വാക്സിനേഷൻ യജ്ഞം: 18 വയസിന് മുകളിലുള്ള 75 ശതമാനത്തിലധികം പേര്ക്ക് ആദ്യ ഡോസ് വാക്സിന്
തിരുവനന്തപുരം: സംസ്ഥാനത്ത് സമ്പൂര്ണ ലോക്ക്ഡൗണ് വേണ്ടെന്നാണ് സര്ക്കാര് തീരുമാനം. കൊവിഡ് വ്യാപനം രൂക്ഷമായി തുടരുന്നതിനൊപ്പം വാക്സിന് ക്ഷാമവും സംസ്ഥാനത്തെ വലയ്ക്കുന്നുണ്ട്. ആറ് ജില്ലകളിലാണ് കൊവിഷീല്ഡ് ക്ഷാമം ഉളളതെന്നാണ് റിപ്പോര്ട്ട്. സംസ്ഥാനത്ത് ഇനി ബാക്കിയുളളത് 1.4 ലക്ഷം ഡോസ് വാക്സിനാണ്. വാക്സിൻ വേഗത്തിൽ ലഭ്യമാക്കാൻ കേന്ദ്ര സർക്കാരിനോട് സംസ്ഥാനം ആവശ്യപ്പെട്ടിരിക്കുകയാണ്. ഇന്ന് സംസ്ഥാനത്ത് 29,322 പേര്ക്കാണ് കോവിഡ്-19 സ്ഥിരീകരിച്ചത്. 24 മണിക്കൂറിനിടെ 1,63,691 സാമ്പിളുകളാണ് പരിശോധിച്ചത്. ടെസ്റ്റ് പോസിറ്റിവിറ്റി നിരക്ക് 17.91 ആണ്. കഴിഞ്ഞ ദിവസങ്ങളിലുണ്ടായ 131 മരണങ്ങളാണ് കോവിഡ്-19 മൂലമാണെന്ന് ഇന്ന് സ്ഥിരീകരിച്ചത്. ഇതോടെ ആകെ മരണം 21,280 ആയി. രോഗം സ്ഥിരീകരിച്ച് ചികിത്സയിലായിരുന്ന 22,938 പേര് രോഗമുക്തി നേടി. 2,46,437 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 38,83,186 പേര് ഇതുവരെ കോവിഡില് നിന്നും മുക്തി നേടി.
അതിനിടെ 18 വയസിന് മുകളിലുള്ള 75 ശതമാനത്തിലധികം പേര്ക്ക് ആദ്യ ഡോസ് വാക്സിന് നല്കിയതായി ആരോഗ്യ വകുപ്പ് മന്ത്രി വീണാ ജോർജ് അറിയിച്ചു. 2,15,27,035 പേർക്കാണ് ഇതുവരെ ആദ്യഡോസ് വാക്സിൻ നൽകിയത്. ഈ വിഭാഗത്തില് 27.74 ശതമാനം പേര്ക്ക് (79,60,935) രണ്ടാം ഡോസും നല്കിയിട്ടുണ്ട്. 2021ലെ എസ്റ്റിമേറ്റ് ജനസംഖ്യ പ്രകാരം ഇത് യഥാക്രമം 60.81 ശതമാനവും 22.49 ശതമാനവുമാണ്. ഇതോടെ ഒന്നും രണ്ടും ഡോസ് ഉള്പ്പെടെ ആകെ 2,94,87,970 പേര്ക്കാണ് വാക്സിന് നല്കിയത്. വാക്സിനേഷന് യജ്ഞത്തിന്റെ ഭാഗമായി സംസ്ഥാനം നടത്തിയ ഊര്ജിത ശ്രമങ്ങളാണ് ഇത്ര വേഗം ഈ ലക്ഷ്യം കൈവരിക്കാനായത്. ആഗസ്റ്റ് മാസത്തില് മാത്രം 88 ലക്ഷത്തിലധികം ഡോസ് വാക്സിന് നല്കാനായെന്നും മന്ത്രി പറഞ്ഞു.
