ഇനി റേഷൻ വാങ്ങാൻ നേരിട്ട് എത്തണം; വിദേശത്തുള്ളവർ കുടുങ്ങും, റേഷൻ കടകളിൽ ഇ പോസ് മെഷീൻ!
തിരുവനന്തപുരം: ഇനി റേഷൻ വാങ്ങാൻ അർഹരായവർ തന്നെ എത്തണം. അടുത്ത വീട്ടിലെ കുട്ടിയോട് പറഞ്ഞ് റേഷൻ വാങ്ങിപ്പിക്കുന്ന അവസ്ഥയ്ക്ക് വിരാമമാകുന്നു. സംസ്ഥാനത്തെ റേഷൻ കടകളിൽ ഇ പോസ് മെഷീൻ എത്തുന്നു. നവംബർ മാസം അവസാനത്തോടെ ഇ പോസ് മെഷിൻ റേഷൻ കടകളിൽ എത്തും.
കാർഡിൽ പേരില്ലാത്തവരുടെ വിരലടയാളം മെഷീൻ നിരസിക്കും. വിദേശത്തുള്ളവർ താൽക്കാലികമായി റേഷൻ വാങ്ങാൻ കഴിയില്ലെന്നു സിവിൽ സപ്ലൈസ് വകുപ്പിനെ അറിയിക്കണം. ആദ്യഘട്ടത്തിൽ കൊല്ലം ജില്ലയിലെ 50 റേഷൻ കടകളിലാണ് ഇ പോസ് മെഷീനുകൾ സ്ഥാപിക്കുക. കരുനാഗപ്പള്ളി താലൂക്കിലെ കടളിലാണ് ആദ്യം മെഷീനെത്തുന്നത്.
വിദേശത്തുള്ളവർക്ക് തിരിച്ചടി
വർഷങ്ങളായി കുടുംബസമേതം വിദേശത്തും മറ്റു ദൂരസ്ഥലങ്ങളിലും താമസിക്കുന്നവർക്കു തീരുമാനം തിരിച്ചടിയാണെങ്കിലും റേഷൻ കടകൾ കേന്ദ്രീകരിച്ചു നടക്കുന്ന തിരിമറിയും മറിച്ചു വിൽപനയും ഈ പരിഷ്കാരത്തോടെ അവസാനിക്കും.
കാർഡ് മാറ്റേണ്ടി വരും
നാട്ടിൽ നിന്നു മാറി താമസിക്കുന്നവർ ഇപ്പോൾ താമസിക്കുന്ന സ്ഥലത്തെ റേഷൻ കടയിലേക്കു കാർഡ് മാറ്റുകയാണു ഇതിനുള്ള പരിഹാരം. ജനുവരിയോടെ സംസ്ഥാനത്തെ 14,335 റേഷൻ കടകളിലും ഇ പോസ് മെഷീൻ ഉപയോഗിച്ചു റേഷൻ വിതരണം തുടങ്ങുമെന്ന് ഭക്ഷ്യ സപ്ലൈ വകുപ്പ് അധികൃതർ അറിയിച്ചു.
പ്രവർത്തനം ഇങ്ങനെ
ഇ പോസ് എന്നാൽ ഇലക്ട്രോണിക് പോയിന്റ് ഓഫ് സെയിൽ. ഉപഭോക്താക്കളുടെ ആധാർ വിവരങ്ങൾ ഇ പോസ് മെഷീനുമായി ബന്ധിപ്പിച്ചാണ് റേഷൻ വിതരണം ചെയ്യുക. റേഷൻ കടയിലെത്തുന്ന ഉപഭോക്താവ് മെഷീനിൽ വിരലടയാളം നൽകുമ്പോൾ ആധാർ ഡേറ്റാബേസിൽ നിന്ന് അർഹമായ വിഹിതം സംബന്ധിച്ച വിവരം ലഭ്യമാകും.
