തൃശൂരില് വിദ്യാര്ഥിക്ക് ക്രൂര മര്ദനം: എസ്ഐക്കെതിരേ നടപടിക്കു നിര്ദേശം, പരാതി മുഖ്യമന്ത്രിക്ക്!
തൃശൂര്: എഐഎസ്എഫ് പ്രവര്ത്തകനെ തല്ലിച്ചതച്ച എസ്ഐക്കെതിരേ കര്ശന നടപടിക്ക് ആഭ്യന്തര വകുപ്പിന്റെ നിര്ദേശം. മര്ദനത്തിനിരയായ വിദ്യാര്ഥി സുഹൈല് ഷെരീഫ് മുഖ്യമന്ത്രിക്കു നല്കിയ പരാതിയിലാണ് നടപടി. ആഭ്യന്തരവകുപ്പ് അഡീഷണല് സെക്രട്ടറിയാണു ചാവക്കാട് എസ്.ഐയായിരുന്ന എംകെ രമേഷിനെതിരേ തൃശൂര് റേഞ്ച് ഐജിയോടു നടപടിക്ക് ശിപാര്ശ ചെയ്തത്. പ്രായപൂര്ത്തിയാകാത്ത വിദ്യാര്ഥികളോട് നീചവും മനുഷ്യത്വരഹിതവുമായ രീതിയില് പ്രവര്ത്തിച്ച ഈ ഉദ്യോഗസ്ഥര് യാതൊരു പരിരക്ഷയും അര്ഹിക്കാത്തവരും ശിക്ഷാര്ഹരുമാണെന്നും ഉത്തരവില് പറയുന്നു.
സംഭവത്തില് നേരത്തേ അന്വേഷണം നടത്തിയ ജില്ലാ റൂറല് സ്പെഷല് ബ്രാഞ്ച് ഡിവൈ.എസ്.പി, ആരോപണ വിധേയനായ ഉദ്യോഗസ്ഥനെ സംരക്ഷിക്കുകയായിരുന്നു എന്ന കണ്ടെത്തലും ഉത്തരവിലുണ്ട്. സംഭവത്തെ തുടര്ന്ന് ഉദ്യോഗസ്ഥനെ സ്ഥലം മാറ്റിയതുള്പ്പെടെയുള്ള കാര്യങ്ങള് ഇദ്ദേഹത്തിന്റെ റിപ്പോര്ട്ടില്നിന്ന് മനഃപൂര്വം ഒഴിവാക്കിയിരിക്കുകയാണ്. 2017 നവംബര് ഒന്നിനാണ് സംഭവം.
സുഹൈലിനെയും സുഹൃത്തുക്കളെയും ചാവക്കാട് എസ്.ഐയായിരുന്ന രമേഷ് സംശയാസ്പദമെന്ന പേരില് അകാരണമായി കസ്റ്റഡിയിലെടുക്കുകയും ക്രൂരമായി മര്ദിക്കുകയുമാണുണ്ടായത്. ഗുരുതര പരുക്കേറ്റ ഈ വിദ്യാര്ഥികള് ആശുപത്രിയിലായതിനെത്തുടര്ന്ന് എസ്. ഐ. രമേഷിനെതിരേ നടപടി ആവശ്യപ്പെട്ട് എ.ഐ.വൈഎഫ്, എ.ഐ.എസ്.എഫ്. സംഘടനകളുടെ നേതൃത്വത്തില് ചാവക്കാട് പോലീസ് സ്റ്റേഷനിലേക്ക് മാര്ച്ച് നടത്തി. സമാധാനപരമായി പ്രതിഷേധിച്ചവര്ക്കു നേരേ പോലീസ് ലാത്തിവീശി.
സമരത്തെ നിയന്ത്രിക്കാനായി സ്ഥലത്തുണ്ടായിരുന്ന സിപിഐ. ഗുരുവായൂര് മണ്ഡലം സെക്രട്ടറി പി മുഹമ്മദ് ബഷീര്, മണലൂര് മണ്ഡലം സെക്രട്ടറി വിആര് മനോജ് എന്നിവര് ഉള്പ്പെടെയുള്ള നേതാക്കള്ക്കുനേരേയും പോലീസ് ലാത്തിച്ചാര്ജ് നടത്തിയിരുന്നു. സമരക്കാര്ക്കുനേരേ പോലീസ് തോക്കൂചൂണ്ടിയ സംഭവവും ഏറെ വിവാദമായി. ഇതേത്തുടര്ന്നുണ്ടായ ശക്തമായ ജനകീയ പ്രതിഷേധത്തെ തുടര്ന്ന് എസ്ഐ രമേഷിനെ ചാവക്കാടുനിന്നു സ്ഥലം മാറ്റിയിരുന്നു. എസ്ഐ രമേഷിനുപുറമെ സംഭവത്തില് കുറ്റക്കാരായ മുഴുവന് ഉദ്യോഗസ്ഥര്ക്കെതിരേയും അടിയന്തര വകുപ്പുതല നടപടിയെടുത്ത് സര്ക്കാരിലേക്ക് റിപ്പോര്ട്ട് ചെയ്യാനാണ് ഐജിയോട് ആഭ്യന്തര വകുപ്പ് നിര്ദേശിച്ചിരിക്കുന്നത്.
-
സ്വര്ണം ഗിയര് മാറ്റി; ഇന്ന് വന് കുതിപ്പ്, ആഭരണം പൊള്ളും, ട്രംപിന്റെ വാക്കുകള് ഏറ്റു, ഇന്നത്തെ പവന് വില -
സ്വർണം വാങ്ങുന്നത് സേഫ് അല്ല, വിൽക്കാൻ നിൽക്കുന്നവരും പെട്ട് പോകും';സാമ്പത്തിക വിദഗ്ധ മേരി ജോർജ് -
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
മമ്മൂട്ടി ആ സിനിമയില് അനുകരിച്ചത് ഇദ്ദേഹത്തിന്റെ ഹെയര് സ്റ്റൈല്; തിയേറ്ററുകള് കിടുങ്ങിയ സീനുകള് -
ലുലു ഗ്രൂപ്പിൽ ജോലി ഒഴിവ്; നിയമനം കോഴിക്കോടും മലപ്പുറത്തും..അഭിമുഖം 28 ന് -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
മീനാക്ഷിക്ക് ഇത്തവണ മഞ്ജു വാര്യരുടെ ലൈക്ക് ഇല്ല?;വൈറലായി പുതിയ ഫോട്ടോ..മകളെ ചേർത്ത് പിടിച്ച് ദിലീപ് -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
രേണു സുധിയെ ദുബായ് പൊലീസ് നാട്ടിലേക്കു കയറ്റിവിട്ടു? പ്രതികരണവുമായി രേണു: താനിപ്പോഴും ദുബായില് -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
കേരളത്തിൽ വേനൽ കടുത്തു, ചൂടിന് ശമനമില്ല; പ്രതീക്ഷയായി വേനൽ മഴ, മറ്റന്നാൾ മുതൽ പെയ്യാൻ സാധ്യത
Click it and Unblock the Notifications
Sign in with Google