യുഎന്നില് അമേരിക്കയ്ക്കെതിരേ വോട്ട് ചെയ്ത് ഇന്ത്യയും; കാനഡ വിട്ടുനിന്നത് ശ്രദ്ധേയമായി
ന്യുയോര്ക്ക്: ജറൂസലേമിനെ ഇസ്റായേല് തലസ്ഥാനമായി പ്രഖ്യാപിച്ച യുഎസ് തീരുമാനത്തിനെതിരേ യു.എന് ജനറല് അസംബ്ലിയുടെ അടിയന്തര യോഗത്തില് വ്യാഴാഴ്ച നടന്ന വോട്ടെടുപ്പില് ഇന്ത്യയും പാകിസ്താനും ഉള്പ്പെടെ 128 രാജ്യങ്ങള് അമേരിക്കയ്ക്കെതിരേ വോട്ട് ചെയ്തു. പൊതുവെ അമേരിക്കയ്ക്കും ഇസ്രായേലിനും അനുകൂലമായ നിലപാട് സ്വീകരിക്കുന്ന നരേന്ദ്രമോദി ഭരണകൂടം ജെറൂസലേം വിഷയത്തില് അവര്ക്കെതിരായ നിലപാട് സ്വീകരിക്കുകയായിരുന്നു. വോട്ടെടുപ്പില് നിന്ന് വിട്ടുനില്ക്കാന് അവസരമുണ്ടായിരുന്നെങ്കിലും പ്രമേയത്തെ അനുകൂലിക്കുന്ന ധീരമായ നിലപാടാണ് ഇന്ത്യ സ്വീകരിച്ചത്. ജെറൂസലേം വിഷയത്തിലുള്ള അമേരിക്കന് നിലപാടിനെ നേരത്തേ തന്നെ ഇന്ത്യ എതിര്ത്തിരുന്നു.
തങ്ങള്ക്കെതിരേ വോട്ട് ചെയ്യുന്ന രാജ്യങ്ങള്ക്ക് നല്കിക്കൊണ്ടിരിക്കുന്ന സാമ്പത്തിക സഹായങ്ങള് റദ്ദ് ചെയ്യുമെന്ന അമേരിക്കന് പ്രസിഡന്റ് ഡൊണാള്ഡ് ട്രംപിന്റെ ഭീഷണികള് അവഗണിച്ചാണ് ലോക രാഷ്ട്രങ്ങള് അവര്ക്കെതിരേ വോട്ട് ചെയ്തിരിക്കുന്നത്. 9 രാജ്യങ്ങള് മാത്രമാണ് പ്രമേയത്തിനെതിരേ വോട്ട് ചെയ്തത്. 35 രാഷ്ട്രങ്ങള് വോട്ടെടുപ്പില് നിന്ന് വിട്ടുനിന്നു.
അമേരിക്കയ്ക്കും ഇസ്രായേലിനും പുറമെ, ഗ്വാട്ടിമാല, ഹോണ്ടുറാസ്, മാര്ഷല് അയലന്റ്സ്, മൈക്രോണേഷ്യ, നൗറു, പലാവു, ടോഗോ എന്നിവയാണ് പ്രമേയത്തെ എതിര്ത്ത് വോട്ട് ചെയ്ത രാഷ്ട്രങ്ങള്. ആന്റിഗ്വ-ബര്ബുഡ, അര്ജന്റീന, ആസ്ത്രേലിയ, ബഹാമാസ്, ബെനിന്, ഭൂട്ടാന്, ബോസ്നിയ ഹെര്സഹോവിന, കാമറൂണ്, കാനഡ, കൊളംബിയ, ക്രൊയേഷ്യ, ചെക്ക് റിപ്പബ്ലിക്, ഡൊമിനിക്കന് റിപ്പബ്ലിക്, ഇക്വറ്റോറിയല് ഗിനിയ, ഫിജി, ഹെയ്ത്തി, ഹങ്കറി, ജമൈക്ക, ലാത് വിയ, ലെസോത്തോ, മലാവി, മെക്സിക്കോ, പനാമ, പരാഗ്വെ, ഫിലിപ്പീന്സ്, പോളണ്ട്, റുമാനിയ, റുവാണ്ട, സോളമന് അയലന്റ്സ്, സൗത്ത് സുഡാന്, ട്രിനിഡാഡ്-ടൊബാഗോ, ഉഗാണ്ട, വനുവാറ്റു എന്നീ രാജ്യങ്ങളാണ് വോട്ടെടുപ്പില് നിന്ന് വിട്ടുനിന്നത്. അമേരിക്കയ്ക്ക് അനുകൂലമായി വോട്ടുചെയ്യുമെന്ന് കരുതപ്പെട്ടിരുന്ന കാനഡ വിട്ടുനിന്നത് ശ്രദ്ധേയമായി.