വീടുകളിലെത്തി റേഷൻ വിതരണം ചെയ്യും
നേരിട്ടെത്തി റേഷൻ വാങ്ങാൻ കഴിയാത്തവരുടെ വീടുകളിൽ മെഷീനുമായെത്തി വിഹിതം നൽകാനും റേഷൻ വ്യാപാരിക്കു സാധിക്കും. ആദിവാസി മേഖലകളിൽ ഇത്തരത്തിൽ വിതരണം നടത്തുന്നതു സർക്കാർ പരിഗണിക്കുന്നുണ്ട്. ഉപഭോക്താവിന് ഒരു റേഷൻ കടയിൽ നിന്നു മറ്റൊരു റേഷൻ കടയിലേക്കു മാറുന്നതിനുള്ള നൂലാമാലകളും ഇനിയുണ്ടാകില്ല. മൊബൈൽ നമ്പറുകൾ പോർട്ട് ചെയ്യുന്നതു പോലെ മികച്ച സേവനം നൽകുന്ന റേഷൻ കടകളിലേക്ക് ഉപഭോക്താവിനു വേഗം മാറാം.
സുതാര്യത ഉറപ്പു വരുത്തും
ഇ പോസ് മെഷീനിലേക്ക് ആവശ്യമായ ഡേറ്റ തയാറാക്കുന്നതു നാഷനൽ ഇൻഫർമാറ്റിക്സ് സെന്ററാണ്. ഇ പോസ് മെഷീനുകൾ സ്ഥാപിക്കുന്നതിനൊപ്പം സുതാര്യത ഉറപ്പു വരുത്തുന്നതിനായി റേഷൻ സാധനങ്ങളുമായി വാഹനങ്ങളിൽ ജിപിഎസ് ഘടിപ്പിക്കാനും തീരുമാനിച്ചിട്ടുണ്ട്.
-
സ്വര്ണവില 27000 രൂപ കുറഞ്ഞു; പിന്നീട് സംഭവിച്ചത് അപ്രതീക്ഷിതം, രാത്രി പോലും വില കുതിച്ച വാരം -
സ്വർണ വില 75000ത്തിലേക്ക് എത്തുമെന്നാണോ പ്രതീക്ഷ? ശുദ്ധ മണ്ടത്തരം..ഇപ്പോൾ വാങ്ങിയാൽ ലക്ഷപ്രഭു -
തമിഴകം പിടിക്കാൻ വിജയ്; സ്ഥാനാർത്ഥി പട്ടികയിലെ വമ്പൻ സർപ്രൈസ്; ഞെട്ടലിൽ രാഷ്ട്രീയ ലോകം -
മലപ്പുറം വിഭജിക്കും,ജയിലിൽ നോണ് വെജും കൂലിയും കൊടുക്കില്ല'; സന്തോഷ് പണ്ഡിറ്റ് മുഖ്യമന്ത്രിയായാൽ -
ഇറാനെ വിഴുങ്ങാൻ അമേരിക്കൻ പട? പെന്റഗണിന്റെ 'രഹസ്യ' നീക്കം പുറത്ത് -
"അതവരോട് പോയി ചോദിക്ക്!" എസ്ഡിപിഐ ഡീൽ ചോദ്യങ്ങളിൽ കലിപ്പിലായി മുഖ്യമന്ത്രി -
ഏപ്രിൽ 1 മുതൽ കളി മാറും! പാൻ കാർഡ് നിയമങ്ങളിൽ വൻ മാറ്റം; അറിഞ്ഞില്ലെങ്കിൽ പണി കിട്ടും -
അമേരിക്കൻ സർവ്വകലാശാലകൾ തകർക്കുമെന്ന് ഇറാൻ; പശ്ചിമേഷ്യ കത്തുന്നു -
ഗള്ഫും സ്വര്ണത്തെ കൈവിടുന്നോ? ഇനി വില കൂടില്ല.. പൊന്നിന് വിനയായത് ഈ മൂന്ന് ഘടകങ്ങള് -
'മീനാക്ഷിയെ നോക്കുന്നത് പണിയാണല്ലോ..വിവാഹം കഴിച്ച് കാണിച്ച് കൊടുത്തൂടെ';മഞ്ജു വാര്യർക്ക് അധിക്ഷേപം -
പാകിസ്താന് തന്ത്രത്തില് നീങ്ങുന്നു; സൗദി, തുര്ക്കി നേതാക്കള് ഇസ്ലാമാബാദില്, ഇറാനിലേക്ക് ചരക്കുകള് -
'ചില സഹായങ്ങളൊക്കെ ചെയ്യാമെന്ന് പറഞ്ഞു, പ്രാവർത്തികമാക്കിയാൽ സന്തോഷം';കെ സുധാകരൻ
Click it and Unblock the Notifications
Sign in with Google