Click it and Unblock the Notifications
Just In
Don't Miss
-
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
IPL 2024: ഹാര്ദിക് എന്തിന് ടീമില്? വീണ്ടും ഫ്ളോപ്പ്; ലോകകപ്പ് ടീമിലും വേണ്ട! ട്രോളി ഫാന്സ് -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
പോലീസുകാര്‍ക്കെന്താ ദൃശ്യത്തിനോടിത്ര വിരോധം
തിരുവനന്തപുരം: ദൃശ്യം എന്ന ചിത്രം കേരളവും കടന്ന് തമിഴ്‌നാട്ടിലും കര്‍ണാടകയിലുമെല്ലാം പോകാനൊരുങ്ങുന്നു. പക്ഷെ ചിത്രം കണ്ട ഒരു കൂട്ടര്‍ക്ക് അത് ഒട്ടും രസിച്ചിട്ടില്ല. ആര്‍ക്കാണെന്നാവും. കേരളത്തിലെ പൊലീസുകാര്‍ക്ക് തന്നെ. നേരത്തെ ദൃശ്യത്തിനെതിരെ കടുത്ത വിമര്‍ശനവുമായി തിരുവനന്തപുരം സിറ്റി കമ്മീഷണര്‍ രംഗത്ത് വന്നിരുന്നു. കമ്മീഷണര്‍ക്ക് പിന്നാലെയിതാ എഡിജിപിയും.
ദൃശ്യം പ്രേക്ഷകര്‍ക്ക് തെറ്റായ സന്ദേശമാണ് നല്‍കുന്നതെന്ന് കുറ്റപ്പെടുത്തിക്കൊണ്ട് ജയില്‍ ഡിജിപി ടിപി സെന്‍കുമാറാണ് ഇപ്പോള്‍ രംഗത്ത് വന്നിരിക്കുന്നത്. ഓട്ടോ ഡ്രൈവര്‍മാര്‍ക്കായി സംഘടിപ്പിച്ച ബോധവത്കരണ ക്ലാസില്‍ സംസാരിക്കുകയായിരുന്നു അദ്ദേഹം.
സിനിമയിലെ കൊലപാതകവും ബ്ലാക്‌മെയില്‍ രംഗവും തുടര്‍ന്നുണ്ടാകുന്ന സംഭവങ്ങളും ജനങ്ങള്‍ക്ക് തെറ്റായ സന്ദേശമാണ് നല്‍കുന്നത്. സ്ത്രീകള്‍ ബ്ലാക്‌മെയിലിങില്‍പ്പെട്ടാല്‍ ഉടന്‍ പൊലീസില്‍ അറിയിക്കുകയാണ് വേണ്ടത്. കഥയില്‍ ചോദ്യമില്ലാത്തതുകൊണ്ട് ചിത്രത്തെ കുറിച്ച് അധികമൊന്നും പറയുന്നില്ല. പക്ഷെ അഭിനയിക്കുന്നതിന് മുമ്പ് മോഹന്‍ലാല്‍ ഇക്കാര്യം മനസ്സിലാക്കണമായിരുന്നെന്ന് അദ്ദേഹം പറഞ്ഞു.
അപകടമുണ്ടാക്കുന്ന വാഹനങ്ങള്‍ക്കെതിരെ, വാഹനത്തിന്റെ വലുപ്പ ചെറുപ്പം നോക്കാതെ കര്‍ശന നടപടിയെടുക്കണം. ചെറിയ വാഹനങ്ങള്‍ അപകടമുണ്ടാക്കിയാലും വലിയ വാഹനങ്ങള്‍ക്കെതിരെ നടപടിയെടുക്കുന്ന പ്രവണത മാറണം. ട്രാഫിക് പൊലീസിനും ഹോംഗാര്‍ഡുകള്‍ക്കും ബോധവത്കരണ ക്ലാസെടുക്കണമെന്നും ട്രാഫിക്ക് ഡ്യൂട്ടിയില്‍ നിയോഗിക്കപ്പെട്ട പലര്‍ക്കും ഗതാഗത നിയമങ്ങളറിയില്ലെന്നും സെന്‍കുമാര്‍ പറഞ്ഞു.
