ട്രാഫിക് ലംഘനം: ദുബൈയില് പിഴ 6000 ദിര്ഹം കടന്നാല് വാഹനത്തിന് പിടി വീഴും
നാട്ടിലെ പോലെ വാഹനങ്ങള് കൊണ്ട് ദുബൈ റോഡില് കസര്ത്ത് കാണിച്ചാല് ഇനി കുടുങ്ങും.
നാട്ടിലെ പോലെ വാഹനങ്ങള് കൊണ്ട് ദുബൈ റോഡില് കസര്ത്ത് കാണിച്ചാല് ഇനി കുടുങ്ങും. ദുബൈ ട്രാഫിക് വിഭാഗം നിയമം കര്ശനമാക്കിയതോടെയാണിത്. 6000 ദിര്ഹമില് അധികം ട്രാഫിക് ഫൈന് വന്നാല് ആ വാഹനം പിന്നെ പുറംലോകം കാണില്ല. നിയമലംഘനം പതിവാക്കിയ അത്തരം വാഹനങ്ങള് പിടികൂടാനൊരുങ്ങുകയാണ് ദുബൈ പോലിസ്.
അനുവദിച്ച വേഗപരിധിയെക്കാള് സ്പീഡില് പോകുന്ന വാഹനങ്ങള്ക്ക് 3000 ദിര്ഹമാണ് ഇവിടത്തെ പിഴ. അങ്ങനെ രണ്ട് തവണ നിയമലംഘനം നടത്തുന്ന വാഹനവും ഡ്രൈവറും വാണ്ടഡ് ലിസ്റ്റില് പെടും. എല്ലാം ഓണ്ലൈനായ് സ്വയം അപ്ഡേറ്റാവുന്നതിനാല് കുറ്റവാളി പട്ടികയില് സ്വമേധയാ കടന്നുകൂടിക്കൊള്ളുമെന്ന് ദുബയ് പോലിസിന്റെ ട്രാഫിക് വിഭാഗം ഡയരക്ടര് ജനറല് സൈഫ് മുഹൈര് അല് മസ്റൂയി പറഞ്ഞു. കംപ്യൂട്ടറില് വിവരം അപ്ഡോറ്റാവുന്നതോടെ വാഹനം പിടികൂടാനുള്ള നീക്കവും തുടങ്ങും.
വാണ്ടഡ് പട്ടികയില് പെടുന്ന വാഹനങ്ങള്ക്കും അതിന്റെ ഉടമയ്ക്കും രക്ഷപ്പെടുക എളുപ്പമാവില്ലെന്നും പോലിസ് പറയുന്നു. ഒരു ലക്ഷത്തോളം ദിര്ഹം ഫൈന് വരുത്തിയ വാഹനത്തിന്റെ ഡ്രൈവറെ കഴിഞ്ഞദിവസം പിടികൂടിയത് ഒമാനിലേക്ക് കടക്കാനുള്ള ശ്രമത്തിനിടയിലായിരുന്നു. സ്വര്ണ നിറത്തിലുള്ള കാറായിരുന്നു വില്ലന്. എന്നാല് അറസ്റ്റിനെക്കുറിച്ച് സോഷ്യല് മീഡിയയില് വരുന്ന വാര്ത്തകളില് കഴമ്പില്ലെന്നും പോലിസ് പറയുന്നു. വാഹനത്തിന്റെ നിറമാണ് അറസ്റ്റിന് കാരണമെന്നും കാറിന്റെ ചിലഭാഗങ്ങള് സ്വര്ണത്തിലുള്ളതായിരുന്നുവെന്നും മറ്റുമുള്ളത് ഊഹങ്ങള് മാത്രമാണ്. ട്രാഫിക് നിയമലംഘനമായിരുന്നു വാഹനത്തിനും ഡ്രൈവര്ക്കുമെതിരായ കുറ്റം. വാഹനത്തിന് ശരിയായ ലൈസന്സ് ഉണ്ടോ, പിഴ 6000 ദിര്ഹമില് അധികമാണോ എന്ന കാര്യങ്ങള് മാത്രമേ ട്രാഫിക് പോലിസ് ശ്രദ്ധിക്കാറുള്ളൂവെന്നും അല് മസ്റൂയി പറഞ്ഞു.
