മ്യൂസിയത്തില് നടക്കാനിറങ്ങിയ യുവതിയെ ആക്രമിച്ച സംഭവം; പ്രതിയുടെ രേഖാചിത്രം തയ്യാറാക്കും
തിരുവനന്തപുരം: തിരുവനന്തപുരം മ്യൂസിയത്തില് നടക്കാനിറങ്ങിയ യുവതിയെ ആക്രമിച്ച സംഭവത്തില് പ്രതിയുടെ രേഖാചിത്രം പൊലീസ് തയ്യാറാക്കും. യുവതിയുടെ മൊഴിയുടെ അടിസ്ഥാനത്തിലാണ് പൊലീസ് രേഖാചിത്രം തയ്യാറാക്കുന്നത്. യുവതിയുടെ ദേഹത്ത് കയറിപ്പിടിക്കാന് വരെ പ്രതി ശ്രമിച്ചിട്ടുണ്ട്. എന്നിട്ടും പൊലീസ് ജാമ്യമില്ലാ വകുപ്പ് മാത്രമാണ് ചുമത്തിയതെന്നാണ് ഉയരുന്ന ആക്ഷേപം. സംഭവം നടന്നയുടന് തന്നെ പരാതി നല്കിയിട്ടും പൊലീസ് ഗൗരവമായി എടുത്തില്ലെന്നും യുവതി പറഞ്ഞു.
ഇക്കഴിഞ്ഞ ബുധനാഴ്ചയാണ് നഗരഹൃദയത്തില് വച്ച് യുവതി ആക്രമിക്കപ്പെട്ടത്. ജംഗ്ഷനില് വാഹനം നിര്ത്തിയ ശേഷമാണ് നടന്ന് വന്ന പ്രതി യുവതിയെ ആക്രമിക്കുകയായിരുന്നു. ശേഷം പ്രതി മ്യൂസിയം ഗേറ്റ് ചാടിക്കടന്ന് രക്ഷപ്പെട്ടു. സംഭവം നടന്ന പുലര്ച്ചെ നാല് മണിക്ക് തന്നെ എയ്ഡ് പോസ്റ്റില് യുവതി വിവരം അറിയിച്ചുവെങ്കിലും പൊലീസ് കണ്ട്രോള് റൂമില് അറിയിച്ചില്ലെന്നാണ് ആക്ഷേപം.
പിന്നാലെ രാവിലെ എട്ടരക്ക് യുവതി മ്യൂസിയം സ്റ്റേഷനിലെത്തി പരാതി നല്കി. ദേഹത്ത് കടന്നുപിടിച്ച് ലൈംഗികചുവയോടെ സംസാരിച്ചുവെന്ന് മൊഴി നല്കിയിട്ടും പൊലീസ് ചുമത്തിയത് ജാമ്യം ലഭിക്കാവുന്ന വകുപ്പുകള് മാത്രമാണെന്നും യുവതി പറയുന്നു. ലൈംഗിക അതിക്രമത്തിനുള്ള ശ്രമം എന്ന കുറ്റത്തിനുള്ള 354 എ 1 ഐ എന്ന വകുപ്പാണ് എഫ് ഐ ആറില് ചുമത്തിയത്. പ്രതിയുടെ വാഹനം കേന്ദ്രീകരിച്ച് അപ്പോള് തന്നെ അന്വേഷണം തുടങ്ങിയെങ്കില് അന്ന് തന്നെ പ്രതിയെ പിടികൂടാനാകുമായിരുന്നുവെന്നും യുവതി പറയുന്നു.
Click it and Unblock the Notifications
Sign in with Google