അതേസമയം, ഭീകരവിരുദ്ധ യുദ്ധത്തില് അമേരിക്കയെ കൂടുതലായ ആശ്രയിക്കുന്ന അഫ്ഗാനിസ്താന്, ഇറാഖ് തുടങ്ങിയ രാജ്യങ്ങള് പോലും അമേരിക്കയ്ക്കെതിരായാണ് വോട്ട് ചെയ്തത്. ജെറൂസലേം ഇസ്രായേല് തലസ്ഥാനമായി അംഗീകരിച്ച അമേരിക്കന് നടപടി നിയമസാധുതയില്ലാത്തതാണെന്ന് പ്രമേയം പാസ്സാക്കിയതിലൂടെ യു.എന് വ്യക്തമാക്കി.
-
മമ്മൂട്ടിയോട് അറിയുമോയെന്ന് ചോദിച്ചു, ആ എന്ന് പറഞ്ഞ് മൈൻ്റാക്കാതെ പോയി';അപമാനം നേരിട്ടെന്ന് സംവിധായകൻ -
സ്വര്ണവില കുത്തനെ ഇടിഞ്ഞു.. എന്നിട്ടും ദുബായില് ആരും സ്വര്ണം വാങ്ങുന്നില്ല..! കാരണമിത് -
ഗോപി സുന്ദറുമായുള്ള പ്രണയത്തിൽ സംഭവിച്ചത്; ഒരുപാട് ആഗ്രഹിച്ചു പക്ഷെ..അമൃത സുരേഷ് പറയുന്നു -
'ആരോടും പറയാതെ പോയി, ബെഡ്റൂം തുറന്നപ്പോൾ കണ്ടത്.. തെളിവായി ഫോട്ടോകളുണ്ട്', മന്ത്രി ഗണേഷിനെതിരെ ഭാര്യ -
ത്രിഗ്രഹി യോഗം വരുന്നു; ഈ രാശിക്കാർക്ക് ശത്രുക്കളുടെ മേൽ ജയം, പുതിയ കാറും വീടും..! മാർച്ച് 15 മുതൽ -
'മന്ത്രിയെ ഭാര്യ കൈയോടെ പൊക്കിയത് അറിഞ്ഞില്ലെ? സ്റ്റാഫ് മർദ്ദിച്ചു', ഗണേഷ് കുമാറിനെതിരെ കെ എസ് യു -
ബെംഗളൂരുവിലെ റെയിൽ യാത്രക്കാർക്ക് ആശ്വാസം; ബൈയപ്പനഹള്ളി-ഹൊസൂർ പാത ഇരട്ടിപ്പിക്കൽ വൈകില്ല! -
ഇന്ത്യ ഭയന്നത് സംഭവിക്കുന്നു; ക്രൂഡ് ഓയില് വില 30 ശതമാനം കൂടി, സ്വര്ണം വിട്ടോടാന് കാരണം മറ്റൊന്ന് -
പ്രണയിക്കുന്നത് തെറ്റല്ല, തുടരും; ആരും വ്യക്തിപരമായ കാര്യങ്ങളിൽ ഇടപെടേണ്ടെന്നും ഗണേഷ് കുമാർ -
കേരളത്തിൽ പാമ്പ് ശല്യം രൂക്ഷം; ജീവൻ രക്ഷിക്കാൻ ഈ മുൻകരുതലുകൾ അറിയുക -
ഇറാന്റെ ഡ്രോണുകളെയും മിസൈലുകളെയും തകർത്ത് യുഎഇ; ഞെട്ടിക്കുന്ന ദൃശ്യങ്ങൾ -
'വീട്ടിലെ കക്കൂസ് മാലിന്യം പുറത്തേക്ക് ഒഴുക്കി, പ്രതിഷേധിച്ചു', മമ്മൂട്ടിക്കെതിരെ ചാനലിൽ വിളിച്ച് ആരോപണം
Click it and Unblock the Notifications
Sign in with Google