അമിത വേഗത, വാഹനങ്ങള്ക്കിടയില് ആവശ്യത്തിന് അകലം പാലിക്കാതിരിക്കല്, ട്രക്കുകള് അമിതഭാരം കയറ്റല്, അശ്രദ്ധമായ ഡ്രൈവിംഗ് എന്നിവയാണ് ദുബയിലെ വാഹനാപകടങ്ങളിലെ പ്രധാന വില്ലനെന്നും അദ്ദേഹം വ്യക്തമാക്കി.
-
ഈ രണ്ട് ജില്ലകള് വളരെ പിന്നാക്കം; മതാന്ധതയും വിപ്ലവവും മാറ്റിവച്ച് ചിന്തിക്കണം എന്ന് നടി ലക്ഷ്മി പ്രിയ -
അരൂർ-തുറവൂർ എലിവേറ്റഡ് ഹൈവേ; പദ്ധതി വൈകിച്ച് കെഎസ്ഇബിയും എൻഎച്ച്എഐയും, യാത്രക്കാർ ദുരിതത്തിൽ -
'ദിലീപിൻ്റെ വീട്ടിൽ നിന്നും ഇറങ്ങുമ്പോൾ മഞ്ജു വാര്യർ അവസാനമായി പറഞ്ഞത്..'ഭാഗ്യലക്ഷ്മി പറഞ്ഞത് -
'മഞ്ജു വാര്യർ പാവം, അസൂയപ്പെട്ടിട്ട് എന്ത് കാര്യം,നിർബന്ധം ഒറ്റക്കാര്യത്തിൽ മാത്രം';ദിലീപിൻ്റെ വാക്കുകൾ -
"കോഴിക്കോട്ടെ ഫ്ലാറ്റ് കേന്ദ്രീകരിച്ച് സിനിമാക്കാരുടെ ആഭാസത്തരം, ജോയ് മാത്യു പോലും രഞ്ജിത്തിനെ കാണാൻ പോയില്ല" -
ബെംഗളൂരു സിൽക്ക് ബോർഡ് ഡെബിൾ ഡെക്കർ ഫ്ലൈഓവർ ഇനിയും വൈകുമോ? തലവേദന തീർക്കുന്നത് ഇത് -
സൗദി അറേബ്യ എന്തിനുള്ള പുറപ്പാടാണ്; എത്തിച്ചത് 23000 പാക് സൈനികരെ, ഇറാന് ചര്ച്ച പൊളിഞ്ഞു -
ലുലു ഗ്രൂപ്പിന് രണ്ടാമത്തെ ഭൂമിയും നഷ്ടമായേക്കും; നിയമക്കുരുക്കില് പെട്ട് വന് പദ്ധതി, പ്രതിഷേധം -
ഡോളറിന് കിട്ടിയത് എട്ടിന്റെ പണി...! സ്വര്ണത്തിന് ഇനി കുതിപ്പിന്റെ കാലം, വില കൂടാന് പോകുന്നു -
സ്വർണ വില 2ശതമാനം ഇടിഞ്ഞു; ഇനിയും കുറയും.. അര പവൻ 25,000 രൂപയ്ക്ക് വാങ്ങാനാകുമെന്ന് കരുതുന്നുണ്ടോ? -
കാത്തിരുന്ന രാജയോഗം നാളെ മുതല്.. വിഷുക്കാലത്ത് സൗഭാഗ്യപ്പെരുമഴ; ഈ രാശിക്കാരാണോ? -
പാകിസ്ഥാനിലെ യുഎസ്-ഇറാൻ ചർച്ച പരാജയം; പിന്നാലെ റഷ്യയുടെ എൻട്രി, മധ്യസ്ഥത്തിന് സന്നദ്ധത അറിയിച്ച് പുടിൻ
Click it and Unblock the Notifications
Sign in with Google