രാമായണം ഹിന്ദുത്വവാദികളുടെ തറവാട്ടുസ്വത്തല്ല! പാര്ട്ടി രാമായണമാസം ആചരിക്കുന്നതില് ഒരു തെറ്റുമില്ല!
രാമായണമാസം ആചരിക്കാനുള്ള പാര്ട്ടി തിരുമാനത്തില് പ്രതികരണവുമായി എഴുത്തുകാരന് സച്ചിതാനന്ദന്. രാമായണം ഹിന്ദുത്വവാദികളുടെ തറവാട് സ്വത്തല്ലെന്നും മുസ്ലീങ്ങളും ജൈനരും ബുദ്ധരും പങ്കിടുന്ന മതാതീതമായ ലോകമഹാകാവ്യമാണതെന്നും സച്ചിതാനനന്ദന് പറഞ്ഞു.
രാമായണത്തെ ഒരു മതപാഠം ആക്കാതെ ഒരു സെക്യുലര് എപ്പിക് ആയി അവതരിപ്പിക്കാന് ആണ് സിപിഎം ശ്രമികേണ്ടത്. അല്ലെങ്കില് അത് തിരിച്ചടിയാകുമെന്നും ഫേസ്ബുക്കില്ർ എഴുതിയ കുറിപ്പില് സച്ചിതാനന്ദന് പറയുന്നു.
തെറ്റില്ല
കേരളത്തിലെ മാര്ക്സിസ്റ്റ് പാര്ടി രാമായണമാസം ആചരിക്കുന്നതില് ഞാന് തെറ്റ് കാണുന്നില്ല. പക്ഷെ അത് നടപ്പ് ആചാരത്തിന്റെ വഴിയില് തന്നെയെങ്കില് ഹിന്ദുത്വ പ്രത്യയശാസ്ത്രത്തെയാണ് ശക്തിപ്പെടുത്തുക. ഇന്ത്യയിലെ രാമായണപാരംപര്യത്തിന്റെ വൈവിധ്യം ബോധ്യപ്പെടുത്തി ഹിന്ദുത്വവാദികള് പറയുന്ന ഏകശിലാരൂപമായ ഇന്ത്യ എന്ന ജനാധിപത്യ വിരുദ്ധ ആശയത്തിന്നെതിരെ ഇന്ത്യന് ജനസംസ്കൃതിയുടെ നാനാത്വം ജനങ്ങളില് എത്തിക്കാന് ഇത് നല്ല അവസരമാണ്, കാരണം രാമായണം ഒരു ദക്ഷിണേഷ്യന് പാരമ്പര്യമാണ്, അത് ഹിന്ദുക്കളുടെതു മാത്രമല്ല.
എല്ലാവര്ക്കും
ബംഗ്ലാദേശിലെയും മലയേഷ്യയിലെയും മുസ്ലിം നാടക ട്രൂപ്പുകള് രാമായണം അവതരിപ്പിച്ചു ഞാന് കണ്ടിട്ട്ണ്ട്. ബുദ്ധിസ്റ്റുകള്ക്കും ജൈനര്ക്കും അവരുടെ രാമായണങ്ങള് ഉണ്ട്. ഇന്ത്യന് രാമായണ പാരമ്പര്യത്തിന്റെ ഏറ്റവും നല്ല പഠനം നടത്തിയത് ബെല്ജിയന് പാതിരി ആയിരുന്ന ഫാദര് കാമില് ബുല്ക്കെ ആണ് ( "രാമകഥ", മലയാളത്തിലും കേരള സാഹിത്യ അക്കാദമി ഇറക്കിയിരുന്നു, ഒരു പുതിയ പതിപ്പ് ആവശ്യം ) .
മാപ്പിള രാമായണം
അമേരിക്കന് പണ്ഡിതയും എന്റെ സുഹൃത്തുമായ ആയ പോളാ റിച്ച്മാന് ആണ് മറ്റൊരു വലിയ അതോറിറ്റി. ( അവരുടെ മൂന്നു പുസ്തകങ്ങള് രാമായണസംബന്ധിയായി ഉണ്ട്) എഴുത്തച്ഛന് 'അധ്യാത്മ രാമായണം' എഴുതിയത് എല്ലാ മലയാളികള്ക്കും വേണ്ടിയാണ്. അദ്ദേഹം തന്നെ അത് പറഞ്ഞിട്ടുണ്ട്. കേരളത്തില് തന്നെ മാപ്പിള രാമായണവും വയനാടന് രാമായണവും ഉള്പ്പെടെ 29 രാമായണപാഠങ്ങള് ഉണ്ട്. ( പുസ്തകങ്ങള്, പാട്ടുകള്, പെര്ഫോമന്സുകള്).
