തീഹാർ ജയിലിൽ ആപ് മന്ത്രിക്ക് നല്ല ഭക്ഷണം ലഭിക്കുന്നില്ലെന്ന് അഭിഭാഷകൻ, തൂക്കം 28 കിലോ കുറഞ്ഞെന്ന് കോടതിയിൽ
ദില്ലി: ജയിലില് നല്ല ഭക്ഷണമോ ചികിത്സയോ ലഭിക്കുന്നില്ലെന്ന പരാതിയുമായി തീഹാര് ജയിലില് കഴിയുന്ന ആം ആദ്മി പാര്ട്ടിയുടെ മന്ത്രിയായ സത്യേന്ദര് ജെയ്ന്. തീഹാര് ജയിലില് സത്യേന്ദര് ജെയ്നിന് വിഐപി പരിഗണന ലഭിക്കുന്നതായുളള ആരോപണങ്ങള്ക്കിടെയാണ് അദ്ദേഹത്തിന്റെ അഭിഭാഷകന് കോടതിക്ക് മുന്നില് പരാതിയുമായി എത്തിയിരിക്കുന്നത്.
കൃത്യമായി ഭക്ഷണവും മെഡിക്കല് ചെക്കപ്പും അടക്കം ലഭിക്കാത്തത് കാരണം മന്ത്രിയുടെ തൂക്കം 28 കിലോയോളം കുറഞ്ഞു എന്നാണ് സത്യേന്ദര് ജെയ്നിന് വേണ്ടി ഹാജരായ മുതിര്ന്ന അഭിഭാഷകന് രാഹുല് മെഹ്ര വിചാരണക്കോടതിക്ക് മുന്നില് പരാതിപ്പെട്ടത്. തീഹാര് ജയിലില് വെച്ച് സത്യേന്ദര് ജയിനിനെ മറ്റൊരു തടവ് പുളളി കാല് തടവി കൊടുക്കുന്ന വീഡിയോ കഴിഞ്ഞ ദിവസം പുറത്ത് വന്നിരുന്നു.
പിന്നാലെ വിവാദം ബിജെപി ഏറ്റെടുത്തു. മന്ത്രിക്ക് ആം ആദ്മി സര്ക്കാര് ജയിലില് വിഐപി പരിഗണന നല്കുകയാണ് എന്നാണ് ബിജെപി ആരോപണം. അതേസമയം കോടതിയില് സമര്പ്പിച്ച വീഡിയോ അന്വേഷണ ഏജന്സിയായ ഇഡി പുറത്തേക്ക് ചോര്ത്തി നല്കി എന്നാരോപിച്ച് സത്യേന്ദര് ജെയ്ന് കോടതിയലക്ഷ്യ കേസ് നല്കിയിരുന്നു. ഈ ഹര്ജിയില് വാദം കേള്ക്കവേയാണ് ജയിലില് കാര്യമായ ഭക്ഷണം പോലും മന്ത്രിക്ക് ലഭിക്കുന്നില്ലെന്ന പരാതി അഭിഭാഷകന് മുന്നോട്ട് വെച്ചത്.
Shaalin Zoya: ഗ്ലാമറസ് ലുക്കില് കടലോളങ്ങളെ തഴുകി ഷാലിൻ; കണ്ണെടുക്കാൻ തോന്നുന്നില്ലെന്ന് ആരാധകർ
സത്യേന്ദര് ജെയ്ന് പ്രതിയായ കള്ളപ്പണം വെളുപ്പിക്കല് കേസ് അന്വേഷിക്കുന്നത് ഇഡിയാണ്. കോടതി ഉത്തരവുണ്ടായിട്ടും അത് മറികടന്ന് ഇഡി ജയിലിലെ സിസിടിവി ദൃശ്യം മാധ്യമങ്ങള്ക്ക് നല്കി എന്നാണ് സത്യേന്ദര് ജെയ്ന് ആരോപിക്കുന്നത്. ഇത് മൂലം തനിക്ക് വലിയ മാനനഷ്ടമുണ്ടായി എന്നാണ് ഹര്ജിയിലെ ആരോപണം. ''അജ്മല് കസബിന് വരെ സ്വതന്ത്രവും നീതിയുക്തവുമായ വിചാരണയ്ക്കുളള അവസരം ലഭിച്ചു. താന് അതിനേക്കാള് മോശമായ ആളല്ലെന്ന് ഉറപ്പുണ്ട്. ആകെ ആവശ്യപ്പെടുന്നത് സ്വതന്ത്രവും നീതിപൂര്വ്വവുമായ വിചാരണയാണ്. അതുകൊണ്ട് സത്യേന്ദര് ജെയ്നിന് എതിരായ മാധ്യമ റിപ്പോര്ട്ടിംഗുകള് പരിശോധിക്കണമെന്നും അത് അന്വേഷണ ഏജന്സികളുടെ താല്പര്യപ്രകാരമാണ്'' എന്നും ഹര്ജിയില് പറയുന്നു.
