പാറിപ്പറന്ന് പൂമ്പാറ്റ സ്വകാര്യ ബസും അടിച്ചുമാറ്റി; ശ്രീലങ്കയിലെ സ്വർണ്ണം! കഥകൾ അവസാനിക്കുന്നില്ല...
സംസ്ഥാനത്തെ ജ്വല്ലറികൾ കേന്ദ്രീകരിച്ച് തട്ടിപ്പ് നടത്തിയ സിനി ലാലു എന്ന പൂമ്പാറ്റ സിനിയെ ദിവസങ്ങൾക്ക് മുമ്പാണ് തൃശൂർ പോലീസ് പിടികൂടിയത്.
തൃശൂർ: കേരളത്തിലുടനീളം പാറിപ്പറന്ന് തട്ടിപ്പ് നടത്തിയ പൂമ്പാറ്റ സിനിക്കെതിരെ കൂടുതൽ പരാതികൾ. കഴിഞ്ഞദിവസം മാത്രം രണ്ട് പേരാണ് പൂമ്പാറ്റ സിനിക്കെതിരെ പോലീസിൽ പരാതി നൽകിയത്. ഒരു സ്വകാര്യ ബസടക്കം ഒന്നരക്കോടിയോളം രൂപ പൂമ്പാറ്റ സിനി തട്ടിയെടുത്തുവെന്നാണ് കഴിഞ്ഞദിവസം ലഭിച്ച പരാതി.
സംസ്ഥാനത്തെ ജ്വല്ലറികൾ കേന്ദ്രീകരിച്ച് തട്ടിപ്പ് നടത്തിയ സിനി ലാലു എന്ന പൂമ്പാറ്റ സിനിയെ ദിവസങ്ങൾക്ക് മുമ്പാണ് തൃശൂർ പോലീസ് പിടികൂടിയത്. 18ഓളം കേസുകളാണ് പൂമ്പാറ്റ സിനിക്കെതിരെ വിവിധ പോലീസ് സ്റ്റേഷനുകളിൽ രജിസ്റ്റർ ചെയ്തിരുന്നത്. സാധാരണ വീട്ടമ്മമാർ മുതൽ ജ്വല്ലറി ഉടമകൾ വരെ സിനിയുടെ തട്ടിപ്പിനിരയായിരുന്നു. ഈ കേസുകൾക്ക് പുറമെയാണ് തട്ടിപ്പിനിരയായ കൂടുതൽപേർ കഴിഞ്ഞദിവസങ്ങളിൽ പരാതി നൽകാനെത്തിയത്.
പങ്കാളിയാക്കാമെന്ന്....
സ്വർണക്കച്ചവടത്തിൽ പങ്കാളിയാക്കാമെന്ന് പറഞ്ഞാണ് പാലപ്പിള്ളി സ്വദേശി പൂന്തല സെയ്തലവിയിൽ നിന്നും 43 ലക്ഷം രൂപ തട്ടിയെടുത്തത്. വിദേശത്ത് നിന്ന് കസ്റ്റംസ് ഉദ്യോഗസ്ഥർ പിടിച്ചെടുക്കുന്ന സ്വർണം പാതിവിലയ്ക്ക് നൽകാമെന്നായിരുന്നു സിനിയുടെ വാഗ്ദാനം. ഇതിനു പുറമേ സെയ്തലവിയുടെ ഉടമസ്ഥതയിലുണ്ടായിരുന്ന പ്രവാസി ബസ് താൽക്കാലിക കരാറെഴുതി സിനി സ്വന്തമാക്കുകയും ചെയ്തു.
മറിച്ചുവിറ്റു....
ബസിന്റെ ഉടമസ്ഥതാവകാശം സ്വന്തമാക്കിയതോടെ സിനിക്കെതിരെ സെയ്തലവി പോലീസിൽ പരാതി നൽകാൻ ശ്രമിച്ചു. ഇക്കാര്യമറിഞ്ഞ സിനി ഗുണ്ടകളെ വിട്ട് സെയ്തലവിയെ ഭീഷണിപ്പെടുത്തി. ഇതിനുപിന്നാലെ സെയ്തലവിയുടെ പേരിലുള്ള ഭൂമിയുടെ ആധാരവും സിനി സ്വന്തമാക്കിയിരുന്നു. ചൊക്കന-പാലപ്പിള്ളി-തൃശൂർ റൂട്ടിൽ സർവ്വീസ് നടത്തിയിരുന്ന പ്രവാസി ബസ് സിനി പിന്നീട് മാറ്റക്കച്ചവടം നടത്തിയെന്നും സെയ്തലവിയുടെ പരാതിയിൽ പറയുന്നു.
റബർ...
സിനിക്കെതിരെ പരാതി നൽകിയ മറ്റൊരാൾ പാലപ്പിള്ളി സ്വദേശിയായ കരാറുകാരനാണ്. 70 ലക്ഷം രൂപ സിനി തട്ടിയെടുത്തുവെന്നാണ് ഇയാളുടെ പരാതി. ശ്രീലങ്കയിൽ നിന്ന് പാതിവിലയ്ക്ക് സ്വർണ്ണം എത്തിച്ചുതരാമെന്ന് പറഞ്ഞാണ് പൂമ്പാറ്റ സിനി ഇയാളെ കബളിപ്പിച്ചത്.
