ഇന്ത്യയില് നിന്നുള്ള ഇറക്കുമതികള്ക്ക് 50% തീരുവ; യുഎസിന് പിന്നാലെ മെക്സിക്കോയും
യുഎസിന് പിന്നാലെ ഇന്ത്യയടക്കമുള്ള ഏഷ്യന് രാജ്യങ്ങള്ക്ക് പുതിയ തീരുവ ചുമത്തുമെന്ന് പ്രഖ്യാപിച്ച് മെക്സിക്കോയും. ഇന്ത്യ, ചൈന, മറ്റ് നിരവധി ഏഷ്യന് സമ്പദ്വ്യവസ്ഥകള് എന്നിവിടങ്ങളില് നിന്നുള്ള ഇറക്കുമതിക്ക് 50% വരെ പുതിയ തീരുവ ചുമത്താന് മെക്സിക്കോ അംഗീകാരം നല്കി. ഇത് 2026 ജനുവരി 1 മുതല് ഇന്ത്യ-മെക്സിക്കോ വ്യാപാരത്തെ ബാധിക്കുമെന്ന് പ്രതീക്ഷിക്കുന്നു.
മെക്സിക്കോ കോണ്ഗ്രസിന്റെ ഇരുസഭകളും പാസാക്കിയ ഈ നടപടികള്, ഓട്ടോമൊബൈലുകള്, ഓട്ടോ പാര്ട്സ്, തുണിത്തരങ്ങള്, വസ്ത്രങ്ങള്, പ്ലാസ്റ്റിക്, സ്റ്റീല്, ഉപകരണങ്ങള്, ഇലക്ട്രോണിക്സ് എന്നിവയുള്പ്പെടെ 1400-ലധികം ഉല്പ്പന്നങ്ങളെ ലക്ഷ്യമിടുന്നു. മെക്സിക്കോയുമായി സ്വതന്ത്ര വ്യാപാര കരാറില്ലാത്ത ഇന്ത്യ ഈ നയം നേരിട്ട് ബാധിക്കുന്ന രാജ്യങ്ങളില് ഒന്നാണ്.
ആഭ്യന്തര ഉല്പ്പാദനം വര്ധിപ്പിക്കുന്നതിനും പ്രത്യേകിച്ച് ചൈനയുമായുള്ള വര്ധിച്ച് വരുന്ന വ്യാപാര അസന്തുലിതാവസ്ഥ പരിഹരിക്കുന്നതിനുമാണ് താരിഫ് പാക്കേജ് ഉദ്ദേശിക്കുന്നതെന്ന് മെക്സിക്കന് പ്രസിഡന്റ് ക്ലോഡിയ ഷെയിന്ബോമിന്റെ സര്ക്കാര് പറയുന്നു. പ്രാദേശിക വിതരണ ശൃംഖലകള് ശക്തിപ്പെടുത്തുന്നതിനും കുറഞ്ഞ ചെലവിലുള്ള ഇറക്കുമതികളെ ആശ്രയിക്കുന്നത് കുറയ്ക്കുന്നതിനുമുള്ള ശ്രമങ്ങളുടെ ഭാഗമായി നിയമനിര്മ്മാതാക്കള് ഈ നീക്കത്തിന് രൂപം നല്കി.
മെക്സിക്കോയുടെ സാമ്പത്തിക മന്ത്രാലയം സെപ്റ്റംബറില് ആദ്യം ഈ നിര്ദ്ദേശം മുന്നോട്ടുവച്ചിരുന്നു. പക്ഷേ ചൈനയില് നിന്നും ആഭ്യന്തര ബിസിനസ് ഗ്രൂപ്പുകളില് നിന്നും എതിര്പ്പ് നേരിട്ടതിന് ശേഷം 281 വോട്ടുകള്ക്ക് കോണ്ഗ്രസ് പാസാക്കി. എന്നിരുന്നാലും യു എസ് തീരുവകള് മറികടക്കാന് മെക്സിക്കോയെ ഒരു കയറ്റുമതി കേന്ദ്രമായി ഉപയോഗിക്കുന്ന ഏഷ്യന് വസ്തുക്കളുടെ വരവ് തടയാന് വാഷിംഗ്ടണ് മെക്സിക്കോയില് സമ്മര്ദ്ദം ചെലുത്തിയിരുന്നു.
അതിനാല് പുതിയ തീരുവ പരിഷ്കരണം അമേരിക്കയെ പ്രീണിപ്പിക്കുക എന്നത് കൂടി ലക്ഷ്യമിടുന്നുവെന്ന് വിശകലന വിദഗ്ധര് പറയുന്നു. യു എസ്-മെക്സിക്കോ-കാനഡ കരാറിന്റെ അടുത്ത അവലോകനത്തിന് മുന്നോടിയായി ഈ നീക്കം നടക്കുന്നുണ്ട്. ചൈന, വിയറ്റ്നാം, ഇന്തോനേഷ്യ, ഇന്ത്യ എന്നീ രാജ്യങ്ങള് മെക്സിക്കോയില് തങ്ങളുടെ ഉല്പ്പാദനം വികസിപ്പിക്കുന്നുണ്ടെന്ന് യുഎസ് ഉദ്യോഗസ്ഥര് മുന്നറിയിപ്പ് നല്കിയിട്ടുണ്ട്.
