പ്രവാസികൾക്ക് നല്ലകാലം! ഷാർജയിൽ മലയാളികൾക്ക് ഫാമിലി സിറ്റി! വിദ്യാഭ്യാസ സ്ഥാപനങ്ങളും ആശുപത്രികളും
കേരളത്തിലെത്തിയ ഷാർജ ഭരണാധികാരി ഷെയ്ഖ് സുൽത്താൻ ബിൻ മുഹമ്മദ് അൽ ഖാസിമിയുമായി ഗവർണറും മുഖ്യമന്ത്രിയും കൂടിക്കാഴ്ച നടത്തി.
തിരുവനന്തപുരം: കേരളത്തിലെത്തിയ ഷാർജ ഭരണാധികാരി ഷെയ്ഖ് സുൽത്താൻ ബിൻ മുഹമ്മദ് അൽ ഖാസിമിയുമായി ഗവർണറും മുഖ്യമന്ത്രിയും കൂടിക്കാഴ്ച നടത്തി. മുഖ്യമന്ത്രിക്കൊപ്പം കെടി ജലീൽ അടക്കമുള്ള മന്ത്രിമാരും
ഷാർജ ഭരണാധികാരിയെ കാണാനെത്തിയിരുന്നു.
രാജ്ഭവനിൽ വെച്ച് നടന്ന കൂടിക്കാഴ്ചയിൽ സംസ്ഥാന സർക്കാർ ഏഴ് പദ്ധതികളും നിർദേശങ്ങളും മുന്നോട്ടുവെച്ചു. ഷാർജയിൽ ഫാമിലി സിറ്റി, അന്താരാഷ്ട്ര വിദ്യാഭ്യാസ സ്ഥാപനങ്ങൾ തുടങ്ങിയ നിർദേശങ്ങൾ അനുഭാവപൂർവ്വം പരിഗണിക്കുമെന്ന് ഷാർജ ഭരണാധികാരി മുഖ്യമന്ത്രിക്കും മന്ത്രിമാർക്കും ഉറപ്പുനൽകി. ഗവർണർ ഒരുക്കിയ വിരുന്നിൽ പങ്കെടുത്ത ശേഷമാണ് ഷെയ്ഖ് സുൽത്താൻ രാജ്ഭവനിൽ നിന്നും കോവളത്തെ ഹോട്ടലിലേക്ക് മടങ്ങിയത്.
ഷാർജ ഫാമിലി സിറ്റി...
കേരളം മുന്നോട്ടുവെച്ച പ്രധാന പദ്ധതികളിലൊന്നാണ് ഷാർജ ഫാമിലി സിറ്റി. മലയാളികൾക്ക് വേണ്ടി കേരള സർക്കാരിന്റെ സഹകരണത്തോടെ ഷാർജയിൽ ആരംഭിക്കാൻ ഉദ്ദേശിക്കുന്ന ഭവന പദ്ധതിയാണ് ഷാർജ ഫിലിം സിറ്റി. പത്ത്
അപ്പാർട്ട്മെന്റ് ടവറുകളാണ് നിർമ്മിക്കാൻ ഉദ്ദേശിക്കുന്നത്. ഇതിന് പത്തേക്കർ ഭൂമി ആവശ്യം വരും. ആധുനിക ചികിത്സാ സൗകര്യങ്ങളടക്കം ഉൾപ്പെടുത്തിയാണ് ഫാമിലി സിറ്റി രൂപകൽപ്പന ചെയ്തിരിക്കുന്നത്.
അന്താരാഷ്ട്ര വിദ്യാഭ്യാസ സ്ഥാപനങ്ങൾ...
ഷാർജയുമായി സഹകരിച്ച് രാജ്യാന്തര നിലവാരമുള്ള പബ്ലിക് സ്കൂളുകൾ, എൻജിനീയറിങ് കോളേജ്, മെഡിക്കൽ കോളേജ്, നൈപുണ്യ പരിശീലനകേന്ദ്രങ്ങൾ തുടങ്ങിയ വിദ്യാഭ്യാസ സ്ഥാപനങ്ങൾ ആരംഭിക്കാനും കേരളം നിർദേശം വെച്ചിട്ടുണ്ട്.
സാംസ്ക്കാരിക കേന്ദ്രം...
കേരളത്തിന്റെ ചരിത്രവും സംസ്കാരവും ലോകത്തിനു മുന്നിൽ അവതരിപ്പിക്കുന്ന മ്യൂസിയം, കലാവേദികൾ, ആയുർവേദ ടൂറിസം തുടങ്ങിയവ ഉൾപ്പെടുത്തിയുള്ള സാംസ്ക്കാരിക കേന്ദ്രം ആരംഭിക്കാനും കേരളം താൽപ്പര്യം പ്രകടിപ്പിച്ചിട്ടുണ്ട്.
ആയുർവേദ ഹബ്ബ്...
ഷാർജയിൽ നിന്ന് വരുന്ന അതിഥികൾക്ക് വേണ്ടി കേരളത്തിൽ പ്രത്യേക ആയുർവേദ ടൂറിസം പാക്കേജുകൾ നൽകും. ഷാർജയിൽ ആരംഭിക്കാൻ ഉദ്ദേശിക്കുന്ന സാംസ്കാരിക കേന്ദ്രത്തിൽ കേരളത്തിന്റെ ആയുർവേദ ഹബ്ബും സ്ഥാപിക്കും.