ജയിലില് വിഐപി പരിഗണന ലഭിക്കുന്നതായുളള ഇഡിയുടെ ആരോപണം സത്യേന്ദര് ജെയിന് തളളി. ഒരു ജയില് നിയമവും ലംഘിക്കപ്പെട്ടിട്ടില്ലെന്നും മറ്റൊരു വിചാരണ തടവുകാരന് കാലോ കയ്യോ തടവിയത് കൊണ്ട് ഒരു ചട്ട ലംഘനവും ഇല്ലെന്ന് അഭിഭാഷകന് വാദിച്ചു. സത്യേന്ദര് ജെയ്നിന്റെ ചികിത്സയുടെ ഭാഗമായുളള ഫിസിയോ തെറാപ്പിയാണ് ജയിലില് നടന്നിരുന്നത് എന്നായിരുന്നു ആം ആദ്മി പാര്ട്ടിയുടെ ന്യായീകരണം.
-
സ്വര്ണം 'പറ്റിക്കല്' തുടരുന്നു.. ഇന്ന് വീണ്ടും വില കൂടി, തിരികെ കയറി തുടങ്ങിയോ? ഗ്രാം, പവന് വില അറിയാം -
മഞ്ജു വാര്യർ പറയുന്നു, 'സ്ഥാനാർത്ഥിത്വം വാഗ്ദാനം ചെയ്ത് വന്നിട്ടുണ്ട്',ഇനി രാഷ്ട്രീയത്തിലേക്കോ?മറുപടി -
'വിനീതാണ് അമ്മയ്ക്ക് മൊബൈൽ ഫോൺ വാങ്ങിച്ചു കൊടുത്തത്, അത് എനിക്ക് പാരയായി';എം മോഹനൻ്റെ കുറിപ്പ് -
ശനിയും സൂര്യനും ഒന്നിക്കുന്നു; ഈ നക്ഷത്രക്കാരുടെ ഭാഗ്യം തെളിയും, കടം കൊടുത്ത പണം കിട്ടും, പ്രണയം പൂവണിയും! -
ആഗ്രഹിക്കുന്നതെല്ലാം നടക്കും... ഈ രാശിക്കാരുടെ ശുക്രനുദിച്ചു, നിങ്ങളുമുണ്ടോ? -
'പക്വത ഇല്ല,ഭർത്താവിനുള്ള പിന്തുണ തനിക്കും കിട്ടുമെന്ന തെറ്റിധാരണ,ആര്യ രാജേന്ദ്രന് വിനയായത് ഇതൊക്കെ' -
വീണ്ടും ലോക്ക്ഡൗണോ? വ്യക്തത വരുത്തി കേന്ദ്ര സര്ക്കാര്, എന്തും നേരിടാന് സജ്ജം -
യുഎഇയിൽ വ്യാപകമായ മഴ, കൂട്ടിന് ഇടിമിന്നലും ശക്തമായ കാറ്റും; കാരണം ന്യൂനമർദ്ദം, ഡ്രൈവർമാർ ജാഗ്രത! -
10 എണ്ണ ടാങ്കറുകൾ ഹോർമുസ് വഴി കടത്തിവിട്ടു; ഇറാൻ്റെ 'രഹസ്യ സമ്മാനം',വെളിപ്പെടുത്തി ട്രംപ് -
എല്ലാ ആഴ്ചയിലും ഒരു ഗ്രാം പൊന്ന്! കൊച്ചിക്കാരെ പോലെ സ്വര്ണം വാങ്ങി നോക്കിയാലോ? -
പെന്ഷന് 25740 രൂപയായി വര്ധിക്കും? 186% വര്ധനവ്, ശമ്പള കമ്മീഷന് ശുപാര്ശ ഇങ്ങനെയോ? -
കൊടുവള്ളിയിൽ പികെ ഫിറോസിന് കാര്യങ്ങൾ എളുപ്പമാവില്ല; സലീം മടവൂർ തിളങ്ങുമോ? 13 സ്ഥാനാർത്ഥികൾ രംഗത്ത്
Click it and Unblock the Notifications
Sign in with Google