തെരുവ് നായകള് അക്രമകാരികളാകാന് കാരണം കശാപ്പുശാലകള്; ബിജെപി വക്താവ്
കോഴിക്കോട്: തെരുവ് നായകള് അക്രമകാരികളാകാന് കാരണം കശാപ്പ് ശാലകളെന്ന് ബി ജെ പി വക്താവ് സന്ദീപ് വചസ്പതി. രക്തം പുരണ്ട പച്ച മാംസം കഴിക്കുന്ന തെരുവു പട്ടികള് മനുഷ്യനെ അക്രമിച്ചില്ലങ്കിലെ അത്ഭുതമുള്ളൂ എന്ന് സന്ദീപ് വചസ്പതി പറഞ്ഞു. ഫേസ്ബുക്ക് പോസ്റ്റിലൂടെയായിരുന്നു സന്ദീപ് വചസ്പതിയുടെ പ്രതികരണം.
ശാസ്ത്രീയമായ അറവ് ശാലകള് സ്ഥാപിക്കാനും അനധികൃത കശാപ്പു ശാലകളെ നിയന്ത്രിക്കാനും അധികൃതര് തയ്യാറാകാത്തിടത്തോളം കാലം നായ പ്രശ്നം തുടരുക തന്നെ ചെയ്യും എന്നും സന്ദീപ് വചസ്പതി വ്യക്തമാക്കി. ഇക്കാര്യത്തില് സര്ക്കാര് അടിയന്തര നടപടി സ്വീകരിക്കണം എന്നും സന്ദീപ് ആവശ്യപ്പെട്ടു. സന്ദീപ് വചസ്പതിയുടെ ഫേസ്ബുക്ക് പോസ്റ്റിന്റെ പൂര്ണരൂപം ഇങ്ങനെയാണ്...
തെരുവു നായ്ക്കളുടെ അക്രമത്തെ പറ്റി വാചാലരാകുന്നവര് യഥാര്ത്ഥ കാരണം ചര്ച്ച ചെയ്യാത്തത് ദുരൂഹമാണ്. സംസ്ഥാനത്തെ എല്ലാ റോഡരികുകളിലും കൂണു പോലെ മുളയ്ക്കുന്ന കശാപ്പു ശാലകളാണ് ഇതിലെ നിശബ്ദ വില്ലന്. രക്തം പുരണ്ട പച്ച മാംസം കഴിക്കുന്ന തെരുവു പട്ടികള് മനുഷ്യനെ അക്രമിച്ചില്ലങ്കിലെ അത്ഭുതമുള്ളൂ.
ശാസ്ത്രീയമായ അറവ് ശാലകള് സ്ഥാപിക്കാനും അനധികൃത കശാപ്പു ശാലകളെ നിയന്ത്രിക്കാനും അധികൃതര് തയ്യാറാകാത്തിടത്തോളം നായ പ്രശ്നം തുടരുക തന്നെ ചെയ്യും. ആലപ്പുഴ നഗരത്തില് സ്ഥാപിച്ച ശാസ്ത്രീയ അറവ് ശാല നഗരസഭയുടെ മാലിന്യം തള്ളുന്ന കേന്ദ്രമായി മാറിയിട്ട് വര്ഷങ്ങളായി.
ബിജെപി അടക്കമുള്ള പ്രതിപക്ഷ കക്ഷികള് നിരവധി സമരം ചെയ്തെങ്കിലും സിപിഎം ഭരിക്കുന്ന നഗരസഭയ്ക്ക് അനക്കമില്ല. കോടികള് മുടക്കി സ്ഥാപിച്ച മെഷീനുകള് തുരുമ്പെടുത്ത് നശിച്ചു കഴിഞ്ഞു. ക്രൂരമായും വൃത്തിഹീനമായ സാഹചര്യത്തിലും മൃഗങ്ങളെ കശാപ്പു ചെയ്യുന്നതും മാംസം വില്ക്കുന്നതും കോടതികള് വിലക്കിയിട്ടുണ്ടെങ്കിലും നമ്മുടെ തദ്ദേശ ഭരണ സ്ഥാപനങ്ങള് ഇത് കണ്ടില്ലെന്ന് നടിക്കുകയാണ്.
ശരിക്കും ലേഡി ഓഫ് മൂണ് തന്നെ..; കറുപ്പില് തിളങ്ങി അനശ്വര, വൈറല് ചിത്രങ്ങള്
പെര്ഫ്യൂമിന്റെ ഗന്ധം മണിക്കൂറുകള് നീണ്ടുനില്ക്കണോ... ഇതാ ചില പൊടിക്കൈകള്
പേപ്പട്ടികളെ വിഹരിക്കാന് അനുവദിക്കുക മാത്രമല്ല ഒരു തലമുറയെ മുഴുവന് രോഗികളാക്കാനും സര്ക്കാര് കൂട്ടു നില്ക്കുകയാണ്. എന്തിന്റെ പേരിലായാലും ഇതിന് തടയിടാന് സര്ക്കാര് തയ്യാറാകണം എന്നാണ് സന്ദീപ് വചസ്പതി ഫേസ്ബുക്ക് പോസ്റ്റില് പറഞ്ഞത്. അതേസമയം സംസ്ഥാനത്ത് ഇന്നും പലര്ക്കും തെരുവ് നായയുടെ കടിയേറ്റു.
Click it and Unblock the Notifications
Sign in with Google