പശ്ചാത്തല വികസന മേഖലയിൽ...
അടുത്ത നാലുവർഷം കൊണ്ട് പശ്ചാത്തല വികസന മേഖലയിൽ 50,000 കോടി രൂപയുടെ മുതൽമുടക്കാണ് കേരളം വിഭാവനം ചെയ്യുന്നത്. പശ്ചാത്തല വികസനത്തിനുള്ള ഭാവി പദ്ധതികളിൽ ഷാർജയുടെ സഹകരണവും
പങ്കാളിത്തവുമാണ് കേരളം പ്രതീക്ഷിക്കുന്നത്.
ഐടി മേഖലയിൽ...
ഐടി മേഖലയിൽ ഷാർജയും കേരളവും തമ്മിലുള്ള പരസ്പര സഹകരണമാണ് സംസ്ഥാന സർക്കാർ ലക്ഷ്യമിടുന്നത്. ഷാർജയിലെ യുവജനങ്ങളിൽ സാങ്കേതിക സംരംഭകത്വം വളർത്തിയെടുക്കുന്നതിൽ കേരളത്തിലെ സ്റ്റാർട്ടപ്പ് മിഷനും പങ്കുവഹിക്കാൻ കഴിയും. ഷാർജയിലെ പ്രമുഖ കമ്പനികളുടെ ബാക്ക് ഓഫീസ് ഓപ്പറേഷൻ കേരളത്തിന്റെ സംവിധാനങ്ങളിൽ ചെയ്യാൻ കഴിയും.
ആരോഗ്യ പരിപാലനം...
നിർമ്മാണം പൂർത്തിയായി കൊണ്ടിരിക്കുന്ന കണ്ണൂർ രാജ്യാന്തര വിമാനത്താവളത്തിനു സമീപം ഷാർജയുടെ സഹകരണത്തോടെ ലോക നിലവാരത്തിലുള്ള മെഡിക്കൽ സെന്റർ ആരംഭിക്കാനും കേരളത്തിന് ഉദ്ദേശ്യമുണ്ട്.
-
സ്വര്ണം വീണ്ടും കുറഞ്ഞു; സ്വര്ണവില ഏറ്റവും താഴ്ന്ന നിരക്കിലേക്ക്, ഇന്നത്തെ പവന് വില അറിയാം -
കാത്തിരുന്ന രാജയോഗം വന്നെത്തി... ഇനി പ്രശ്നങ്ങള്ക്കെല്ലാം വിട; ആഗ്രഹിക്കുന്നതെന്തും നടക്കും -
അഹാന എനിക്ക് മെസേജ് ഇട്ടു, വിവാഹം കഴിക്കാൻ പോകുന്നുവെന്ന്; നിമിഷ് രവിയെ കുറിച്ച് തുറന്ന് പറഞ്ഞ് കൃഷ്ണകുമാർ -
സുഖസൗകര്യം വര്ധിക്കും; സാമ്പത്തിക വഞ്ചന സൂക്ഷിക്കണം, വിദേശത്തുള്ളവര്ക്കു ഭാഗ്യാനുഭവം, നാൾഫലം -
ചൊവ്വ മാറിയാൽ ജീവിതവും മാറും; ഈ രാശിക്കാരുടെ പ്രണയം പൂവണിയും, പുതിയ ജോലി തേടിയെത്തും..! -
സര്വീസില് സ്ഥിരമാകും, വാഹനം വാങ്ങാനുള്ള ആഗ്രഹം സഫലമാകും, ഭൂമിയില് നിന്ന് കൂടുതല് വരുമാനം, നാൾഫലം -
ഖത്തര് ആണ് എട്ടിന്റെ പണി തന്നത്; ആ തീരുമാനം ഇന്ത്യ പ്രതീക്ഷിച്ചില്ല, എല്എന്ജി ബദല് നോക്കി കേന്ദ്രം -
ബെംഗളൂരു നിവാസികൾക്ക് ആശങ്ക; യെലഹങ്ക പവർ പ്ലാന്റ് അടച്ചു, നഗരത്തിലെ വൈദ്യുതി വിതരണത്തെ ബാധിച്ചേക്കും -
സ്വർണ വില ഇന്നും താഴേക്ക്; 75,000 രൂപ വരെയെങ്കിലും പവന് വരുമോ? പഴയ സ്വർണം വിൽക്കേണ്ടവർ അറിയാൻ -
മീനാക്ഷി തന്റെ ഏറ്റവും വലിയ ബലമാണെന്ന് ദിലീപ്; ''ആ പ്രശ്നങ്ങൾ ഒക്കെ നടക്കുമ്പോൾ അവർ ചെറിയ കുട്ടി -
ഭക്ഷണം ശ്വാസകോശത്തിൽ കുടുങ്ങി, പിന്നാലെ കുഴഞ്ഞു വീണു; കാർത്തിക് സൂര്യയ്ക്ക് സംഭവിച്ചത് -
അവസാന ശ്രമമായി പിണറായിയുടെ വിളി, സുധാകരനെ അനുനയിപ്പിക്കാൻ സിപിഎം നേതാക്കൾ വീണ്ടും വീട്ടിലെത്തി
Click it and Unblock the Notifications
Sign in with Google