ശിക്ഷിക്കപ്പെട്ടില്ല...
സാധാരണ വീട്ടമ്മമാരെ മുതൽ വൻകിട ജ്വല്ലറി ഉടമകളെ വരെ കബളിപ്പിച്ച പൂമ്പാറ്റ സിനിക്കെതിരെ നിരവധി കേസുകളാണ് രജിസ്റ്റർ ചെയ്തിട്ടുള്ളത്. ഇതിൽ പല കേസുകളിലും സിനി അറസ്റ്റിലായിരുന്നുവെങ്കിലും ശിക്ഷിപ്പെട്ടിരുന്നില്ല. പോലീസിലെ സ്വാധീനമാണ് സിനിക്ക് രക്ഷപ്പെടാൻ അവസരം നൽകിയതെന്ന് നേരത്തെ ആരോപണമുണ്ടായിരുന്നു.
ആത്മഹത്യയും...
ഇതിനിടെ സിനിയുടെ തട്ടിപ്പിനിരയായ ആലപ്പുഴയിലെ റിസോർട്ട് ഉടമ ആത്മഹത്യ ചെയ്ത സംഭവവുമുണ്ടായി. ഇയാളിൽ നിന്ന് പണം തട്ടിയെടുത്ത സിനി, സ്വകാര്യ ദൃശ്യങ്ങൾ പകർത്തി ബ്ലാക്ക് മെയിൽ ചെയ്യുകയായിരുന്നു. ദൃശ്യങ്ങൾ പ്രചരിപ്പിക്കുമെന്ന് ഭീഷണിപ്പെടുത്തിയാണ് സിനി ഇയാളെ ബ്ലാക്ക് മെയിൽ ചെയ്തിരുന്നത്.
-
സ്വർണ വില നാളെ വീഴും ഈയൊറ്റകാര്യം സംഭവിച്ചാൽ; നിക്ഷേപകരുടെ കണ്ണ് യുഎസിലേക്ക്..മറിച്ച് സംഭവിച്ചാൽ -
സ്വർണ വില കേരളത്തിൽ കുതിച്ചപ്പോൾ ദുബായിൽ ഇടിഞ്ഞു, പ്രവാസികൾക്ക് സന്തോഷ വാർത്ത..പവൻ വില അറിയാം -
ലോകത്തെ 40% സ്വര്ണവും കുഴിച്ചെടുത്ത സ്ഥലം... ചൈനയും പോളണ്ടും അല്ല; സ്വര്ണ തലസ്ഥാനം ഇവിടെ -
സ്വര്ണവില ഇന്നും വര്ധിച്ചു; ഇനി അര ലക്ഷം രൂപയുടെ ഈ ആഭരണം വാങ്ങാം, ഇന്നത്തെ പവന് വില -
സ്വര്ണം വില കൂടി; ഡോളര് ഇടിഞ്ഞത് തിരിച്ചടി, ഇനിയും ചാഞ്ചാട്ട സാധ്യത, ഇന്നത്തെ പവന് വില -
സ്വര്ണത്തിന് അടിപതറുന്നു? സുരക്ഷിത ആസ്തികളില് കുതിച്ച് ചെമ്പും യുറേനിയവും! -
ഒരു സ്വര്ണഖനി പോലുമില്ല.. എന്നിട്ടും ദുബായ് എങ്ങനെ സ്വര്ണനഗരമായി? അതൊരു വല്ലാത്ത കഥയാണ്!! -
യുദ്ധം കൂടിയാലും സ്വര്ണവില കൂടില്ല.. കാരണം ദുബായ്! യഥാര്ത്ഥത്തില് സംഭവിച്ചത് ഇത്... -
സ്വർണ വില കണ്ണ് തള്ളിക്കും വിധം കുതിക്കും; ചൈന തരുന്നത് എട്ടിൻ്റെ പണി..സ്വർണം വാങ്ങിക്കൂട്ടുന്നു -
'ദിലീപിനേയും മഞ്ജുവിനേയും വിളിച്ചുവരുത്തി, കാരണം ആ സംശയം;രണ്ട് പേർക്കും അത് മനസിലായില്ല' -
'മമ്മൂട്ടി 75 വയസായ ആളാണ്, അസുഖം ഉള്ളയാളാണ്, തെറി പറഞ്ഞാൽ യുഡിഎഫ് സീറ്റ് 110 ന് മുകളിലേക്ക്' -
സ്വർണം കൂട്ടത്തോടെ വിറ്റ് ദുബായിലെ ഇന്ത്യക്കാർ; ഒരു ദിവസം ഒരു കിലോ വരെ..കാരണം ഇതാണ്
Click it and Unblock the Notifications
Sign in with Google