കൈത്തറി തൊഴിലാളികളുടെ താലൂക്ക് ഓഫീസ് മാർച്ചും ധർണ്ണയും

വടകര: അതിജീവനത്തിന് പ്രക്ഷേപ വഴി .ദുരിതത്തിലായ കൈത്തറി തൊഴിലാളികളാണ് ഒടുവിൽ സമരവഴി സ്വീകരിച്ച് തെരുവിലിറങ്ങിയത്. സത്രീകളും പ്രായ ചെന്നവരും ഉൾപ്പെടെ നൂറുകണക്കിന് തൊഴിലാളികളാണ് കൈത്തറി തൊഴിലാളി യൂനിയൻ(എച്ച്.എം.എസ്)ജില്ലാ കമ്മറ്റിയുടെ നേതൃത്വത്തിൽ വിവിധ ആവശ്യങ്ങൾ ഉന്നയിച്ചുകൊണ്ട് വടകര താലൂക്ക് ഓഫീസ് മാർച്ചും,ധർണ്ണയും നടത്തി.

മിനിമം വേതനം അനുവദിക്കുക,റിബേറ്റ് കുടിശ്ശിക വിതരണം ചെയ്യുക,കൈത്തറി തൊഴിലാളി പെൻഷൻ വർധിപ്പിക്കുക,ജി.എസ്.ടി ഒഴിവാക്കുക എന്നീ ആവശ്യങ്ങൾ ഉന്നയിച്ചു കൊണ്ടാണ് സമരം.എച്ച്.എം.എസ്.ദേശീയ സമിതി അംഗം മനയത്ത് ചന്ദ്രൻ ധർണ്ണ ഉൽഘാടനം ചെയ്തു.

ഏ.ടി.ശ്രീധരൻ അധ്യക്ഷത വഹിച്ചു.സി.ബാലൻ,സി.വി.ഗോവിന്ദൻ,കെ.കെ.കൃഷ്ണൻ,സി.കുമാരൻ,വി.കെ.കുമാരൻ എന്നിവർ പ്രസംഗിച്ചു.പടം:താലൂക്ക് ഓഫീസ് മാർച്ച് മനയത്ത് ചന്ദ്രൻ ഉൽഘാടനം ചെയ്യുന്നു

English summary

Protest of Handloom workers at Taluk office