മെക്സിക്കോ തങ്ങളുടെ ധനക്കമ്മി കുറയ്ക്കാന് ശ്രമിക്കുമ്പോള് താരിഫുകള് ഏകദേശം 3.76 ബില്യണ് ഡോളര് അധിക വരുമാനം ഉണ്ടാക്കുമെന്ന് പ്രതീക്ഷിക്കുന്നു. തീരുവകള് ചൈന ഉള്പ്പെടെയുള്ള വ്യാപാര പങ്കാളികളുടെ താല്പ്പര്യങ്ങള്ക്ക് സാരമായി ദോഷം വരുത്തുമെന്ന് പറഞ്ഞുകൊണ്ട് ചൈന ഈ തീരുമാനത്തെ നിശിതമായി വിമര്ശിക്കുകയും മെക്സിക്കോ അതിന്റെ നയം തിരുത്താന് ആവശ്യപ്പെടുകയും ചെയ്തു.
മെക്സിക്കോയുടെ വ്യാപാര നടപടികളെക്കുറിച്ച് ബീജിംഗ് ഒരു അന്വേഷണവും ആരംഭിച്ചിട്ടുണ്ട്. ചൈനയുടെ എതിര്പ്പുകള്ക്കിടയിലും, BYD, MG പോലുള്ള ചൈനീസ് വാഹന നിര്മ്മാതാക്കള് മെക്സിക്കോയില് പ്രവര്ത്തനങ്ങള് വിപുലീകരിക്കുന്നു, ഇത് യുഎസ് വിപണിയില് പ്രവേശിക്കുന്നതിന് ബീജിംഗ് മെക്സിക്കോയെ ഒരു പരിഹാരമായി ഉപയോഗിക്കുന്നുവെന്ന വാഷിംഗ്ടണിന്റെ ആശങ്കകള്ക്ക് കാരണമായി.
-
പാലക്കാട് രമേഷ് പിഷാരടി തൂക്കും, തൃത്താല ബൽറാം തിരിച്ച് പിടിക്കും, ശോഭ പിന്നെയും തോൽക്കും, മനോരമ സർവ്വേഫലം -
'500 രൂപയില് തുടങ്ങിയ പിഷാരടി ദിവസവും ഒന്നര ലക്ഷം വാങ്ങാന് ആരംഭിച്ചു'; ആ വളര്ച്ച അസൂയാവഹം -
ഇറാനിൽ അമേരിക്കൻ സൈന്യം വന്നാൽ റഷ്യ ഇടപെടും? പ്രഖ്യാപനത്തിൽ നടുങ്ങി ലോകം -
ഏപ്രില് 1ന് രാത്രി 8 മണിക്ക് അത് സംഭവിക്കും; സുപ്രധാന പ്രഖ്യാപനവുമായി ഇറാന്, സ്തംഭിക്കും -
ഖത്തറിന്റെ കടുത്ത നടപടി; വിസ ഓണ് അറൈവല് റദ്ദാക്കി, യാത്രക്കാര്ക്ക് നിര്ദേശവുമായി പാക് എംബസി -
ഫോർട്ട് കൊച്ചി- വൈപ്പിൻ ഭൂഗർഭ തുരങ്കപാത; കാത്തിരിപ്പ് നീളുന്നു, 30 മാസം വേണം പൂർത്തിയാവാൻ, ഇനിയെന്ത്? -
പാചകവാതക വിലയിൽ വൻ വർധനവ്; സാധാരണക്കാർക്ക് ഇരുട്ടടി! പുതുക്കിയ നിരക്കുകൾ ഇങ്ങനെ -
ലുലു ഗ്രൂപ്പിന്റെ അനുബന്ധ സ്ഥാപനം ഡല്ഹിയില് ബംഗ്ലാവ് സ്വന്തമാക്കി; സ്റ്റാമ്പ് ഡ്യൂട്ടി മാത്രം 6.26 കോടി -
പിണറായി 3.0 സാധ്യമോ? മധ്യ കേരളത്തിൽ യുഡിഎഫ് മുന്നേറ്റമുണ്ടാക്കും; ഇടത് കോട്ടകൾ വീഴുമെന്ന് സർവേ -
റിപ്പോർട്ടർ ചാനൽ ഇപ്പോൾ പൂട്ടിപ്പോകും, പ്രശ്നം ഗുരുതരമാണ്, ആൻ്റോയുടെ പേരിൽ ലൈസൻസ് ഇല്ല'; അഖിൽ മാരാർ -
കേരളത്തിൽ ഭരണമാറ്റം വരുന്നു? തെക്കൻ കേരളത്തിലും യുഡിഎഫ് മുന്നേറ്റം, ബിജെപിക്ക് സീറ്റ് കിട്ടും, പ്രവചനം -
'രഞ്ജിത്ത് തന്റെ സിനിമയിലെ സ്ത്രീ വിരുദ്ധത നിത്യ ജീവിതത്തിലും പ്രായോഗികവൽക്കരിക്കുന്നു'; ഡോ. ബിജു
Click it and Unblock the Notifications
Sign in with Google