക്കും എന്ന് കെ എസ് ആര്‍ ടി സി. ഇന്‍ഷുറന്‍സ് തുക മരിച്ചവരുടെ കുടുംബത്തിന് ലഭ്യമാക്കുന്ന തിനുള്ള നടപടികള്‍ സ്വീകരിച്ചതായി കെ എസ് ആര്‍ ടി സി അറിയിച്ചു.
2014 ലെ കെ എസ് ആര്‍ ടി സി ആക്ട് പദ്ധതി അനുസരിച്ചാണ് യാത്രക്കാര്‍ക്ക് അപകട ഇന്‍ഷുറന്‍സ് നല്‍കുന്നത്. അടിയന്തര സഹായം എന്നോണം ഇതില്‍ നിന്നും 2 ലക്ഷം രൂപ അപകടത്തില്‍ മരിച്ച രോഹിത് രാജിന്റെ കുടുംബത്തിന് കൈമാറും. ഈ തുക തിങ്കളാഴ്ച തന്നെ കൈമാറും എന്ന് കെ എസ് ആര്‍ ടി സി വ്യക്തമാക്കി.
ബാക്കിയുള്ള എട്ട് ലക്ഷം രൂപ മറ്റ് നടപടി ക്രമങ്ങള്‍ പൂര്‍ത്തിയാക്കുന്ന മുറയ്ക്ക് ലഭ്യമാക്കും എന്നും കെ എസ് ആര്‍ ടി സി അറിയിച്ചു. അപകടത്തില്‍ മരിച്ച മറ്റ് രണ്ടു പേരുടേയും കുടുംബങ്ങള്‍ക്ക് ഇന്‍ഷുറന്‍സ് തുക മരണാനന്തര നടപടി ക്രമങ്ങള്‍ പൂര്‍ത്തിയാകുന്ന മുറയ്ക്ക് തുക നല്‍കും എന്നും കെ എസ് ആര്‍ ടി സി അറിയിച്ചു.
ന്യൂ ഇന്ത്യ അഷ്യുറന്‍സ് കോ. ലിമിറ്റഡില്‍ നിന്നാണ് യാത്രക്കാര്‍ക്കുള്ള ഇന്‍ഷുറന്‍സ് പരിരക്ഷ കെ എസ് ആര്‍ ടി സി ഉറപ്പു വരുത്തിയിരിക്കുന്നത്. ഇതിനായി യാത്രക്കാരില്‍ നിന്നും ടിക്കറ്റ് ചാര്‍ജിനൊപ്പം ഒരു രൂപ മുതല്‍ സെസ് തുക സമാഹരിച്ചും ഏകദേശം 2 കോടിയില്‍ അധികം രൂപ പ്രതിവര്‍ഷം പ്രീമിയം നല്‍കിയും ആണ് ഇന്‍ഷുറന്‍സ് പദ്ധതി നടപ്പാക്കി വരുന്നത്.
മോട്ടര്‍ ഇന്‍ഷുറന്‍സ് നഷ്ട പരിഹാരത്തിന് ഉപരിയായാണ് സെസ് ഇന്‍ഷുറന്‍സ് നല്‍കി വരുന്നത് എന്നും അധികൃതര്‍ വ്യക്തമാക്കി. അപകടത്തില്‍ പരിക്കേറ്റവര്‍ക്കും അംഗഭംഗം വന്നവര്‍ക്കും ചികിത്സാ നഷ്ടപരിഹാരത്തിനും സെസ് ഇന്‍ഷുറന്‍സില്‍ വ്യവസ്ഥ നിഷ്‌കര്‍ഷിക്കുന്നുണ്ട്.
ഇത് കെ എസ് ആര്‍ ടി സിയില്‍ യാത്ര ചെയ്ത മറ്റ് യാത്രക്കാര്‍ക്കും ക്ലെയിം വരുന്ന മുറയ്ക്ക് സെസ് ഇന്‍ഷുറന്‍സില്‍ നിന്നും ലഭിക്കുന്നതാണ് എന്നും കെ എസ് ആര്‍ ടി സി വൃത്തങ്ങള്‍ വ്യക്തമാക്കി. കഴിഞ്ഞ ദിവസമാണ് വടക്കാഞ്ചേരിയില്‍ അമിത വേഗത്തിലെത്തിയ ടൂറിസ്റ്റ് ബസ് കെ എസ് ആര്‍ ടി സിയ്ക്ക് പിന്നിലിടിച്ച് അപകമടമുണ്ടാക്കിയത്. അപകടത്തില്‍ അഞ്ച് വിദ്യാര്‍ത്ഥികളടക്കം ഒമ്പത് പേരാണ് മരിച്ചത്.