ആയിരം രാമായണങ്ങള്
മുന്നൂറു രാമയണങ്ങളെപ്പറ്റി ഏ കെ രാമാനുജന് എഴുതി, എന്നാല് അതിനേക്കാള് എത്രയോ കൂടുതല് രാമായണങ്ങള് ഉണ്ട്. പലതിലും സീത രാവണപുത്രിയോ രാമസഹോദരിയോ ആണ്. വാല്മീകി രാമനെക്കാള് അനീതിക്ക് ഇരയായ സീതയുടെ ഭാഗത്താണ്. ഒരു ഭീലി രാമായണത്തില് യുദ്ധമേ ഇല്ല- രാവണന് സീതയെ തിരിച്ചു കൊടുത്തു മാപ്പ് ചോദിക്കുന്നു. രാമന് സന്യാസി ആയതിനാല് ലക്ഷ്മണന് രാവണനെ കൊല്ലുന്ന രാമായണം ഉണ്ട്. അങ്ങിനെ ആയിരം രാമായണങ്ങള്
തിരിച്ചടി
രാമായണത്തെ ഒരു മതപാഠം ആക്കാതെ ഒരു സെക്യുലര് എപ്പിക് ആയി അവതരിപ്പിക്കാന് ആണ് ശ്രമികേണ്ടത്. അല്ലെങ്കില് അത് തിരിച്ചടിയിലേ കലാശിക്കൂ. ഡല്ഹിയില് 'സഫ്ദര് ഹാഷ്മി ട്രസ്റ്റ് ഒരിക്കല് ഒരു നല്ല രാമായണ പ്രദര്ശനം നടത്തി. അആര് എസ് എസ്സുകാര് ആക്രമിച്ചെങ്കിലും അതിന്റെ സന്ദേശം വ്യക്തമായിരുന്നു,
തറവാട്ട് സ്വത്തല്ല
" രാമായണം നിങ്ങളുടെ തറവാട്ടു സ്വത്തല്ല, ഹിന്ദുക്കള്ക്ക് മാത്രം അവകാശപെട്ടത് പോലുമല്ല. മുസ്ലീങ്ങളും ജൈനരും ബുദ്ധരും പങ്കിടുന്ന മതാതീതമായ ലോകമഹാകാവ്യമാണത്." അല്ലാ, ഹിന്ടുത്വവാദികളുടെ ഒരു മിമിക്രി ആണ് പാര്ട്ടി ഉദ്ദേശിക്കുന്നതെങ്കില്,നിങ്ങള്ക്കു ഹാ കഷ്ടം!
ഫേസ്ബുക്ക് പോസ്റ്റ്
ഫേസ്ബുക്ക് പോസ്റ്റിന്റെ പൂര്ണരൂപം
-
"എസ്ഡിപിഐയുമായി സന്ധിയില്ല; പിഡിപി കൂടെയുണ്ട്": വർഗീയ വോട്ടുകൾ വേണ്ട എന്ന് എംഎ ബേബി -
'കേരളത്തിൽ ബിജെപി അധികാരത്തിൽ വരും; എൽഡിഎഫും യുഡിഎഫും ഞങ്ങളെ ഭയക്കുന്നു'; മോദി -
ഉരുൾപ്പോരും ഉശിരൻ പോരുമായി വയനാട് -
പോസ്റ്റൽ വോട്ടിങ്ങിൽ മാറ്റം, ചെയ്യേണ്ടത് ഇങ്ങനെ -
100 വയസ്സ് കഴിഞ്ഞ 1,555 വോട്ടര്മാര്; വീട്ടിലിരുന്നും വോട്ട് ചെയ്യാം -
ആർക്കും തെരഞ്ഞെടുപ്പ് നിരീക്ഷകനാകാം, 100 മിനിറ്റിനുള്ളിൽ നടപടി ഉറപ്പാക്കി ‘സി-വിജിൽ’ -
എൽഡിഎഫ് സ്ഥാനാർത്ഥിക്കായി പിആർഡി കുറിപ്പ്; ഇൻഫർമേഷൻ ഓഫീസർക്ക് സസ്പെൻഷൻ -
സ്വര്ണം വന്തോതില് ഒഴുകും; അമേരിക്ക ഇളവ് പ്രഖ്യാപിച്ചു, യുഎഇ, തുര്ക്കി എന്നിവര്ക്ക് നേട്ടം -
സ്വര്ണവില 75000 ത്തിലേക്ക് വീഴും, ഗ്രാമിന് 9500 രൂപ..! അതും 2026 ല് തന്നെ..! -
ഈ രാശിക്കാരാണോ? രണ്ടാഴ്ചയ്ക്കുള്ളില് അളവറ്റ ധനം കൈയിലെത്തും, ഇനി സൗഭാഗ്യനാളുകള് -
സ്വർണ വില ഗ്രാമിന് 6000 വരെ ആകണമെന്ന് വ്യാപാരികൾ; വില കുറയാൻ ആഗ്രഹിക്കുന്നത് ഇക്കാര്യം കൊണ്ടെന്ന് -
അധികാരസ്ഥാനങ്ങളില് എത്തിച്ചേരും, സുഹൃത്തുക്കളുമായി അകലും, അവിചാരിതമായ ആപത്തുകള്, വാരഫലം
Click it and Unblock the Notifications
Sign in with Google