സ്മാര്ട് സിറ്റി, മെട്രോ പദ്ധതികള്ക്ക് മുന്ഗണന
കൊച്ചി മെട്രോ പൊതുമേഖലയില് വേണമെന്നു നിര്ബന്ധം പിടിച്ചു കാല താമസം വരുത്തില്ല. പൊതുമേഖലയില് നടപ്പാക്കാന് സാധിച്ചില്ലെങ്കില് സ്വകാര്യ പങ്കാളിത്തത്തോടെ പദ്ധതി നടപ്പാക്കുമെന്ന് അദ്ദേഹം പറഞ്ഞു. ദില്ലിയില് മാധ്യമപ്രവര്ത്തകരോടു സംസാരിക്കുകയായിരുന്നു ഉമ്മന്ചാണ്ടി. സംസ്ഥാന മന്ത്രിസഭാ വികസനവുമായി ബന്ധപ്പെട്ട് ഹൈക്കമാന്ഡുമായി ചര്ച്ച നടത്താനാണ് ഉമ്മന് ചാണ്ടി ദില്ലിയിലെത്തിയത്.
പ്രധാനമന്ത്രി മന്മോഹന് സിംഗുമായും മുഖ്യമന്ത്രി വ്യാഴാഴ്ച കൂടിക്കാഴ്ച നടത്തും. എന്ഡോസള്ഫാന് ദുരിതബാധിതകര്ക്ക് 375 കോടി രൂപയുടെ പാക്കേജിന് കേന്ദ്ര ധനസഹായം അനുവദിക്കണമെന്ന് കൂടിക്കാഴ്ചയില് ആവശ്യപ്പെടുമെന്ന് ഉമ്മന് ചാണ്ടി പറഞ്ഞു.
ഒരു രൂപയ്ക്ക് അരി ഉള്പ്പെടെയുള്ള പ്രകടന പത്രികയിലെ വാഗ്ദാനങ്ങളെല്ലാം ആദ്യമന്ത്രിസഭാ യോഗത്തില് തീരുമാനിക്കാനാവില്ല. പ്രകടന പത്രികയിലെ എല്ലാ കാര്യങ്ങളും ആദ്യ യോഗത്തില് തന്നെ നടപ്പാക്കുമെന്നാണോ കോടിയേരി ധരിച്ചിരിക്കുന്നതെന്ന് ഉമ്മന് ചാണ്ടി ചോദിച്ചു.
Click it and Unblock the Notifications
Sign in with Google