ഈ മാസത്തില് തന്നെ 18 വയസിന് മുകളിലുള്ള മുഴുവന് പേര്ക്കും ആദ്യ ഡോസ് വാക്സിന് നല്കാനാണ് സംസ്ഥാനം സര്ക്കാര് ലക്ഷ്യമിടുന്നത്. ഇതിന് കൂടുതല് വാക്സിന് ആവശ്യമാണ്. സംസ്ഥാനത്ത് വീണ്ടും വാക്സിന് ക്ഷാമം നേരിടുകയാണ്. മിക്കവാറും ജില്ലകളില് വാക്സിന് ക്ഷാമമുണ്ട്. വാക്സിനേഷന് സുഗമമായി നടത്താന് കേന്ദ്രത്തോട് കൂടുതല് വാക്സിന് ആവശ്യപ്പെട്ടിട്ടുണ്ട്. സംസ്ഥാനത്ത് കോവിഡ് വ്യാപനം വര്ധിക്കുന്നതിനാല് പരമാവധി പേര്ക്ക് വാക്സിന് നല്കി സുരക്ഷിതമാക്കാനാണ് ശ്രമിക്കുന്നത്. 2021 ജനുവരി 16നാണ് കോവിഡ് വാക്സിനേഷന് ആരംഭിച്ചത്.
ജൂണ്, ജൂലൈ, ആഗസ്റ്റ് മാസങ്ങളില് മാത്രം 1.95 കോടിയിലധികം ഡോസ് വാക്സിന് നല്കിയിട്ടുണ്ട്. വാക്സിനേഷന് പ്രക്രിയ ത്വരിതപ്പെടുത്തുന്നതിന് അനുബന്ധ ക്യാമ്പയിനുകളും സംഘടിപ്പിച്ചാണ് മുന്നോട്ട് പോകുന്നത്. രാജ്യത്ത് ആദ്യയമായി കിടപ്പ് രോഗികള്ക്ക് വീട്ടില് പോയി വാക്സിന് നല്കി. 60 വയസിന് മുകളിലുള്ളവര്ക്കും കിടപ്പ് രോഗികള്ക്കും മുഴുവന് ആദ്യ ഡോസ് വാക്സിന് നല്കുന്നതിതിനായി പ്രത്യേക യജ്ഞങ്ങള് ആവിഷ്ക്കരിച്ച് നടപ്പിലാക്കി. വാക്സിന് സമത്വത്തിനായി വേവ് (WAVE: Work Along for Vaccine Equity) ക്യാമ്പയിന്, ഗര്ഭിണികളുടെ വാക്സിനേഷനായി മാതൃകവചം തുടങ്ങിയ പ്രത്യേക പരിപാടികളും ആവിഷ്ക്കരിച്ച് നടപ്പിലാക്കിയെന്നും മന്ത്രി ചൂണ്ടിക്കാട്ടി.
'ബിഗ് ബോസിന് ശേഷം റിതു ഫോൺ എടുത്തിട്ടില്ല, അന്ന് 316 തവണ വിളിച്ചു'- ജിയ ഇറാനി-റിതു മന്ത്ര ചിത്രങ്ങൾ
ആരോഗ്യ പ്രവര്ത്തകര്ക്കും കോവിഡ് മുന്നണി പോരാളികള്ക്കും 100 ശതമാനം ആദ്യ ഡോസും 86 ശതമാനം പേര്ക്ക് രണ്ടാം ഡോസും നല്കിയിട്ടുണ്ട്. 45 വയസിന് മുകളിലുള്ള 92 ശതമാനം പേര്ക്ക് ഒന്നാം ഡോസും 47 ശതമാനം പേര്ക്ക് രണ്ടാം ഡോസും നല്കിയിട്ടുണ്ട്. 18 വയസിനും 44 വയസിനും ഇടയിലുള്ള 54 ശതമാനം പേര്ക്ക് ഒന്നാം ഡോസ് നല്കിയിട്ടുണ്ട് എന്നും മന്ത്രി വീണാ ജോർജ് വ്യക്തമാക്കി.
Click it and Unblock the Notifications
Sign in with Google